مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   المرور والشهر العقارى (https://www.masrmotors.com/vb/forumdisplay.php?f=89)
-   -   السير عكس الاتجاه و الحضانة !!!!!! (https://www.masrmotors.com/vb/showthread.php?t=4489)

islam_galal 13-01-2009 02:01 PM
السير عكس الاتجاه و الحضانة !!!!!!
 
استكمالا لحلقات المرور

يتم الآن في الاسكندرية تطبيق مخالفة عكس الاتجاه بحجز السائق في القسم و عرضه علي نيابة المرور و تأميم العربية إلي الحضانة و الغرامة ألف جنية و ألف حنيه للحضانة، يبقي الاجمالي 2000 جنيه غير البهدلة و احتمال ان العربية يتسرق منها حاجات

الكلام ده ساري للميكروباص و الأجرة و التوكتوك و الملاكي كمان

و لا يوجد تصالح فوري و علي المتضرر اللجوء لله ، عسي أن يرحمنا من هذا البلد السعيد

Ahmed Anwer 13-01-2009 03:18 PM
رد: السير عكس الاتجاه و الحضانة !!!!!!
 
معقول الكلام ده

ده كتير اوووي

بس عموما هوا السير عكس الاتجاه من الكبائر المرورية و لا شك

islam_galal 13-01-2009 04:10 PM
رد: السير عكس الاتجاه و الحضانة !!!!!!
 
أكيد طبعا بس للأسف في اماكن كتير غير واضح فيها الاتجاهات و هي دي الأماكن اللي فيها الأكمنة (بدل من توضيح أو وضع لافتات)

و طبعا الكوسة هي الأساس اللي معاه كوسة بيروح و اللي معهوش بيترحل علي نيابة المرور و لو ليلا بيبات في القسم

hazem_khidr 13-01-2009 06:36 PM
رد: السير عكس الاتجاه و الحضانة !!!!!!
 
هو موضوع الحضانه دا هو المشكله
انا سمعت عنها من ناس اسكندرانيه كتير
بس فعلا شئ غبي
و مافيش قانون بيقول كده
انا مش عارف مرور اسكندريه دا شغال بدماغه و لا ايه؟

aga63 17-01-2009 01:11 AM
رد: السير عكس الاتجاه و الحضانة !!!!!!
 
للأسف مش مرور إسكندرية بس. أعرف شخصين ككلمونى إمبارح إن ده حصل لهم فى مرور مدينة نصر. ولولا الوسايط وستر ربنا كانوا باتوا لحد مايتعرضوا على نيابة المرور الصبح. والموضوع ده بهدله جامده. ربنا يسترها. لو كان فيه يفط فأنا مع المرور إنما فى الأماكن اللى بدون يفط والمفروض إن الواحد يشم على ظهر إيده فده موضوع ........

AbOnOrA 17-01-2009 03:33 PM
رد: السير عكس الاتجاه و الحضانة !!!!!!
 
ساعات بيبقى فيه يفط مستخبية اه والله مثال شارع السخاوى الموازى للخليفة المامون فيه يافطة على جنب الشارع كده مش باينة خالص والامناء بيستنوا اى حد يخش ويساموه يا اما العشرة جنية والا


oldman 25-03-2009 12:31 PM
رد: السير عكس الاتجاه و الحضانة !!!!!!
 
احبائى انا متفق تماما مع المرور فى الغرامة والحبس للسير عكس الاتجاة لان يوجد استهتار جامد من بعض الناس وانا بحس انة حق مغتصب لان الطريق من حقى وما بالك لو صدم سيارة اخرى او صدم انسان ساير على الاقدام ماذا يحدث لو التزمنا بالسير الصحيح وتجنب اى مخالفات او حوادث

واحب ان اوضح لكم بان لو لم يوجد اى علامة ارشادية فليس من حق اى ضابط مرور سحب الرخصة ولو اصر على اتخاذ اى اجراء فقم بتصوير الشارع بالموبايل وتصويرة هو شخصيا وهو بيسحب التلراخيص واعرضها للنيابة ويحكم بالبرائة فورا وترفع دعوى على الضابط صدقونى دى تجربة شخصية


الساعة الآن 07:40 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017