![]() |
كم سؤال عن الساجا من سجاوي جديد، رجاء الرد
السلام عليكم ورحمة الله وبركاته يا أحلى منتدى سيارات في العالم :fun_36_3_3[1]:
بفضل الله جبت العربية الساجا من كم يوم وعندي كم سؤال: 1- ساعات بسمع صوت طقطقة خفيف وأنا بلف الدركسيون على الشمال أو اليمين، هل ده طبيعي؟ 2- عاوز أركب إنذار وخايف أركبه بره لأن رحت لواحد قعد يقولي أنا خبرة وبتاع بس البروتون صعبة ومعقدة وحساسة و... و...، خدت بعضي ومشيت، عاوز أكرب اللي هو الإنذار أبو شاشة ده، هل ينفع أشتريه من برة واروح أركبه عند الوكيل أو مركز صيانة معتمد؟ 3- ايه أقرب مركز صيانة معتمد من مصر الجديدة، النزهة، أو جسر السويس؟ 4- احم احم، أرفع الدركسيون ازاي؟ وشكرًا يا أحلى منتدى :w6w200504112246446a |
رد: كم سؤال عن الساجا من سجاوي جديد، رجاء الرد
بالنسبة للانذار عندك سيبر كار في المنتدي كويسين جدا
وبالنسبة ممكن تجيبه وتركبه في التوكيل عادي الصوت مش هقدر افيدك بصراحة بس ممكن يكون سوسته ولا حاجة عاوز تتربط وهيبان مع اول صيانة ليك |
رد: كم سؤال عن الساجا من سجاوي جديد، رجاء الرد
شكرًا جزيلاً على الرد السريع
ممكن لنك لسيبر كار هنا وعل ده عن تجربة؟ في انتظار الرد |
رد: كم سؤال عن الساجا من سجاوي جديد، رجاء الرد
البروتون ساجا بتظهر فيها في بعض الاحيان عيب صناعة في علبة الدريكسيون بتسبب طقكطقة و نقص زيت الباور
ممكن تراجع زيت الباور و بلغ خدمة العملاء ان علبة الدريكسيون بتطقطق علشان صيانة الالف يغيروهالك هما عادة بيحاولوا يمطوحوا و يقولوا هيا اصلا كدا و الصوت طبيعي و كلام هبل كتير - صمم انك تغيرها و اتخانق - خد كام كورس مع اللمبي رفع الدريكسيون عادة بيبقى في دراع تحت الدريكسيون بترفعه لفوق تلاقي القطمة بتطلع و تنزل معاك |
رد: كم سؤال عن الساجا من سجاوي جديد، رجاء الرد
هو مش عن تجربة شخصية بس الاعضاء هنا ليهم تجارب كثير وحضرتك هتشوف في المواضيع وممكن تسئلهم هنا قبل ما تروح http://www.masrmotors.com/vb/forumdisplay.php?f=118
|
رد: كم سؤال عن الساجا من سجاوي جديد، رجاء الرد
استغفر الله العظيم، يعني عيب علبة الدركسيون لبس معايا؟
يالا الحمد لله على كل شيء. يعني ينفع أغيره؟ مين بالظبط اللي أكلمه؟ الوكيل ولا مين؟ لو بعد صيانة الألف كيلو لاقيت الصوت لسه موجود هاروح أتخانق معاهم وأغيرها بإذن الله، ربنا يحفظنا وهابلغهم وقت صيانة الألف كيلو ومش هامشي غير لما ألاقي الصوت راح إن شاء الله. وشكرًا جزيلاً وجزاك الله خيرًا على الرد. اقتباس:
|
رد: كم سؤال عن الساجا من سجاوي جديد، رجاء الرد
الف مبروك على العربية وربنا يبارك ليك فيها يا رب العالمين
|
الساعة الآن 04:04 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017