|
لانسر بومة VS نيسان صنى...أرجو الافادة
السلام عليكم ازيكم جميعا يا شباب...ده أول موضوع ليا معاكم وكنت محتاج مساعدتكم لانى جديد فى اختيار سيارة وبقارن حاليا بين مودلين شايفهم الأفضل فى السعر اللى عايزه وهما لانسر 1300 الشكل القديم(بومة) ونيسان صنى الجديدة وبصراحة مش قادر اقرر فى اللى بيقول ان الصنى تجميع وتقفيل مصرى وده عيب كبير بس أنا مش عارف اللانسر تقفيل يابانى ولا مصرى؟؟؟ وايه الفرق بينها وبين 1300 خليجى وكعيب فى اللانسر انا شايف انتشارها الغير عادى!!.ده غير انى شايف انها كتكنولوجيا أكيد أقل لانها تنتج من 2004 اما كسعر ففى فرق تقريبا 15 الف اعلى فى اللانسر...فهل تستحق ارجو الافادة يا جماعة وامدادى بأوجه تانية للمقارنة...خصوصا فى التكنولوجيا المستخدمة وجزاكم الله خيراptmnlo123per1105 |
رد: لانسر بومة VS نيسان صنى...أرجو الافادة
وعليكم السلام ورحمة الله وبركاته
على فكرة أنا زيك بالظبط لسه عضو جديد و برضه بعقد نفس المقارنة بتاعتك دي وكمان بضيف على العربيتين دول( الياريس) مش عارف أنا ميال أكتر للصني والصراحة محدش قال عن الثلاث عربيات أي حاجة وحشةhttp://www.masrmotors.com/vb/showthr...7329#post27329 عموما اقرا الموضوع ده عن الصني ممكن يفيدك |
رد: لانسر بومة VS نيسان صنى...أرجو الافادة
اهلا بيك يا استاذ تيمو ....
انا واحد من الناس اللي للأسف عندها هس هس من التقفيل المصري .. لكن النيسان صني من اقل العربيات اللي فيها مشاكل في التقفيل المحلي .. ومع صديق ليا بقالها سنه و عمل بيها 30 الف وكل مشكلته صوت الهوا مع السرعه ( عزل الابواب ) وبصراحه الفيس ليفت الجديده بالاوبشنز و مواصفات الامان بقت مغريه خصوصا انها 1600 سي سي انا كنت عايز بس اوضح نقطه لحضرتك بخصوص ان الانسر البومه من 2004 النيسان صني من 2000 ووقف انتاجها من 2005 ... يعني اللي عندنا ده خط تجميع الموديل القديم ... والشكل الجديد ده فيس ليفت وموجود من 2005 ... وتبقى كده اللانسر احدث لكن لو بختار لنفسي و بالرغم من قدم الصني حختارها لسببين ... موتور 1600 - المواصفات الجديده .... و ضمان الوكيل .... 3 اسباب ptmnlo123per1127 وبالتوفيق ان شاء الله |
رد: لانسر بومة VS نيسان صنى...أرجو الافادة
العربيتين حلوين
بس بصراحه انا كمان مش بقتنع بالتقفيل المصري لو مافيش مشكله بالنسبالك هات الصني |
رد: لانسر بومة VS نيسان صنى...أرجو الافادة
اولا شكرا لكا اللى شاركونى
يعنى اللى فهمتوا من sam ان التقفيل المصرى فى الصنى مش مشكلة وان مميزاتها ك1600 سسى سى ومواصفات أفضل بس ليا سؤال بقى بخصوص الوكيل اللى بتقول انه برضه من مميزات الصنى مين هو وكيل صنى تحديده فى مصر..لانى شفت اكتر من موزع والضمان عامل ازاى....وقطع غيارها وصيانتها؟ |
رد: لانسر بومة VS نيسان صنى...أرجو الافادة
بخصوص الوكيل حضرتك حددت ان الانسر خليجي
وبالتالي كون الصني ليها توكيل و بالتالي ليها ضمان ... فدي ميزه عن الخليجي وعلى ما اتذكر ضمانها 60 الف كم او سنتين ايهم اقرب ... عموما الوكيل هو نيسان موتور ايجيبت ... ومركز الصيانه في ابو رواش ... وليها مراكز تانيه ممكن تعرفها من خلال الموقع الرسمي http://www.nissan.com.eg وحتلاقي فيه بيانات الموزعين و مراكز الخدمه واي عربيه جديده بتكون صيانتها في حدود الزيت و الفلتر و مصنعيه الورشه ... واعتقد ان قطع غيار الصني او الانسر مش بعاد عن بعض من حيث السعر ... وبخصوص التقفيل في الصني بالنسبه للتجميع المحلي فأنا شايف انه مقبول من وجهه نظري ... وفي ناس تانيه شايفه ان التقفيل المصري عموما مش كويس .. ودي ترجع لوجهه نظر كل واحد الموتور ال 1600 اقوى من 1300 وابسط دليل ان الناس بتتخنق من الانسر 1300 اوتوماتيك وده عمره ما حصل مع الصني لأنها 1600 توين كام ... لكن طبعا استهلاك البنزين اعلا ... ونصحيتي لحضرتك لو بتقارن بين اللانسر الخليجي و الصني الجديده يبقى تتفرج عليهم بنفسك ... لأن وجهه نظرك الشخصيه اهم حاجه ... واللي تعجبك فيهم اتوكل على الله فيها ومبروك مقدما |
رد: لانسر بومة VS نيسان صنى...أرجو الافادة
شكرا يا sam على ردك:)
بس أنا بس كنت عايز أوضح انى محددتش اللانسر خليجى لانى مش عارف الفرق بينها وبين المحلية اصلا وهل اللانسر المحلية تقفيل يابانى؟ وانا فعلن ناوى ان شاء الله اتفرج بنفسى لكن بسأل عشان الحاجات دى أكيد مش هعرفها من اللى بيبيع والله يبارك فيك (مقدما بردو:):) ) |
| الساعة الآن 07:06 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017