تسقيط موتور
 

هل ممكن اسقط موتور و عفشة ابيزا 94 الى ابيزا 90 و ايه التعديلات الى ممكن تتعمل؟

رد: تسقيط موتور
 

بص يا باشا بالنسبة للموتور اعتقد انه يسقط بدون مشاكل العربية دي بتشيل مواتير 1700 سي سي يعني ممكن تسقطلها مكنة ابيزا 1600 و طبعا هتغير القواعد بالعفشة بالكامل بس موضوع ان عفشة الابيزا 94 تنفعلها ولا لا عايزه واحد فني و متمكن اكتر و لو مثلا ركبت المساعدين و السوست بتوع ال94 احتمال كبير العربية تسقط و تبقي اوطي من العادي بتاعها

رد: تسقيط موتور
 

شكر لردك و انت فعلاً عملق الابيزا و ان فى ×××× بيترحموا على ايامك ياريت لو تعرف ميكانيكى بيفهم فى الابيزا تبعتلى عنوانه او رقم تليفونه مع خالص شكرى و تقديرى

رد: تسقيط موتور
 

هو أنا ممكن أسقط فى عربية بيجو 505 GR مو 1980 , موتور زلمكة موديل 1990 فما فوق و لا ماينفعش؟؟؟؟

سؤال تانى و النبى :HAPPY_~211: :

موتور الزلمكة المو 1990 فما فوق ده , ممكن يتسقط فى عربية مرسيدس معدل 230 موديل 1984 , لأن أنا كان من أحلام حياتى أنى أشترى مرسيدس معدل 230 مو 84-85 و أسقط فيها موتور زلمكة200 موديل 1990 فأعلى و كنت ناوى أجيب الموتور بالتكييف والفتيس حتة واحدة .

شكرا و جزاكم الله كل خير

رد: تسقيط موتور
 

[quote=mercedes;201459]

هو أنا ممكن أسقط فى عربية بيجو 505 GR مو 1980 , موتور زلمكة موديل 1990 فما فوق و لا ماينفعش؟؟؟؟
طبقا لقانون المرور المصري لا يصلح وضع محرك من ماركة مختلفة لنوع السيارة الا في حالة عدم توفر محركات من نفس محرك السيارة وذلك بعد تقرير لجنة فنية

سؤال تانى و النبى :HAPPY_~211: :

موتور الزلمكة المو 1990 فما فوق ده , ممكن يتسقط فى عربية مرسيدس معدل 230 موديل 1984 , لأن أنا كان من أحلام حياتى أنى أشترى مرسيدس معدل 230 مو 84-85 و أسقط فيها موتور زلمكة200 موديل 1990 فأعلى و كنت ناوى أجيب الموتور بالتكييف والفتيس حتة واحدة .ممكن وتم عمل التعديل ده قبل كده بس كان في مركز خدمة معتمد ومتخصص في المرسيدس

رد: تسقيط موتور
 

انا متشكر اوى يا باشا على الرد الجميل الموجز ده, أنا فعلا كنت سمعت أن البيجو ماينفعش يتسقط فيها موتور الا يكون بتاع بيجو, بس كنت بسأل من حلاوة الروح يعنى .

حضرتك ماتعرفش فين المركز المعتمد المتخصص بتاع المرسيدس اللى ممكن يسقط موتور الزلمكة موديل ال 90 فى مرسيدس معدلة 230 , لأنى شكلى كده هعمل عمرة للبيجو ال 505 موديل ال 1980 بتاعتى و أبيعها و أشترى بدل منها مرسيدس معدل 230 مش 200 عشان سعرها بيبقى أقل من ال 200 و مابتبقاش متهانة و بعد كده - ان شاء الله - أسقط فيها موتور و تكييف و فتيس بتاع زلمكة 200 موديل ال 90 أو أعلى .

ربنا ييسر الأمور يا رب.