مصر موتورز مجتمع السيارات - عندي مشكلة محيراني

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - عندي مشكلة محيراني (https://www.masrmotors.com/vb/showthread.php?t=38933)

عندي مشكلة محيراني

عندي سيارة توليدو 96 مجنناني...الحرارة بتزيد مع السرعه او مع التحميل الزيادة في العربية (اكتر من شخص او شنط سفر كتيرة) وبتتضح اكتر في الايام الحر مع انا التكييف مش شغال في مشكلة...اعمل ايه؟؟؟ارجوكم(what)

رد: عندي مشكلة محيراني

شوية بيانات قد تفيد فى وضع اليد على السبب

1- مستوى الميه فى الردياتير أو القربه ( إن وجدت ) ثابت ولا بيقل فى الأحوال دى

2- العربيه عامله كام ألف

3- وهل لو كنت لوحدك ومزود سرعه والجو حر .....الحراره بتبقى تمام

4- هل جربت تسخن المكنه كويس جدا وأنت واقف وفاتح الكبوت ....وتعمل أمبيلهات سرعه عاليه وتشوف فيه بقلله فى

الردياتير وأنت حالل غطاه ولا مجربتش

رد: عندي مشكلة محيراني

يا باشا استني رد الاستاذ محمد ابيزا هو اكيد عندو الاجابة لانه اخصائي قسم السيات :)
او اي حد من الاخوة الافاضل اكيد هيدلوك

رد: عندي مشكلة محيراني

اقتباس:

المشاركة الأصلية كتبت بواسطة samirayad (المشاركة 278789)

شوية بيانات قد تفيد فى وضع اليد على السبب

1- مستوى الميه فى الردياتير أو القربه ( إن وجدت ) ثابت ولا بيقل فى الأحوال دى
مستوي المية في القربة بيقل يعني بازود مية كل اسبوعين كدا وقلتلهم في التوكيل كدا قالولي عادي احنا كدا برضة لاني لقيت ان تقريبا كل اللي شغالين في التوكيل عندهم نفس الموديل بتاعي
2- العربيه عامله كام ألف
[COLOR="rgb(65, 105, 225)"]199000 كلم[/COLOR]
3- وهل لو كنت لوحدك ومزود سرعه والجو حر .....الحراره بتبقى تمام
[COLOR="rgb(65, 105, 225)"] لا برضة بتسخن[/COLOR]
4- هل جربت تسخن المكنه كويس جدا وأنت واقف وفاتح الكبوت ....وتعمل أمبيلهات سرعه عاليه وتشوف فيه بقلله فى

الردياتير وأنت حالل غطاه ولا مجربتش

[COLOR="rgb(65, 105, 225)"]لا خالص بس بالاقي ان لما امسك الخرطوم اللي جاي من الموتور الى داخل الريديتير باحس ان فيه ضغط جامد اوي...وبعدين في المرات الللي بزود فيها على القربة الصبح لما افتحا تعمل صوت فيسك كدا زي مايكون في ضغط هواء مكتوم يعني متهيالي مافيش تسريب في دورة التبريد وعلى فكرة المية في القربة نضيفة مافيهاش زيت وكمان زيت الموتور عادي[/COLOR]

رد: عندي مشكلة محيراني

اقتباس:

مستوي المية في القربة بيقل يعني بازود مية كل اسبوعين كدا وقلتلهم في التوكيل كدا قالولي عادي احنا كدا برضة

أولا

كلامهم ده غير دقيق بالمره

ولا يعتد به علميا

ثانيا

أنصح بمراجعة الرباط على مسامير وش السلندر بترتيب هندسى صحيح

الميكانيكيه ( عارفين طريقة الصليبه بدأ من نصف الرأس أثناء عمل العمرات )

بعد ماتتربط الرأس صح

جرب العربيه

________________

دا على أساس أن المشكله بتاعة الحراره بتواجهك فقط مع السرعه أو مع زيادة

الأحمال بالسياره

غير كده

الحراره بتكون تمام

رد: عندي مشكلة محيراني

شوف يا غالى ...

عاوزك تتاكد من ان المروحة شغالة .. وبتشتغل فى الوقت المناسب (بالكتير عند نص الامبير)

يعنى تدور العربية وتفتح الكبوت وتفضل تزود بنزين لغاية لما تشتغل المروحة تبص على الامبير لازم يكون معداش النص ...

ولو المروحة بتشتغل زى ما قلتلك .. حاول تشوف ادائها ازاى لانها ممكن تكون ضعيفة ومش بتعمل بكفائة ...

لو مكنش العيب من المروحة .. ممكن يكون العيب من الريداتير (مسدود او مليان صدأ)

قبل ما تدخل فى حوارات اعمل غسيل دورة الميه عند اى واحد بتاع ريداتير (وممكن تعملها بنفسك لو عندك استعداد) وبعدين شوف النتيجة ..

شوف الاول الكلام ده .. لو متحلتش المشكلة يبقى هندخل فى جوان وش السلندر (جرب تفتح عطا الريداتير وتزود ميه للاخر وتزود بنزين جامد (4-5 RPM ) وشوف لو فيه بقلله (فقاقيع) فى الميه ولا لا) لو فيه بقلله يبقى كبس الموتور بيهرب للميه وهتحتاج تغير جوان وش السلندر ...

بس باذن الله بسيطة ..

وعلى فكرة انا كان عندى نفس المشكلة بالظبط وطلعت المروحة مش بتشتغل ومكنش على بالى نهائى الموضوع ده وعملت غسيل للريداتير ودوره الميه ووصلت الى انى كنت هغير الريداتير نفسه وبعدين اكتشفت موضوع المروحة ده وكانت محتاجة كتاوت بس ..........

شوف وانا هتابع معاك باذن الله ....

نورت المنتدى يا غالى .........

رد: عندي مشكلة محيراني

طب قبل ما ندخل في الحوارات دي كلها
يا تري بتلاقي الموتور سخن و الردياتير بارد
لو لقيت كده يبقي دا ثرموستات الكوعه بايظه
و مش بتنقل الميه البارده من الردياتير للموتور