مقاس طبب المايه للاكسنت 2005 1300 سى سى كام؟
 

السلام علليكم ورحمه الله وبركاته
لكل الهيــونــداىه الرايقين ياريت حد يفيدنى فى الموضوع ده . كل ما اغير طبب المايه برضو بتهرب وبتنقص مايه
سؤالى :
ايه مقاس الطبب مايه للهيونداى اكسنت 1300 سى سى موديل 2005 ؟
وهل الطبب الامايه اللى تحت فرن الشكمان نفس مقاس الطبب الخلفيه اللى تحت المنفولد ؟
وايه احسن طريقه علشان عاوز انسى الموضوع الطبب ده ةاضمن طريقه للحلها ؟

رد: مقاس طبب المايه للاكسنت 2005 1300 سى سى كام؟
 

رغم إنى مش هيونداوى بس ربنا يكرم و أبقى معاكم, هأرد مبدئياً لإن الكلام عام
تقريباً المقاس مش مضبوط أو الميكانيكى مش بيحط سيليكون (بيسترخص)
الشغله ممكن سباك يعملها, مش محتاجه مقاسات بالبوكليس زى الشنابر مثلاً

اللى الصنايعية بيعملوه
بيفكوا الطبه القديمة البايظة و يديهالك تجيب مقاس قطرها بالضبط (التاجر بيطابق القديمة مع الجديدة)
و الميكانيكى لما بيركبهم لازم ينضف مكان القديمة فى بلوكة المكنه و يلف الطبه الجديدة بسيليكون حرارى
لو المقاس عندك مش مضبوط, يعنى مكان الطبه فى جسم المكنه بقى واسع سنّه, ممكن تضيف شعرة أمينت (كتان بتاع السباكه, بلاش التافلون علشان مش هيستحمل المياة السخنه لو مضروب)
هتلف شعرتين و تحط السيليكون الحرارى و تسمى الله و تكبس الطبه
و لازم تدخل مكانها مضبوط و الشفه بتاعتها تتساوى مع سطح البلوك بتاع الموتور
أعانك الله

رد: مقاس طبب المايه للاكسنت 2005 1300 سى سى كام؟
 

بص العربيه راحت عند الميكانيى فك الطبه وروحت جبت ماكنهم بتاع قطع الغيار قالى فى ب 4 و 7 جنيه الفرق كان فى الخامه.. الميكانيكى كان مغيرهم قبل كده بس بردو كان بيهربو علشان كده رجعتلو تانى قالى كده هتجيب الطبه الاصلى كنت عاوز اقولو حاجه قبيحه ماكنا جبنا من الاول وخلاص
المهم روحت جبت الاصلى ام 7 جنيه دى مقاس 35ملى .هو صنفر مكان القديمه وحط سيليكون حوالين الطبه الجديده و رشقها مكانها بس بردو فى كذا واحده لسه بيجيبو مايه ....
مش عارف اعمل ايه ؟

وهل ممكن اركب مقاس اكبر مثلا 36 ملى ولا مش هترضى تدخل زى ما المكانيكى بيقول ؟
وهل لو حطيت كتان حوالين الطبه. الكتان ده هيسحمل المايه السخنه والضغط العالى فى المايه ولا هايتحرق ؟؟

مش عارف بصراحه اعمل ايه الموضوع عاملى قلق جامد و خايف خصوصا انى كلمت ماليكانيمى قالى كده يبقى ممكن جوان وش سلندر ... بس انا متاكد انى شايف تعريق مايه من الطبه من اللى فى الماكنه ؟

رد: مقاس طبب المايه للاكسنت 2005 1300 سى سى كام؟
 

يعنى مقاس الـ 35 مم صغير على مكان الطبة فى البلوك
لو الفرق ممكن يقرب من الـ 1 مم الزيادة يبقى تجيب الـ 36 مم و الراجل يصنفر مكانها فى البلوك بصنفرة خشنه قبل التركيب (محتاجه صبر شوية بس الأسطى مستعجل)

شعر الكتان (و الأمينت الأصلى) يستحمل الضغط و الحرارة عادى و لا يتحرق و لا حاجه
السباكين بيحطوه مع المواسير و بتمشى فيها مياه بتغلى من السخانات , و لا فى أى مشكله
و برضو مينساش السيليكون الحرارى

ده رأيى و منتظر معاك رأى الإخوه الأفاضل

رد: مقاس طبب المايه للاكسنت 2005 1300 سى سى كام؟
 

تمام كده ان شاء الله انا هروح تانى للميكانيكى يخليه يغير الطبتين اللى بيجيبو مايه كده واجرب .وكمان نبص تانى على بقيه الطبب ...وان شاء الله خير
بس سؤال هو ايه الأمينت ده واجيبه منين ؟ وايه افضل سيليكون حرارى ؟

رد: مقاس طبب المايه للاكسنت 2005 1300 سى سى كام؟
 

الأمينت ده عبارة عن شعر كتان بيتلف على قلاووظ الحنفيات و المواسير قبل التركيب لمنع التسريب
دلوقتى بقى فيه كمان شرايط بكر تافلون, و دى شريط أبيض خفيف أوى بيتلف برضو عالقلاووظ قبل التركيب لنفس الغرض, بس التافلون فيه منه أصلى و مضروب, إنما الكتان كتان مفيش فيه لعب و رخيص جداً
يتجاب من أى محل سباكه
بـ 1 جنية أمينت شعر أو بكرة تافلون أصلى (التافلون بحوالى 3-4 ج)
السيليكون الحرارى كله صينى (شكر و تحية لشعب الصين طبعاً)
فيه منه لونه رمادى و أسود, المنتشر الرمادى بس أنا حسيت الأسود أفضل, المهم أن كله شغال, و وظيفته يعمل عازل مطاط يتحمل درجات الحرارة العالية و يمنع التسريب (على فكرة مبينشفش غير لما المكنه تسخن), ثمنه من 10 - 20 جنية

رد: مقاس طبب المايه للاكسنت 2005 1300 سى سى كام؟
 

شكرا جدا يا zing0 على المتابعه انشاء الله اعمل الفصه دى فى اقرب وقت وربنا يسهل