ما رايكم فى السيارة الاكسبلوجن
 

انا سوف اشترى سيارة اكسبلوجن و لا اعرف عنها شئ سوى انها سيارة عالية و تبدة جيدة نظرا لكثرة المطبات فى مصر و سعرها الذى لا يتعدى 70000 تقريبا
فارجو ممن يمتلكها التعليق و الافادة حيث لم يكتب عنها احد اى شئ ! لماذا !

رد: ما رايكم فى السيارة الاكسبلوجن
 

يقال ان قطع غياره ناقص شوية عشان مش منتشرة اوى بس روح اسال على ها بتوع قطع الغيار فى شارع شمبليون وشارع دمشق مصر الجديدة وبالاخص الى شغالين فى الفورد اكسبلوجن

رد: ما رايكم فى السيارة الاكسبلوجن
 

العفشة متعبه و عشان تتعدل بتغيرها كلها لتريوس

قطع الغيار مش زي الصاج و الفوانيس مش متوافقه مع التريوس بالرغم من التشابه الظاهري

و بصراحه اشتري تريوس الشكل القديم استعمال بحالة جيدة احسن

رد: ما رايكم فى السيارة الاكسبلوجن
 

انا اشتريتها وبصراحة حلوة وقطع الغيار متوفرة والوكيل محترم جدا انا من الاسكندرية والوكيل شركة الطارق وطبعا الطارق معروف فى مجال السيارات وايضا شركة المسلمى ناس محترمة ويحترمون كلمة ما بعد البيع لانى عملت معاهم مشكلة من لا شىء لانهم خوفونى من الصينى وجد منهم كل الاحترام مع انى على خطا

رد: ما رايكم فى السيارة الاكسبلوجن
 

انا كان نفسي اشتريها لأنها عجباني جدآ و لكن ناس كتير خوفوني منها و نصحوني بعدم شرائها منهم من يمتلكها و ميكانيكيه و كانت معروضه عليه سياره حالتها ممتازه فبريكه جوه و بره موديل 2008 في الاسكندريه و اتفقت مع صاحبها على 38000 و من كثره ما نصحوني بالبعد عنها لم اتمم الشراء و اشتريت ستروين اكسارا2 موديل 2002 و الحمد لله سياره ممتازه لكن برده شكل الاكسبلوجن بيشدني و على فكره نفس اللي بيئولوه على الاكس بلوجن بيتئال على التريوس

رد: ما رايكم فى السيارة الاكسبلوجن
 

انا معايا من2008 لم اغير شى فيها الا الصيانه الدوريه بس هى مش عاوزه غرز على السرعات العاليه بالنسبه لقطع الغيار العفشه كلها تيريوس وانا سالت عليها فى الحرفيين عند علاء جيب بجوار الطيار كلها موجوده بالنسبه للصاج هوهو اما الموتور متسوبيشى ولو حتبوظه فى اقل من 8 الى 10 سنوات اسف ما تركبش عربيه احسن
سيبك من كلام الى مركبش العربيه صلى استخاره وتوكل على الله

رد: ما رايكم فى السيارة الاكسبلوجن
 

أنا معايا الاكسبلوجن 2008 العربية زى الفل وسيبك من اى حاجة تتقال احنا فى مصر عندنا عقدة الخواجة انا حقولك بما يرضى اللة انا بالنسبة لى العيب الوحيد فى العربية ان العربية من الداخل ديقة شوية لكن هى من احسن العربات اللى ممكن تركبها فى شوارع مصر وللامانة حاجتها رخيصة لكن قليلة جدا بس التوكيل موجود ومش غالى فية قطع الغيار ممكن تشترى القطعة وعايز تركبها برة براحتك