نقصان مقاس الزيت ؟
السلام عليكم
االعربيه فيرنا اوتوماتيك ماشيه 130 الف مو 2013 بحط زيت شل الاصغر 5 الاف الاول كان يجي مثلا على الالف الرابعه والمقاس يقل سم او نص سم دلوقتى بيقل نفس القيمه قبل ما اوصل للالف الثالثة ؟ هل فيه مشكله ولالا ؟ مع العلم ان الحمد لله المكنة بخير ومفيش اى مشكله فى السحب او الصوت اوعادم الشكمان مع العلم ايضا انى بملا قربة المياه كل اسبوع؟ متابعكم وشكرا جزيلا |
رد: نقصان مقاس الزيت ؟
معدل النقصان اللى ذكرته قليل ميخوفش خالص وطبيعى لكن لازم نبص برضو على وجود (( تعريق زيت )) فى الموتور او اى شواهد تسريب بسيط لو مفيش يبقى تمام
كمان المفروض الموتور بعد الفترة ديه يتعملة صيانة كميائيه يعنى موتور فلاش ومعالجات للتنظيف ديه هتحسن وظائف الزيت واستهلاك البنزين |
رد: نقصان مقاس الزيت ؟
ابو نورا نورتنى
يعنى ايه صيانة كيميائية من فضلك ؟ وشكرا جزيلا |
رد: نقصان مقاس الزيت ؟
صيانة كميائية هى غسيل دورة الزيت بوضع اويل فلش على الزيت الموجود بالسيارة
تشغيل الموتور لمدة 7 -10 دقائق والعربية متوقفة تبطيل السيارة وتنزيل الزيت والفلتر ووضع زيت جديد مع الفلتر |
رد: نقصان مقاس الزيت ؟
انا لقيت ترشيح زيت خفيف حوالين غطا التاكيهات ؟
ايه سببه ؟ وهل الاويل فلاش له آثار جانبية ؟ وهل مناسب لحالتى ؟ متابعكم وشكرا جزيلا |
رد: نقصان مقاس الزيت ؟
اقتباس:
|
رد: نقصان مقاس الزيت ؟
روحت للميكانيكي
رفع مقاس الزيت والعربيه دايرة وزود طلع دخنه بسيطه من مكان المقاس وقالى المكنة خفيفة وعاوز شنبر ونص عمرة بتتكلف من 1000 الى 1500 ج سالنى بتحط زيت ايه قولتله شل الاصفر 5000 قالى كتير ده اخره 3000 وده اللى خف المكنة حط زيت ميزدش عن 1500 او 2000 كم زى شل الاحمر 20-50 السؤال بقا طب الترشيح اللى حوالين غطا التاكيهات ده تسريب ولالا ؟ وهل مجرد دخنه من مكان المقاس تدل على ان المكنه خفيفة وعاوز نص عمره ؟ وايه الاختبار للمكنه انى اعرف انها بتاكل زيت وخفت من عدمه ؟ متابعكم للاهميه وشكرا جزيلا |
الساعة الآن 05:34 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017