نيسان صني - شيفروليه اوبترا - تويوتا ياريس - بروتون جين 2
 

اريد ان اعرف اي السيارات الاتية افضل من حيث الاداء و الرحابة واستهلاك الوقود
نيسان صني 2009 - شيفروليه اوبترا 2009 - تويوتا ياريس 2009 - بروتون جين 2 2009
مع العلم ان جميعهم جير اوتوماتيك و ايهم اشتري ارجو الرد حيث اني انوي اشتري احداهم

رد: نيسان صني - شيفروليه اوبترا - تويوتا ياريس - بروتون جين 2
 

السلام عليكم
بص ياباشا انا هقسمهم لقسمين
1- قسم كلاسيك : اوبترا _صنى.
من ناحيه الوسع فأعتقد ان الاوبترا اوسع بفرق بسيط
والمواتير قريبه الى حد ما (الصنى افضل من ناحيه التسارع)
استهلاك البنزين : الاوبتر اقل من الصنى.
قطع الغيار : متوفره والسعر متقارب
ومن ناحيه الشكل طبعا دا ذوق
الصنى بتتقفل فى مصر
الاوبتر بتتقفل فى كوريا
ـــــــــــــــــــــــــ ـــــــــــــــــــــــــ ـ
2-قسم رياضى : جين 2-يارس
جين 2: عربيه جامده جدا موتور حلو -الوحيده من الاربعه الى فيها فرامل abs ومثبت سرعه- وفراملها شديده وبها 2ايرباج , وطابلوه شيك , واستهلاك بنزين معقول وشكل انيق
بس هيا سبورت شويه .
تيوتا يارس : عربيه روشه ويابانى ورياضيه واستهلاك بنزين ممتاز
من ناحيه الثبات مش اوى والفرامل معقوله
وشكلها حلو .
بس اعتقد انها بناتى شوييه
ـــــــــــــــــــــــــ ـــــــــــــــــــــ
وفى النهايه لو عاوز عربيه كلاسيك انا افضل الاوبترا
ولو عاوز عربيه سبورت واوبشنز جامد وسعر رخيص تبقى طبعا الجين 2 , اعلى فئه فيها ( اتوماتيك وسبويلر وزاوايد ومثبت) ب 94

رد: نيسان صني - شيفروليه اوبترا - تويوتا ياريس - بروتون جين 2
 

الاخ الحبيب بورتو
اشكر لسيادتك الاستجابة و الرد على استفساري و حقيقي اجابتك وافية و انا ان شاء الله ح اشتري جين 2 او اختها بيرسونا 2009 و جزاكم الله خيرا .

رد: نيسان صني - شيفروليه اوبترا - تويوتا ياريس - بروتون جين 2
 

تسلم ايدك يا بورتو على الرد الوافى ده بس اسمحلى اختلف معاك لانى بفضل النيسان صنى عن الاوبترا كجوده واعتمادية

رد: نيسان صني - شيفروليه اوبترا - تويوتا ياريس - بروتون جين 2
 

اختلف براحتك يا باشا دا حقك
بس انا وجهت نظرى ان الاوبتر بتتقفل فى كوريا والوكيل بتاعها منصور _ وبحس من الاجناب والخلف انها زى الالمانى ؟
وطبعا النيسان النيسان يابانى ودا طبعا له تمن . بس بتتقفل فى مصر.
وكمان الوكيل لسه مصمم ينزل نفس الشكل. وهو اتوقف خط انتاجه خارج مصر
ونزل شكل جديد من اكتر من سنتين .
ودى وجهت نظرى.
ـــــــــــــــــــــــــ ــــــــــــــــــــــ

وبعيدا عن الموضوع : النيسان سيلفى الجديده بتتعمل فى الصين

رد: نيسان صني - شيفروليه اوبترا - تويوتا ياريس - بروتون جين 2
 

من حيث الاداء افضلهم بالترتيب الصنى ثم الجين ثم الاوبترا.. واقلهم اليارس
من حيث الرحابة الصنى ثم الاوبترا وبعدها الجين واليارس
من حيث استهلاك الوقود اليارس اولا ثم الاوبترا وبعدها الصنى
معنديش معلومات عن استهلاك الجين للبنزين
ولاكن ارشحلك الصنى افضلهم فى الاعتمادية

رد: نيسان صني - شيفروليه اوبترا - تويوتا ياريس - بروتون جين 2
 

الياريس ناعمه جدا و مريحه (يـــــــابــــــــــــــ انـــي) بس 1300 يعني الاتوتوماتيك فيها بطيء
الصني ناعمه و مريحه وصالونها حلو ... هي بس العدادات فاتحه و دي نظره شخصيه ..... تقفيل مصري بس برضه ياباني
الاوبترا اساسها النوبيرا .... هي طبعا مطوره عنها ..... بس خامه التابلوه من جوه اقل واحده في التلاته
الجين 2 مجربتهاش ... بس اللي اعرفه انها فيها اوبشنز اكتر ... تحكم طاره ... 110 حصان ...موتور ميتسوبيشي... بس يقال ان تقفيل التابلوه مش اد كده