|
الشكمان الى بيطلع صوت مفزع دة
السلام علبكم يا شباب بشوف عربيات كتيرة صوت الشكمان بتعها عالى بيقولو اسموة ديفيل طاب هوة دة بتعمل فين وبيجاب منيين بتعمل عمولة ولة اجيبوة مركة وبختلف من عبية لعربية وهل بيزود hp ولة دة صوت فقط وشكراااااااااااا
|
رد: الشكمان الى بيطلع صوت مفزع دة
الديفيل يا باشا صناعات و انواع بس الأنواع للأسف مش هقدر افيدك فيها لكن الصناعات المستورد النضيف هو اللى فعلا بيعلى الهورس باور بتاع العربيع و ده بيبداء من 700 جنيه و تلاقيه عند محلات الأكسسوار الجامده و بيكون صوته مش عالى اوى زى ما انت بتسمع و بيكون الصوت نضيف مش مزعج لكن الأنواع التانيه فى منها البلدى و ده سيئ جدا و بيداء من 125 تقريبا و بعديه الصينى و بيداء من 250 او 300 و ده صوت بس
و خلى بالك ان الديفل لما بيكون تعبان بيسخن الموتور جامد ف يا تجيب حاجه كويسه او بلاش |
رد: الشكمان الى بيطلع صوت مفزع دة
بسم الله الرحمن الرحيم
بوص يا مان بالنسبة للحاجات الاوريجنال الى بتدى HP دى معتش فيه منها جديد دى كلها بتبقى استيراد تجبها مستعمله و الماركات بتبقى زى HKS JASMA 5ZIGN و انواع تانيه كتير و دى سعرها بيبدء فى حدوود 500-700 على حسب حاله العلبة انما لو لاقيت علبه من دوول جديد سعرها بيكون معدى ال 1000 بالنسبة بقى للحاجات الى بتعمل صوت بس فى حاجة بلدى موجوده فى الحرفيين فى كل حته و دى سعرها بيبدء من 100 جنيه و فيه الصينى ب 200 و التيوانى ب 350 جنيه بس فى نفس الوقت لو انت بتدور على ال HP يبقى تركب الهيدر كامل من الاول للاخر على شان تحس بالفرق بتاع العربية و تركب معاه فلتر K&N امريكى الاصلى ده فى حاله لو عربيتك انجيكشن ارجو انو اكون اقدرت افيدك كريم سالم |
رد: الشكمان الى بيطلع صوت مفزع دة
http://www8.0zz0.com/2010/04/24/12/130191065.gif _________________________ _______________ http://www9.0zz0.com/2010/05/06/14/844862699.jpg الكبير دايماً كبير _________________________ _______________ |
رد: الشكمان الى بيطلع صوت مفزع دة
حلو الكلام بس محتاج اكتر ايضاح اية الفرق مابين التلاتة بالرغم من عدم اعطائهم HP
|
رد: الشكمان الى بيطلع صوت مفزع دة
والله يا أخى أنا مش فاهم دماغ الشباب مع إنى منهم ليه عايز عربيتك يبقى صوتها عالى كان فيه شاب معاه هوندا سيفيك قديمة 93 مركب الديفل ده الصوت عنده زبالة طبلة وندى أتخرمت وملوش فايدة غير تعب العربية الحاجات دى يا باشا للعربيات القديمة اللى أصلا صوتها معفن و صاحب العربية عايز يقنع الناس إن صوتها رياضى
|
رد: الشكمان الى بيطلع صوت مفزع دة
معظم اللى بيركب الحاجات دى مش فاهم هو وحظة اللى فى اكتر الاوقات مش ملائم لسيارتك طبعا لو معندكش علم بالموضوع لازم تعرف اكتر والاكترية بتعملها عن جهل يعنى على سبيل المثال لازم تكون سعة الشكمان مش اقل من 7 اضعاف سعة المحرك دى معلومة محدش يعرفها والا سرعة التفريغ بتتأثر بالسلب لو اقل وبيؤدى الى اجهاد حرارى وسخونة المحرك واهلاك المحرك بالتالى
لافضل اداء اقتصادى وعمر تشغيل مديد وهدوء واقل تلوث التزم بمواصفات صانع سيارتك الاصلى والا انت ممكن تاخد فايدة مقابل عدة سلبيات مش تحس بها الا لما تكون وخيمة العواقب ومعظم اللى بيعملوا كدة انا اسف بيكونوا اصحاب 128 والسيارات التى لا فائدة منها ومفيش خوف اساسا عليها ممكن تلحق تلمها ب 500 جنية لكن لو عربيتك تستحق الاعتبار يبقى حرام وشكرا لك ودمت سالما |
| الساعة الآن 03:31 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017