سؤال عن الساجا
 

انا النهارده جربت الساجا ف المعرض واتمشيت بيها كم متر كده طبعا مش هقول ان العربيه شدت انتباه كل الف المعرض هو كان معرض من معارض الكبيره والمشهوره ف مصر كلها
طبعا العربيه ماشاء الله تحفه حلوه وصغيره كده محندقه يعني عادي زي مثلا الكورسا السيدان او الافيو تقريبا يعني
العربيه مليانه كماليات جنوط سبور وحساسات ركنه فوج لايت سنتر انذار يعني حلوه
الدركسيون حلو جدا مش تقيل زي ما بيقولو عليه عصايه الفتيس ممتازه كل حاجه ف العربيه باذن الله تمام
هو الفعلا ضايقني الدهان تحسه كاشف شويه لون العربي كان ابيض تحس كده زي نايكون فيه نقط بقع سودا مش عارف ليه ؟؟
وكمان حاجه تاني صوت زنه الماتور كانت ظاهره ف الكاست بشكل واضح ممكن يكون عاوز ظبط الله اعلم
بس العربيه من جوه بحر ومريحه جدا
يعني الحمدلله انا شا يف انه ممتازه باذن الله
انتظر تعليقكم
شكرا

رد: سؤال عن الساجا
 

ما شاء الله هي عربية ممتازة فعلا ... ماشي بيها من عشرة الاف كيلو تقريبا و الحمد لله تمام ...

بالنسبة ل زنة التسجيل فدي مش موجودة عندي في الحقيقة و الدهان جيد كذلك ومفهوش بقع .- سيارتي حمراء -

رد: سؤال عن الساجا
 

انا عاوزة اجيب العربية دى بس خايفة من قطع الغيار وسعر اعادة البيع والبنزين ومحتارة اجبها ولا بيكانتو انا لسة مجبتش عربية وعاوزة مساعدة منكم عاوزاها اوتوماتك

رد: سؤال عن الساجا
 

العربية حلوة جداااا وواسعة وممتازة لسعرها اوي بس المشكلة الوحيدة فيها ان قطع غيرها مولعة جداااا ومش موجودة غير في التوكيل فبتكون غالية وسعر اعادة البيع بتاعها قليل لان بيعها زيرو مش كتير اوي وبالنسبة انها 1300 بتاكل بنزين كتير
ولو حضرتك بتفكري فيها هي حلوة بس قطع غيرها غالية ولو البيكانتو لا انصحك بالاتوماتيك علشان هيكون سحبوا ضعيف لان العربية 1100سي سي قليل اوي علي الاوتوماتيك

رد: سؤال عن الساجا
 

للامانه انا روحت المعرض تاني واتضح ان الزنه عيب في الموجه مش اكتر والصوت روعه

رد: سؤال عن الساجا
 

ليه 1300 سىسى يسحب بنزين كتير ؟؟ اومال لو هيونداى نيو اكسنت مستعمل 1600 سىسى مش هيسحب اكتر؟؟؟ انت شايف ايه للامانة حد يجاوبنى انا خايفة موت هتكون اول عربية ليا مش عاوزة اندم

رد: سؤال عن الساجا
 

تقريبا حضرتك الاتنين واحد في استهلاك البنزين موضوع انها بتاكل بنزين يعني انها بالنسبة 1300 سي سي المفروض مش تستهلك بنزين كتير زي اليارس مثلا استهلكها ضيعف جدا علشان 1300 اما دي 1300 وبتستهلك فانا انصحك حضرتم للامانة بنيو اكسنت عربية حلوة اوي شكلا وموضوعا وبقالها كتيرة في السوق من عام 2006 وليها سعرها بتحافط علي سعرها
بس اهم شي جربي السيارة مليوووووووووووون مرة قبل ما تدفعي فيها فلوس واتاكدي من انها مش رشة العربية فابريكة ويكون مع حضرتك ميكانيكي تعرفية كويس والف مبروك مقدما