معروض عليا ال 127 دي ب 8000
السلام عليكم المنتدي شكله هايبقي مزاري الاساسي بعد كده ان شاء الله لانكم محل ثقة انا معروض عليا العربية دي 127 نصر موديل 84 فابريكة دواخل الموتور عاوز عمرة و ماتعملوش عمرة قبل كده محتاجة 4 كاوتشات "هما اتنين بس انا هاريح دماغي" رشة برا دوكو تقريبا لان شكلها نضيف انا بصيت عليها من بره بس لسه هاخدها عند ميكانيكي يشوف ايه الكلام برده مبدايا الكلام علي 8000 بس شكله ممكن ينزل شوية ل7000 مثلا لسة ما بصيتش علي البطارية ولا الكهربا ولا الكلام ده لاني متوقع اني اغير طقم السيرفس كله انا عامل حسابي علي 13000 يعني لو جبتها ب 7000 و شديتها ب 6 اظن تبقي تمام "ده مبدأيا" الحاجة التانية بقي انا بافكر اغير الموتور بدل ما اعمل عمرة الناس بتقول ان العمرة مجهود و فلوس و صنايعي غير التاني انما الموتور ركب و اركب و تقريبا نفس السعر ولو اغلي حبتين و رجعت لاقيت ناس بتقول ان تسقيط موتور بيكون مغامرة يا صابت يا خابت الخبرا ينصحوا بايه و لو هانسقط موتور ايه هيا المواتير المضمونة اللي مكن اسقطها و سعرها كام " الميزانية خدوا بالكم 13000:hd:" و السؤال الاخير ...... اعمل كده ولا ادور علي حاجة موتورها كويس و اريح دماغي شكرا مقدما |
رد: معروض عليا ال 127 دي ب 8000
برضوا حضرتك غاوى شقا
مقولنالك قبل كده ريح دماغك من قرف الصنايعية و هات حاجه مشدوده جاهزة و خلص عالعموم, لو أنت خلاص ناوى على دى و متأكد إن مكنتها معمرتش قبل كده (رغم أنى متأكد أنها عالأقل عملت طقم شنبر كذا مرة دى موديل 84 يا ريس) و برضه متأكد ان الدواخل فبريكا و الركب و الإعتاب و الكارتيرات... مفيهاش بارومه يبقى العربيه تستاهل. توديها لصنايعى "أمين و عنده دين" يجيبلك من الآخر فيها و يقولك محتاجه أيه بالضبط و هيتكلف كام. و أعمل حسابك بزياده شوية, لأن أى فتحة صيانه بتفتح فى حاجات غير متوقعه. نصيحتى لو عجباك, خلى صاحبها يعمر المكنه و يحط ثمن العمرة على ثمن العربية و تكون معاه خطوه بخطوه (علشان ميسترخصش و يعك الشغل) و بعد كده تستلمها منه 10/10 العمرة لو ميكانيكى شاطر و نشيط هتأخد منه 3 أيام بالتليين. و صلى استخارة قبل الشراء و ربنا يوفقك للخير |
رد: معروض عليا ال 127 دي ب 8000
اقتباس:
|
رد: معروض عليا ال 127 دي ب 8000
لو العربية عاجبتك توكل على الله وخلص وشد العربية
وبعدين فك وش الموتور لو اساسيات المكنة سليمة يبقى عمر عمرة كاملة لو المكنة هتصرف كتيير يبقى اشترى مكنة بالفتيس افضل |
رد: معروض عليا ال 127 دي ب 8000
اقتباس:
طيب انا عاوز اعرف الاختيارات و الاسعار اللي قدامي يا جماعة لو هاسقط موتور |
رد: معروض عليا ال 127 دي ب 8000
انا ايضا رشحت لك انك تشترى عربية مشدودة مباشرة اريح لراسك من دوشة الشد لانها هتتعبك جدا وانت جديد يعنى مش هتسلم من اشتغالات الصنايعية
لكن للمعلومة انا سقطت ماتور قبل كدة فى 2008 وكنت شارى من عزبة شلبى بالمطرية وكان معانا ضمان استبدال ثلاثة ايام الميكانيكى سقط وجمع وطلب منى مشوار كبير لتجربة الماكينة ولانة عندة ضمير بعد المشوار وجد الماكينة مش تمام ورجعنا تانى لعزبة شلبى وغيرناها وصمم انة يدورها هناك ويجرب وسقط تانى وجمع وطلعت تمام اللى عايزك تستفيدة فى تسقيط الماتور ان عزبة شلبى المواتير درجات انا مش فاكر الاسعار كانت كام لكن لا تسترخص هتلاقى مواتير معروضة اسألهم عن مستوى المكنة واذا فية افضل من كدة واسأل اكثر من واحد لحد ما يدخلوك على المكن الصح وهتلاقى سعرة اعلى من اللى شوفتة فى الاول لكن بصراحة انا مشفق عليك اذا دخلت حوار الشد او تسقيط الماتور من اللى هتشوفو :) واذا عايز 127 مشدودة انزل السوق اذا كنت من القاهرة اعتقد هتلاقى كتير مشدود ولك تحياتى |
رد: معروض عليا ال 127 دي ب 8000
اقتباس:
|
الساعة الآن 10:30 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017