مصر موتورز مجتمع السيارات - القدرة الحصانية للسيارة

كثير مننا يعرف ان من أهم المقارنات للسيارة عند شرائك لها و مقارنتها بأخري هو أن تري في الكتالوج و علي موقع الشركة كم القدرة الحصانية لها بال Horse Power
يعني لما تشوف عربية مواصفات موتورها 120 حصان .. يبقي هل هي أقوي من واحدة تانية شركتها قايلة انها 110 مثلا ؟؟؟!!! للأسف لأ !!!!
و السبب مش أن فيه عوامل تانية زي العزم و الأيروديناميكية و كده .. لأ
الموضوع أن فيه شركات بتستغل عدم معرفة الناس بفرق ال Net و gross في حساب القدرة الحصانية بالإضافة لظروف القياس نفسها و هي شركات من وجهة نظري .. غير أمينة.
Gross Horse power : هو قدرة الموتور لوحده .. أيوه لوحده .. يعني متوصل بالبنزين و شكرا
Net Horse Power : و دي طريقة القياس الأدق و هي بعد تركيب السيور و الجير بوكس و الباور و المروحة و الشكمان .. يعني القدرة اللي بتوصلك فعلا صافية.
و هناك شركات ما زالت بتتحايل علي العملاء و هي أمام القانون بريئة لأنها كاتبة gross و حتقول انتوا اللي مش عارفين الفرق .. و هي شركات غالبا تتبع الجانب الأيمن من العالم .. كوري .. صيني .. و ياباني أيضا !

************************* *******
نقول أمثلة : ( بس أوعي حد يزعل ) عربيتك ممتازة أحنا بس حنوضح حاجات يمكن تكون كنت مستغرب منها
شركة Toyota. . .بتقيس محترم net( الكورولا مثلا 1600 cc و 105 حصان )
شركة Heundai . . بتقيس محترم net( الالنترا نفس المواصفات تقريبا )
شركة Mitsubishi بتقيس gross ( اللانسر ال 1600 قالت انها 122 حصان و ماكدبتش . . بس هما 105 net)
شركة Honda. . . بتكتب الاثنين بس مش دايما ( السيفيك الجديدة قالت انها 125 و هي 107 net)
شركة Mazda. . .الحقيقة كان مرفوع عليها قضايافي أمريكا قبل كدة انها بتزود الأرقام و دفعت تعويضات و احترمت نفسها بس ما زالت سمعتها هناك مشكوك فيها
و الحقيقة لا تقف عند ذلك .. فقياس القدرة الحصانية للسيارة يعتمد علي الضغط الجوي فهناك شركات تبحث عن الظروف النادرة التي تعطي أعلي رقم و تقيس و هناك شركات محترمة بتقيس عند الظروف القياسية الطبيعية للسائق .. و عموما القياسات الأكثر دقة و صرامة هي الأوربية و الشركات التي تحترم عقلية عملائها

المهم انت بس شوف هو ال Horse Power .. ده Net ولا Gross و انت تعرف و عموما ال Net أقل بحوالي 7 %

مقال منقول