أرجو إمدادي بمعلومات عن السيارة (ريجاتا) Regata
 

رد: أرجو إمدادي بمعلومات عن السيارة (ريجاتا) Regata
 

آسف للتأخير ، بس للأسف معلوماتي مش كتير
تجميع مصري، دفع أمامي (كبالن) و هو أكثر مايعيبها
السحب ممتاز
علي حسب الحالة يتم تقييم العربية، بس لو حالتها متوسطة أو أقل بلاش أحسن

رد: أرجو إمدادي بمعلومات عن السيارة (ريجاتا) Regata
 

رد: أرجو إمدادي بمعلومات عن السيارة (ريجاتا) Regata
 

الريجاتا من افضل العربيات فى فئتها وزمانها وفيات كانت عملت بيها طفرة فى العربيات وافتكر انها كانت الوحيدة فى الوقت ده اللى فيها كمبيوتر اعطال وبتنزل بتجهيز قياسى بقزاز كهرباء وسنتر لوك

عيوب العربية
اكتر العربيات فيها بارومة
قطع غيار غالية بالمقارنة بالشاهين مثلا او الفيات القديم عامة

المميزات
تسارع ممتاز وموتور قوى
ثبات اكثر من ممتاز
عفشة قوية ومناسبة جدا لارتفاعها عن المطبات
كماليات كويسة بالمقارنة بالعربيات اللى فى نفس المستوى ( تكييف وسنتر وزجاج كهرباء وكمبيوتر اعطال)
صالون واسع ومريح

رد: أرجو إمدادي بمعلومات عن السيارة (ريجاتا) Regata
 

من أفضل السيارات ولكني أفضل عليها الأرجينتا الأخت الكبرى لها سيارة تحفة وليست كبالن بل على كرونه وفبه منها 1600 سي سي ومنها 2000 أنا كان معايا ال 1600 قطع غيار برضه متوفرة لأنها هي هي ال 132 وفيها منها أوتوماتيك كانت معايا برضه ومكيفه وعربية بسم الله ماشاء الله تقيلة وراسية على الطريق وأحسن من الريجاتا وأشد من 132 عيبها الوحيد وللأمانه إنها تقيله في بيعها شوية .

وفقك الله

رد: أرجو إمدادي بمعلومات عن السيارة (ريجاتا) Regata
 

شكرًا يا إخوة على الردود الطيبة
وجزاكم الله كل خير على الإفادة

بس بصراحة انا قلقان من موضوع المستعمل ده تاني ! عشان كده نفسي أجيب حاجة زيرو بس سعرها يكون مريح (على أد الحال !) فبفكر في اتنين:
1- الهيونداي الآي تو سعرها معقول وعربية قرأت عنها في المنتدى هنا كتير والناس بتشكر فيها، بس ده متوقف على حجم المبلغ اللي هيبقى معايا ساعتها.
2- أما لو المبلغ متوفرش (عشان داخل في مشروع) فبفكر في لادا 2107 ، وسبب تفكيري فيها عدة أسباب: منها إنها عربية (حمارة شغل !) -لا مؤاخذة يعني- وقطع غيارها ببلاش، وفي نفس الوقت فيها كماليات معقولة مش هحتاج غيرها زي التكييف مثلاً، وكمان سعرها كويس جدًا وأخيرًا عشان كاربريتير مش إنجكشن، وأنا لسة ملسوع من تجربة الإنجكشن في الزفتة الماتيز ! اللي صرفت عليها دم قلبي (حوالي تلت تمنها !!!) وفي الآخر بعتها بخسارة كبيرة جدًا، عشان كده عايز عربية أي حد بيفهم فيها.

فإيه رأيكم ؟ عايز توجيهاتكم

رد: أرجو إمدادي بمعلومات عن السيارة (ريجاتا) Regata
 

الـ I2 مبشرة جدا
و اللادا كما قلت باستثناء انها (الجديد منها) ضعيف زيادة شوية

ربنا يباركلك في أي منهم أو غيرهم رزقك