ممكن أعمل صيانة الألف والعربية عاملة 500 كم ( قبل الميعاد ) ؟
أحبائى أرجو الاجابه عن السؤالين دول اليوم
السؤال الاول : انا عملت بالعربيه (اسيرانزا تيجو) 500 كيلو وعايز اروح الساحل الشمالى 10 ايام ( هاعمل حوالى 900 كيلو ف الموضوع ده) فهل ينفع اعمل صيانة الالف كيلو دلوقتى وللا لما ارجع (هاكون 1400 كيلو تقريباً) السؤال التانى : الناس اللى عملت ديفندر امامى و خلفى و عتب جانبى و خطاف جر خلفى هل اى حاجه من الحاجات ديه ليها فايده(اقصد كحمايه من الحوادث) و ارجو اللى يجاوب يقول كل حاجه فيها لوحدها لأن فيه ناس قالتلى اهم حاجه الاكصدام الديفندر الخلفى و الخطاف الجر الخلفى و بس لان هما دول الحتت اللى بتتعرض للخبط و ياريت الاجابه تكون النهارده عشان انا بكره اجازه و بفكر اعملهم بكره و ماتنسوش اجابة السؤال الاول ملحوظه : اللى عارف اجابة سؤال واحد بس يقول و انا هانجحه (هاهاهاه) وشكراً مقدماً لأحلى اسره و احلى منتدى |
رد: سؤالين ارجو الرد عليهم قبل بكره الصبح
و الله بالنسبة للسؤال الأول محير شوية
بس انا متأكد ان العربية مش حتزعل من الحكاية دى خالص المهم تمشى على مهلك علشان لسة التليين مخلصش يعنى متقرص على ال rpm و كفاية من 80 الى 90 كم / س اما السوئال التانى لا اعلم لو سقطتنى مش حزعل ههههههههههههههه و يا ريت اهل التيجو يجوا يجاوبوا |
رد: سؤالين ارجو الرد عليهم قبل بكره الصبح
اقتباس:
لما ترجع اعمل صيانة الالف كيلو اهم حاجه الاكصدام الديفندر الخلفى و الخطاف الجر الخلفى و بس اعملهم بكره وياريت قبل ما ترجع من الساحل الشمالى تغير زيت الموتور!! ورحلة سعيدة تروح وترجع بالف سلامة!GIFT4U GIFT4UGIFT4UGIFT4U:14369D ~149::14369D~149::14369D~ 149::14369D~149: |
رد: سؤالين ارجو الرد عليهم قبل بكره الصبح
اجابة السؤال الاول :لا يوجد اى مانع من عمل الصيانة الان الخاصة ب1000 كم الاولى على 500كم فهذا مفيد وليس بة اى اضرار وافضل من الانتظار لبعد العودة من الساحل الشمالى سالماً ان شاء الله
اجابة السؤال الثانى : السيارة بدون اى من تلك الاضافات افضل لان من ناحية الشكل من يفضلها تجار الكماليات ومن ناحية الاداء فالحافظ من الحوادث رب العزه جل وعلى شأنه وليس اى شىء آخر نقطة اخرى هامة المرور عاد للشوارع مرة اخرى وكل ما ذكرت للتركيب مخالف |
رد: سؤالين ارجو الرد عليهم قبل بكره الصبح
اقتباس:
هو ده الكلام التمام |
رد: سؤالين ارجو الرد عليهم قبل بكره الصبح
حبايبى انا متشكر ليكم كلكم
وارجو اللى لسه ماقالش رأيه ف السؤالين يقول قبل ما اللجنه تقفل و يسقط لكن الناس اللى معانا دلوقتى انا باقول هل لو عديت الالف ب 400 او 500 اخرج من الضمان وهل لو رحت على 500 كيلو يرضوا يعملوا صيانة الالف وهل فعلاً الديفندر الخلفى مثلاً بيحمى ف الخبطه الخلفيه معلش انا باتقل عليكم ف الاسئله ومره اخرى شكراً حبايبى: احمد على و cars admire و محمد فيصل و kimocyc و ياريت يدخلوا تانى يجاوبوا ع الاسئله الجديده وديه ليها درجات لوحدها |
رد: سؤالين ارجو الرد عليهم قبل بكره الصبح
صيانة الألف الأولي ممكن تعملها لغاية 1900 كم ... مفيش مشاكل أنما صيانة الألف بتكون تغيير زيت وتربيط عفشة وطالما طريق سفر طويل الأفضل أنك تعمل الصيانة لتظبيط العربية يعنى تغيير الزيت وتظبط العفشة وتصحبك السلامة إن شاء الله أما بخصوص الديفندر بلاش منه علشان بيوحش منظر العربية التيجو خاصه من غيره أحلى بكتير |
الساعة الآن 11:55 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017