استفسار بخصوص مقاس الكوتش؟
 

عاوز اركب كاوتش مقاس 195\55 جنط 15 للالنترا 2007
وهو مقاس الكاوتش بتاعها 185\65 جنط 15
ايه الفرق ؟وهى كده العربيه هتوطى كتير ؟يعنى اد ايه بالسنتيمتر
؟
وشكرا جزيلا للرد

رد: استفسار بخصوص مقاس الكوتش؟
 

كدة مقاس الكاوتش هايصغر تقريبا 2.6 سم ودة كتيير
المفروض يبقى نفس الارتفاع

رد: استفسار بخصوص مقاس الكوتش؟
 

شكرا جزيلا
بس ازاى بتتحسب بالسنتيمتر؟

رد: استفسار بخصوص مقاس الكوتش؟
 

ممكن نسألك ليه عاوز تغير المقاس؟؟

الناس عادة بتكبر مش بتصغر عرض الكوتش علشان تاخد ثبات افضل...

رد: استفسار بخصوص مقاس الكوتش؟
 

ياباشا ده الكاوتش ده بتاع خالى عشان هو ركب جنوطه وهو مش عاوزهم
قولت لو ينفع يركبو عندو عشان حلتهم كويسه واحسن من اللى عندى
ومش عارف كده العربيه حتحكحك جامد ولا مش اوى؟
شكرا لك للرد

رد: استفسار بخصوص مقاس الكوتش؟
 

أول قاعدة في تغيير الكاوتش: اوعى تغير مقاس القطر الخارجي للفردة..... أبدا أبدا أبدا

تاني حاجة: لازم تعرف إيه معنى المقاس المكتوب على العجلة عشان تعرف كيفية حساب القطر

تالت حاجة: لو فرضنا إنك ما لقيتش مقاس يخلي قطر العجلة القديمة زي العجلة الجديدة بالظبط، يبقى ساعتها حاول تقلل الفرق على قد ما تقدر

معلش أنا كلامي صعب شوية..... بس خلي بالك إن مقاسات الكاوتش كلها بتتغير كالآتي:

عرض الكاوتش بالمللي بيزيد 10 مللي بين كل مقاس والتاني، مثلا: 185... 195... 205... 215
نسبة ارتفاع الجانب بتزيد بنسبة 5%، مثلا: 70... 65... 60... 55
قطر الجنط بيزيد 1 بوصة، مثلا: 13... 14... 15... 16

احسب الكلام ده كله مع بعضه... حيديك قطر الكاوتش المناسب اللي هو أقرب حاجة للقطر الأصلي


...