![]() |
حد يعرف مميزات و عيوب اونو 1998
اخواني الافاضل حد يعرف مميزات و عيوب اونو 98 و هل تتحمل السفر باسره من 5 افراد ( منهم 3 اطفال ) السفر لمسافه توصل ل 500 كم ... اخوكم مستعجل
|
رد: حد يعرف مميزات و عيوب اونو 1998
انا معايا 1997 بولندى والعربية كويسة وتستحمل السفر بس اهم حاجة ما تقرصش عليها وامشى اخرك 80 -90 كم وطبعا تطمن على الزيت والمية وتحطلها بنزين 90 احسن وماتقلقش ان شاء الله هاتسد معاك*
|
رد: حد يعرف مميزات و عيوب اونو 1998
العربية دى حلوة جدا لاى حد عايز عربية صغيرة و ناعمة ....غير الفليشيا اللى صوتها زى اللادا ....فعلا هتسد معاك اوى بس ارحمها من النقر المفاجأة و طبعا راعيها ف الصيانة الدورية زيها زى اى عربية ..تصونها تصونك ....العربية ناعمة وسريعة و اقتصادية بدرجة رهيبة ( 1000 سى سى ) و عالية نسبيا لو فاضية ...بس مع تحميل فردين كبار بالخلف بتصبح واطية .....و ثابتة على الطريق حتى 100 كم / ساعة ...بس تقدر تجيب بيها 130 كم / ساعة و هى فاضية و تكون ماسكة نفسها شوية بس طبعا عايزة سواق خبير عشان متروحش منه ف عمود ....كان معايا واحدة 2002 فضى عدادها كان 82 الف كم ......موتورها كان زيرو ( موتورها الاصلى ) و كانت عربية جميلة بس بعتها من كام شهر عشان كانت صغيرة و انا متعوتدش على عربية صغيرة ...بس بجد سيارة جميلة ...بالتوفيق !
|
رد: حد يعرف مميزات و عيوب اونو 1998
عربية ممتازة توكل على الله وهاتها
قطع غيارها رخيصة ومتوفرة مع اتنين اصحابى وحبينها جدا بس موديلات 91و93 بس اعتقد انهم واحد وانا بفكر اجيبها |
رد: حد يعرف مميزات و عيوب اونو 1998
مشكلتها في الفوانيس فقط لاختلافها عن موديلت التسعينات
اما ما عدا ذلك فقطع غيارها متوافره. لكن مهما كانت سياره صغيره و مسافه 500 كم محتاجه سياره اكبر و احدث فلا تتوقع من الاونو ان يكون ادائها باداء سياره حديثه |
رد: حد يعرف مميزات و عيوب اونو 1998
انا معايا اونو 93 ماشاء الله عليها سافرت بيها اسرة مكونه من اربع افراد وكنت ماشى بيها 100 و 120 والحمد لله كويسه وثابته ع الطريق توكل على الله
|
رد: حد يعرف مميزات و عيوب اونو 1998
أي سيارة مهما كانت صغيرة تتحمل السفر لأي مسافة
المهم إنك تراعي قدراتها يعني سير متوسط وليس على السرعة القصوى وكمان تريح كل مسافة تقريبا 150كم بلاضافة للزيت والتبريد وتوصل بالسلامة |
الساعة الآن 12:53 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017