مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   جمارك السيارات (https://www.masrmotors.com/vb/forumdisplay.php?f=140)
-   -   ممكن مساعدة لوسمحتم..بالنسبة لسيارة المعاقين .. (https://www.masrmotors.com/vb/showthread.php?t=47457)

mooneyes 09-02-2011 07:23 PM
ممكن مساعدة لوسمحتم..بالنسبة لسيارة المعاقين ..
 
لوسمحتم يا شباب انا عندى رجلى فيها تيبس فى العضلات لدرجة ان انا لوقاعد على الارض مش اقدر اقوم الا بصعوبة كبيرة ...فكرت اجيب سيارة معاقين ..بس مشعارف ان كان ينفع اجيبها ولا لأ.. لكن عاوز اعرف الاجراءات ايه؟؟

تانى حاجة يا ريت حد يقولى اسعار السيارات برة فى المانيا ايه؟؟يعنى مثلا لو هجيب بيجو 504 مو تسعينات ممكن تعمل كام بمصاريفها بكل شى؟لان خالى فى المانيا لو ينفع اجيبها من هناك ..ويا ترة الجمارك بتحسب على سيارات المعاقين ازاى ...وهى معفاة من شرط الموديل؟؟
واخر حاجة ..لو قدمت وقبلت ..ايه هى ارخص سيارة ممكن اجيبها من الجمارك هنا ..والاسعار هنا اخبارها ايه؟؟؟؟

mooneyes 10-02-2011 02:38 AM
رد: ممكن مساعدة لوسمحتم..بالنسبة لسيارة المعاقين ..
 
بيجو 405 ..اسف غلطت.

mohamedkamel8677 09-04-2011 10:54 PM
رد: ممكن مساعدة لوسمحتم..بالنسبة لسيارة المعاقين ..
 
اقتباس:
المشاركة الأصلية كتبت بواسطة mooneyes (المشاركة 354318)
ل
تانى حاجة يا ريت حد يقولى اسعار السيارات برة فى المانيا ايه؟؟
أُدخل على الموقع دة و شوف الأسعار فى المانيا WWW.MOBILE.DE

adamlion 10-04-2011 01:13 AM
رد: ممكن مساعدة لوسمحتم..بالنسبة لسيارة المعاقين ..
 
ان لاافضل السيارة بيجو 405 قطع غيارها
غالية جدا .
اشترى تويوتا كرولا 1998 سيارة ممتازة
او اى سيارة يابانى الصنع لان قطع الغيار معمرة ومش غالية اداء ممتاز
وابعد عن السيارات الالمانى اداء ممتاز +قطع غيار مرتفعة السعر +صيانة مكلفة+تحتاج فنى صيانة متخصص وايضا غالى. السيارات اليابانى الافضل فى كل النواحى.
والله الموفق
تحياتى ادم :fun_36_3_3[1]:

tamer tawfik 11-04-2011 03:29 PM
رد: ممكن مساعدة لوسمحتم..بالنسبة لسيارة المعاقين ..
 
عاوز اعرف لو استوردت سيارة لمعوق كيا كارينز 2008 حيكون جمركها كام والاعفاء للمعوقين كام والاجراءات

sad-bird 11-04-2011 04:12 PM
رد: ممكن مساعدة لوسمحتم..بالنسبة لسيارة المعاقين ..
 
أسف على التأخير في الرد

اولا حضرتك بتعمل كشف طبي وقومسيون لجنة ثلاثية ( مش فاكر بتتعمل فين بالضبط بس اظن انه في وزارة الصحة )
بتاخد الجواب وتطلع على بورسعيد تجيبها من هناك وتعملها افراج جمركي
لو هتجيبها استيراد من الخارج باسمك معرفش هل ينفع والا لأ لو كده ممكن تكلف حد يسألك في المرور
أو تتصل باي مكتب من اللي بجيب سيارات وتسأله على التفاصيل هل ينفع واال مينفعش
هيقولك تعالى يا باشا وشرفني وانا تحت امرك قوله انا بسألك ينفع والا لأ لو ينفع اجيلك ونشوف المطلوب ايه
طبعا العربية هتيجي بأسمك انت ومحدش هيسوقها غيرك انت ( ولا بتوكيل ولا غيره ) الا لو في الضرورة يبقى لزم تكون موجود في العربية لو وقفت في اي لجنه اللي سايق هيقول بيريح او بيبدل معاك
والعربية محظور بيعها 5 سنين الا لو هيتفك الحظر عنها ويتدفع جماركها



العربية 405 عربية كويس جدا ومحترمه لكنها زي العربيات الاوربي كلها اسعار قطع الغيار بتكون غالية شويتين لكنها معمره يعني اللي هتعمله النهاردة هتنساة من حساباتك خالص

أرجو اكون افدتك

sad-bird 11-04-2011 04:14 PM
رد: ممكن مساعدة لوسمحتم..بالنسبة لسيارة المعاقين ..
 
اقتباس:
المشاركة الأصلية كتبت بواسطة adamlion (المشاركة 395888)
ان لاافضل السيارة بيجو 405 قطع غيارها
غالية جدا .
اشترى تويوتا كرولا 1998 سيارة ممتازة
او اى سيارة يابانى الصنع لان قطع الغيار معمرة ومش غالية اداء ممتاز
وابعد عن السيارات الالمانى اداء ممتاز +قطع غيار مرتفعة السعر +صيانة مكلفة+تحتاج فنى صيانة متخصص وايضا غالى. السيارات اليابانى الافضل فى كل النواحى.
والله الموفق
تحياتى ادم :fun_36_3_3[1]:
حضرتك مش واخد بالك ان العربية 405 اصلا فرنساوي بس عمه هو اللي في ألمانيا هيجيبهاله من هناك

ثم ان حضرتك بتقارن بين الياباني والاوربي من حيث قطع الغيار
الاثنين سعرهم متقارب من بعضهم في الموديلات الحديثة
والاثنين بيعمروا اكتر من غيرهم


الساعة الآن 12:35 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017