معرض المحلاوى بالاسكندرية
السلام عليكم و رحمة الله
يا ريت يا رجالة لو حد عنده معلومات عن معرض اسمة المحلاوى فى سيدى بشر الترام بالاسكندرية ... يعنى سمعته و تعاملاته كويسه ولا بلاش منه .. انا حشترى منه بيكانتو 2011 ان شاء الله |
رد: معرض المحلاوى بالاسكندرية
من الواضح ان المعرض غامض .. أنا بدأت التعامل معاه من يوم الأحد 28\11 دفعت دفعة حجز 1000 جنية .. و خلصت اجراءت البنك "أصل انا واخد قرض بضمان وديعة بناء على عرض سعر من المعرض" و اللى ملاحظه دلوقتى هو المماطلة فى التسليم .. عاوز ياخد منى امر توريد الفلوس بتاعتو من البنك لغايت ما يجيب العربية باللون اللى انا عاوزة "بس طبعا لو عملت كده انا تحت رحمته تماما.. يبقى أخد فلوس العربية كاملة و لما يجيلوا مزاج يبقى يسلمهالى" ... هو قالى ان فى دفعة حيستلمها النهاردة 1\12 و حيكلمنى يقولى على الالوان اللى فيها .. أفلح ان صدق .. و حبلغكوا باللى حيتم ان شاء الله
|
رد: معرض المحلاوى بالاسكندرية
فعلا طلع فى مشكلة فى توافر البيكانتو ... الحمد لله ربنا وافقنى و غيرت العربية خالص .. أستلمت لانوس 2011 و حاسس ان كده احسن علشان الحجم و الوسع .. بس بصراحة المعرض محترم و الحمد لله
|
رد: معرض المحلاوى بالاسكندرية
الف مبروك ربنا يديك خيرها ويكفيك شرها
|
رد: معرض المحلاوى بالاسكندرية
طيب ممكن تقولنا اسعارهم ايه مقارنة باي مكان تاني؟
وهل حضرتكك رحت معارض تانية؟ |
رد: معرض المحلاوى بالاسكندرية
الف مبروك على العربيه الجديده و ربنا يديك خيرها و يكفيك شرها
|
رد: معرض المحلاوى بالاسكندرية
الف شكر ليكم .. و بالنسبة للأسعار هى واحدة فى كل المعارض اللى رحتها مفيش فرق جنيه .. العربية فول اوبشن عاملة 70 ألف .. بس بصراحة ناس محترمة جدا و وصتهم جابولى غطاء للعربية و أستلمت العربية و نمر تجارية لغاية يوم الأحد و لسه المعرض عاوز منى 9000 جنيه فرق السعر عن البيكانتو الهاف اوبشن
|
الساعة الآن 03:51 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017