|
دروس مستفادة من حدثة عربيتي الماتركس
السلام عليكم
انا حبيت احكي لكم القصة بتاعة حدثة عربيتي الماتركس واعتقد انكم ها تلاقوا فيها بعض الدروس اللي ممكن تنفع اي حد ( وربنا يكفيكم شر اي مكروه) الموضوع بدأ يوم الثلاثاء اللي فات الساعة واحدة بليل كنت مروح من الجم ومعايا واحد صحبي واخوه. وصلنا عند بيت صحبي قام قلي نزل اخويا يروح وتعالة نقعد علي القهوة شوية. طبعأ كان قاعد ورايا وفتح الباب الشمال علشان ينزل, قبل ما ينزل بثواني لمحة في المرايه توك توك جاي بسرعة وعمل غرزة من ورا ميكروباص وراح لازق في الجنب الشمال عندي ولسة ها اقول لمصطفي (اخو صحبي) استنه لقيته فتح الباب و (طرااااااااااخ) ..........التوك توك اخد الباب الشمال ومشي, قصدي خبط الباب راح كسره زي البسكوته. الناس قامت جريت ومسكت التوك توك رحت انا نازل من العربية وبصيت على القوايم بتاعة الباب لقيتها سليمة بس الباب اتخبط من بره والصاج اتقطع من تحت الكالون. بصيت لبتاع التوك توك من بعيد وقلت له امشي علشان انا غلطان وصحبي نزل من الشمال (اي نعم هو جاي طاير ولزق في الجنب الشمال لما عمل الغرزة) بس الحمد لله. ومن هنا بدأت رحلة العمل والبحث عن اصلاح الماتركس اللي استغرقت بفضل الله خمسة ايام حتي عادت الماتركس إلي البيت سالمة والحمد لله (الجزء الأول) ان شاء الله لسة الحكاية مخلصتش واشوفكم في الجزء الثاني في رمضان القادم الحكاية خمس اجزاء زي ليالي الماتركسوية قصدي ليالي الحلمية بهزر طبعاً ها اكمل بكرة قبل ما امشي لازم اقلكم علي الدرس الاول اللي اتعلمته اوعة تفتح الباب الشمال قبل ما تبص في المرايا و اوعه تخلي اي حد راكب وراك ينزل من الشمال (طبعاً لو انت راكن يمين) SLAM |
رد: دروس مستفادة من حدثة عربيتي الماتركس
الف مليون سلامه على الحلمية
قصدي الماتريكس وفعلا ده اول درس و في انتظار باقي الدروس |
رد: دروس مستفادة من حدثة عربيتي الماتركس
الحمد لله على كده وربنا يحفظنا جميعن من شر الحوادث
|
رد: دروس مستفادة من حدثة عربيتي الماتركس
ربنا يعوض عليك ويسترها معانا جميعا
|
رد: دروس مستفادة من حدثة عربيتي الماتركس
الحمد لله انها جت لحد كده و ان صاحبك سليم و قدر الله مشاء فعل و فعلا كلامك صح مائة فى المائة بالنسبة لموضوع النزول من الجانب الشمال
|
رد: دروس مستفادة من حدثة عربيتي الماتركس
الجزء الثاني
بدأت الآراء تتدفق (تدلق) علية من جميع الأتجاهات <?xml:namespace prefix = o ns = "urn:schemas-microsoft-comhttp://www.masrmotors.com/vb/ /><o:p...<B><FONT face=1- الباب يتصلح مفيش مشكلة اي يعني لما يتلحم من جوه<o:p></o:p> 2- هات باب جديد ورشه وريح نفسك اصله مش ها يرجع زي الأول<o:p></o:p> 3- هات باب إستيراد نفس اللون ومترشش العربيه<o:p></o:p> قعدت مع نفسي وقررت انزل اجيب باب إستيراد من الحرافيين<o:p></o:p> اتصلت بواحد سمكري في الحرفيين اخو الحلاق اللي عندي في العمارة وقالت له اسأل علي باب الماتركس الشمال<o:p></o:p> اتصل وسأل وقلي لقيته يبدأ من 500 جنية وحتي 700 جنيه وسألت علي الجديد ولقيته يبدأ من 900 جنيه وحتي 1100 جنيه.<o:p></o:p> أخدت واحد صحبي تاني يوم ( الأربعاء اللي فات) ونزلت الحرفيين وقعدت ادور وألف لحد ما وقعت في محل الحج حمدي بتاع الماتركس. الراجل ده يا جماعة محترم جداً وعنده كل حاجة إستيراد بتاعة الماتركس. دخلت عليه وقلت له عايز باب شمال راح قايم معايه ومدخلني علي 100 باب وقلي نقي لون عربيتك هو لون عربيتك ايه, قلتله تعالة اوريهالك اول ما شفها قلي العربية دي خليجي ولونها ها يبقة مختلف ( لونها فيراني) حتي لو لقيت باب فيراني ها تلاقي لونه مختلف يا فاتح شوية يا غامق شوية يعني كده كده ها ترشه. رحت متوكل علي الله ونقيت باب نضيف وقلت له بكام الباب فاضي يعني صاج بس ( لأن كل حاجة سليمة في باب عربيتي) قام قلي من الأخر (450 جنيه) رحت مديلة (400 جنيه) قلي ماشي دي ساعة اصتباحه. بعد ما فك كل حاجة في الباب طلبت منه يسبلي الشداد بتاع الباب والمجره البلاستك بتاعة الزجاج . قلي خد اللي انت عايزه يا بيه واي حاجة مكسورة عندك خدها مع اني متفق اشتري الباب فاضي. فعلاً راجل محترم لو حد عايز رقم تليفونه يطلبه مايتكسفش..........<o:p></o:p> المهم ان الباب الإستيراد الفاضي طلع بـ 400 جنيه والباب الجديد ب 800 والقديم اللي اتكسر كان ها يتسمكر ب 200 جنيه ويرجع فبريكه ها ها هاها ......<o:p></o:p> الدرس الثاني اللي اتعلمته<o:p></o:p> اوعه تنزل مع صنيعي يشتري لك حاجة للعربيه حتي لو الصنيعي ده اخوك<o:p></o:p> إلي اللقاء في الجزء الثالثSLAM<o:p></o:p> |
رد: دروس مستفادة من حدثة عربيتي الماتركس
فى الانتظار يا باشا ..
وحمدلله على سلامة الماتركس .... |
| الساعة الآن 03:56 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017