|
أوماترا مصر" تخفض سعر "لينيا تربو" 29 ألف جنيه
قدمت شركة "أوماترا مصر" الوكيل الوحيد لسيارات "فيات" الإيطالية في مصر طرازات مختلفة من "لينيا" الجديدة وبأسعار منافسة للغاية.
وذكرت مجلة "عربيتي" المتخصصة في السيارات من خلال عددها الأخير أن "أوماترا مصر" مازلت تعتلي قمة الشركات الأكثر تخفيضاً في أسعارها للمرة الثانية ، إذ خفضت من سعر طراز "لينيا" التربو جيت" 29 ألف جنيه في مفاجأة كبيرة. وبعد هذا التخفيض أصبح سعر "لينيا تربو جيت" 98 ألف جنيه بدلاً من 127 ألف للسيارة المزودة بشاحن تربو تصل قوته إلى 120 حصان. وكانت "أوماترا مصر" قد سبق وخفضت سعر "لينيا" بنحو 18 ألف جنيه للتخلص من موديلات 2009 ليبدأ سعرها من 89 ألف جنيه وحتى 112 ألف جنيه. المصدرcontactcars |
رد: أوماترا مصر" تخفض سعر "لينيا تربو" 29 ألف جنيه
أيوة كدة هو دة الكلام دة التخفيض اللي يخليني كمشتري أفكر في العربية هو دة التخفيض اللي يجذب العميل مش تقولي 3 آلاف و4 آلاف خلاص زمن التخفيضات الوهمية أنتهى وزمن أرتفاع الأسعار أنتهى ومحدش يدخل ويقولي دة الستوك القديم وبيخلصوه وفاضل 10 (حتت) يعني عرفت منين يا أخي الكريم هل حضرتك شغال معاهم ولا مدير قسم التسويق شيئ غريب في النهاية تحية لأوماترا لأنهم بدأوا يحترموا العميل ويعملوا دعاية كويسة ويهتموا بخدمة مابعد البيع ونادر لما يخفضوا السعر ويعلوة تاني بصراحة الله يباركلهم في مبيعاتهم الكبيرة و المتوقعة .
|
رد: أوماترا مصر" تخفض سعر "لينيا تربو" 29 ألف جنيه
الخبر ده نازل على كونتاكت كارز واكيد
ايوه كده العربيه تحفه فعلا جميله وتستاهل بس انا ليه سؤال امال هما بيكسبوا كام على كده فين الرقابه |
رد: أوماترا مصر" تخفض سعر "لينيا تربو" 29 ألف جنيه
والله اللينيا دى عربية جميلة جدا بس مش واخدة حقها
|
رد: أوماترا مصر" تخفض سعر "لينيا تربو" 29 ألف جنيه
الخبر ده متداول من فتره وخلاص العربيات موديل 2009 تعتبر خلصت وفى كلام الايام دى ان السعر هيعلى تانى ويرجع زى الاول بالنسبة لموديلان 2010
|
رد: أوماترا مصر" تخفض سعر "لينيا تربو" 29 ألف جنيه
يا حسره قلب الى اشترى العربيه و بعد كام اسبوع سعرها ينزل 29 الف جنيه
دول كده بيعذبو الى اشترو العربيه و بيقولو علشان تحرمو تشترو من عندنا تانى!! |
رد: أوماترا مصر" تخفض سعر "لينيا تربو" 29 ألف جنيه
هي اللينيا عربية جميلة جدا وسعرها كدة كويس
|
| الساعة الآن 02:07 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017