اوبل كورسا ممكن مساعدتكم ؟
 

السلام عليكم
انا عايز وسيلة سريعة لشراء عربية كورسا موديل 95 - 2000
يعني لو عربيه حالة سنتر لوك وتكييف وفتحة سقف وجنوط وام بي ثري ممكن توصل كام
او من كام لكام علما اني قريت كافة الموضوعات لكن انا بتكلم علي سعر دلوقت
فيه طريقة اشتري بيها الكورسا من الدقهلية او فيه سوق في الدقهليه زي الجمعه كده ؟
ارجو الافادة
شكرا

رد: اوبل كورسا ممكن مساعدتكم ؟
 

بص علي اعلانات الوسيط كل اسبوع اكيد حتلاقي فيه عربيات
او شوف المعارض الموجوده
بس لازم يكون معاك حد كويس يبص علي العربيه و يتأكد من انها سليمه

رد: اوبل كورسا ممكن مساعدتكم ؟
 

فيه واحدة ب 42 فى دمياط
مو 95 1200 سى سى حالة الموتور والفتيس جيدة جدا
تانى يد
فابريكة دواخل
رشه كبود و رفرفين قدام
العفشة مجددة بالكامل ورا وقدام إستيراد ماعدا المساعدين جداد بقالهم 4 شهور وإستعمال بيتى
اللون نبيتى
قزاز ومرايات كهربا قدام
كاوتش حالة جيدة جدا بقاله 10 شهور
حالة الصالون ممتازة
فتحة سقف
تكييف متركب
العربية لا تحتاج اى مصاريف ماعدا التكييف وشحنه والترخيص

رد: اوبل كورسا ممكن مساعدتكم ؟
 

42!!!!!!!!!!
مش عارف السعر ده مبالغ فيه مهما كانت الحاله

رد: اوبل كورسا ممكن مساعدتكم ؟
 

هو حضرتك بتشترى؟

شفت العربية؟

صاحب الموضوع؟

ptmnlo123per111
انصحك ماتتدخلش كل واحد راكب عربية وعارف تسوى كام

ع فكرة دى مش عربيتى بس دا السعر اللى صاحبها بيبعها بيه وشايف انها تسوى كده وأنا معاه

أنا شوفت واحدة مو 97 1600 اتوماتيك كامله من مجاميعه وبمرايات ضم كهربا كمان وفابريكة جوا وبرة وفتحة سقف كهربا وهيا جاية استيراد و مش متعدل فيها اى حاجة وعاملة 40000 كم وصاحبها كان طالب فيها 60000 جنيه وإتباعت من 6 شهور على كده

رد: اوبل كورسا ممكن مساعدتكم ؟
 

بص يا باشا لو حضرتك بتدور لازم تاخد معاك حد بيفهم كويس يكون سمكري و تاخد بردوميكانيكي.
فية عربيات كتير قوي في موقع كونتكت وفية في كار 100 100 وفية مواقع كتير متخصصة في العربيات المستعملة.
والاسعار من 30.000 ل 38.000 حسب الحالة والموديل.
انا معايا ال1000 وزي الفل بس في ناس كتير بتقول ال1200 أحسن فلو حضرتك هتشتري خليك في ال1200 .
وانا تحت أمرك في اي استفسار.

رد: اوبل كورسا ممكن مساعدتكم ؟
 

لا شوفت ولا بفكر أشتري لكن
عندي عقل بفكر بيه
عربيه موديل 16 سنه فاتو 1200 سى سى
رشه بره ومش تكيفها الأصلي ومش شغال كمان لسه عايز صيانه
ومنعرفش حاجه لسه عن العداد بتعها
ومعروف أن سعرها ما بين 27000 ألي 36000 حسب الحاله
كل ده مش بقلل من قيمتها لكن بديها حقها واللي عليها كمان
السعر ده يجيب لانوس1 نضيفه

ومش معني أن واحد رضي يشتري بالسعر ده يبقي ده السعر الرسمي
يمكن هو هيموت عليها و موافق أنو يشتريهابأي سعر
أو من كتر حبه في فيلم العتبه الخضرا حب يعمل فيها أسماعيل يس ودفع فيها 60000
ptmnlo123per154
بس أنا لو معايا المبلغ ده أكيد مش هفكر فيها أصلا....... أكيد هجيب فكترا

وأخيرا نصيحه حضرتك أكيد علي راسي بس مش مقبوله طبعا
لأنك في منتدي عاااااااااااااام, ومن حقي وحق كل عضو يقول رأيه

وربنا يوفق صاحب الموضوع للأختيار الأحسن