حكاية انخفاض اسعار السيارات
عايز فتوى من حد فاهم الأسعار ح تنزل فعلا ؟ ولو ح تنزل ح تبقى في حدود كام في الميه ؟؟؟؟ الإشاعات ماليه الدنيا .. وسوق المستعمل تقريبا كما هو طب ايه الكلام ؟ |
رد: حكاية انخفاض اسعار السيارات
اسعار المستعمل قلت فعلا بسبب الركود العام اللى فى السوق وبسبب انتشار وسهولة التقسيط وبسبب اشاعات انخفاض اسعار الزيرو وبسبب قانون الغاء تراخيص السيارات القديمة
الزيرو فعلا بينزل وفيه توكيلات كتير نزلت عروض وتخفيضات والكلام ده من رمضان اللى فات وده برضو بسبب الركود الناتج عن الحالة الاقتصادية والاشاعات واخبار الرينو لوجان اكتر من كده مفيش شىء مؤكد على الاقل بالنسبة لى |
رد: حكاية انخفاض اسعار السيارات
بالرغم من كل ده إلا إني لما نزلت السوق لقيت الأسعار تقريبًا هي هي ! وأصحاب العربيات كأنهم مش حاسين بالدنيا اللي حواليهم ولسة عمالين يتكلموا في نفس أسعار السنة اللي فاتت !!
|
رد: حكاية انخفاض اسعار السيارات
احنا فعلا محتاجين نعرف اية الموضوع بالضبط فعلا نزلت اسعار السيارات ولا لأ وهل السيارات الصينى لها مستقبل ولا اية ياريت ياابو نورا بازات تعرفنى اية رايك لان من موضوعاتك يبان ان انت متميز والحمد لله وشكراptmnlo123per1106
|
رد: حكاية انخفاض اسعار السيارات
حسب كلام مصدر مسؤول فأسعار العربيات مش ح تنزل واللى نزل ده فقط باقى مخزون 2008 اللى الموزعين بيحاولوا يصرفوه (اتنشر فى الجرنان من يومين).
|
رد: حكاية انخفاض اسعار السيارات
المصايب في مصر بتحصل فجأه
وأظن ان مصيبة الهبوط الحاد في أسعار السيارات ح تحصل على خلال شهر فبراير القادم والتعتيم الحالي محاوله من رجال الأعمال لتصريف المخزون الحالي والاستفاده القصوى من احتكارهم للسوق أنا متخيل إننا فجأه وبدون مقدمات ح نلاقي الأسعار نزلت .. لأن في مصر مفيش حاجه بتحصل بشفافيه بس محدش يقوللي الأسعار نزلت في المستعمل لأن انا متابع سوق السيارات في مدينة نصر من رمضان .. حركة البيع والشرا مش جامده .. بس الأسعار عاليه .. مش زي ما كنا متصورين خالص |
رد: حكاية انخفاض اسعار السيارات
سؤال الى الاخوة اصحاب الخبرة بسوق السيارات
بمناسبة اسعار العربيات : لانوس 2001 عدادها 108000 كم مرشوشة من الخارج دواخل جيدة بحالتها مراية كهربائية وطارة دريكسيون متحركة وتكييف ,تساوى كام فى السوق حاليا. |
الساعة الآن 10:50 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017