مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   مطلوب شراء (https://www.masrmotors.com/vb/forumdisplay.php?f=91)
-   -   استفسار شراء سيارة في حدود 25000 جنية (https://www.masrmotors.com/vb/showthread.php?t=136974)

scorbionking 19-02-2015 01:50 PM
استفسار شراء سيارة في حدود 25000 جنية
 
السلام عليكم ورحمة الله وبركاتة
بعد اذنكم يا جماعه لو ممكن حد يفيدني
انا كان معايا عربية 128 وتعبتني اخر تعب وبفضل الله بعتها وجبت 132 موديل 1975 وبردوا كانت اساسيتها تعبانة اوي وبردوا بعتها وجمعت كل الفلوس الي قدرت اجمعها وكونت 25000 جنيه وعاوز اخذ رأيكم المبلغ دا ممكن يجيبلي عربية ايه ؟
والمشكلة اني عاوز عربية لعائلة يعني واسعه وتشيل
وحاليا معروض عليا هوندا اكورد موديل 1983 كاملة اتوماتيك خليجي
بس خايف عشان موضوع قطع الغيار .......
فبالله عليكم افيدوني ...

واسف اني طولت عليكم

Delta Force 23-02-2015 07:42 AM
رد: استفسار شراء سيارة في حدود 25000 جنية
 
ممكن كيا برايد او سكودا فيليشيا

VIP_HIH2003 23-02-2015 01:02 PM
رد: استفسار شراء سيارة في حدود 25000 جنية
 
السلام عليكم الافضل بالمبلغ ده اسكود فليشا كومبى جمليه وتستحمل

scorbionking 23-02-2015 03:49 PM
رد: استفسار شراء سيارة في حدود 25000 جنية
 
الف شكر يا جماعه
معلش سؤال كمان
يعني افضل اني ابعد عن الاكورد عشان قطع الغيار ولا في حاجه تانية وهل لو دورت شويه هلاقيلها قطع غيار ولا متعبش نفسي
لان الي جابلي العربية بيتكلم انها فابريقه دواخل بالكامل

eng_ahmed2002 16-04-2015 05:32 PM
رد: استفسار شراء سيارة في حدود 25000 جنية
 
انا رأيى لو مش عايز حاجة كبيرة .. زى ال 128 مثلا .. خليك زى حالاتى فى الماروتى .. ابعد عن القديم وحضرتك ليك تجربة فى القديم ( 128 - 132 ) يعنى .. والماروتى مويل حديث ممكن فى حدود 27 الف 28- الف تلاقى حاجة 2077 او 2008 ..... ودى قطع غيارها متوفرة ورخيصة .. وسهلة التعامل .. وجراية .. طبعا بس صغيرة .. وانت وظروفك بأة .. انا بدور على حاجة كدة .. ولى تجربة فى ال 128 بتاعة اختى .. ولما زهقتها باعتها .. سلام وربنا يوفقك

m_m_sh_a 17-04-2015 02:32 PM
رد: استفسار شراء سيارة في حدود 25000 جنية
 
يعني حضرتك بتعترف إن العربيات اللي جبتها كانت أساسيات تعبانه ..طيب ما لازم تعملك مشاكل ..عموما ..ممكن تشوف لادا تكون أساسيات كويسه ..عربيه محترمه وجامده وشياله وشغاله تاكسي عندنا في إسكندرية ما بتقولش لأ ..

zing0 17-04-2015 09:15 PM
رد: استفسار شراء سيارة في حدود 25000 جنية
 
أى عربية أساسياتها تعبانه هتتعبك
و كلمة أساسيات العربية مش معناها تكون دواخل فابريكا و رفارف منزلتش و تلاقى المكنة ضايعة و العفشة متبهدلة و الفرش عاوز فرش و ضفيرة الكهربا مليانة كبارى و أنفاق و سدود....
ده اللى بيرجح العربية الموديل الأعلى عن القديم, إنها بتكون (على أبوها) بلغة السوق يعنى كل حاجة زى الفابريكا و بدون لعب من الإخوه الصنايعية الفهلوية.
هتجيب عربية يبقى تكشف عليها صح من كل حاجة و تجربها و تخلى صنايعى ثقة يكشف عليها أو ترفعها فى بنزينة معتمدة و يدوك تقرير بحالتها.
فى رينج الـ 25000 مفيش موديل عالى غير الماروتى (فى الألفينات يعنى)
أى حاجة تانية هتلاقى إمكانيات أفضل من حيث الوسع و القوة و قطع الغيار و و و بس موديلات قديمة (ثمانينات و تسعينات)
أعانك الله و يسر لك أمرك


الساعة الآن 12:28 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017