سخونة العربيه... مشكلة تتطلب اهل الخبره
 

السلام عليكم ورحمة الله

لو سمحتوا يا جماعه انا عندي استفسار بسيط... مؤشر الحرارة عندي في العربيه دايما يعلى وبزود ميه كل 4 ايام تقريبا...سوقسوقسوقسوق

المؤشر ديجيتال , بيعلى والمروحه تشتغل تقريبا دقيقه او دقيقتين وبعدين المروحه تفصل وينزل تااني... انا كنت مفكر الموضوع من حرارة الجو في الصيف لكن لقيت ان الموضوع مستمر حتي في ايام برد جدااا.

القربه بزودها تقريبا كل 4 ايام مع العلم ان مفيش اي تسرييب في دورة مياه الرادرياتير...

اخر ما زهقت رحت بيها التوكيل, قالولي انت محتاج تغير رادرياتير و مقاومة مراوح تقريبا سعرهم 4000ج
قلتله دا انا لسا مغير الرادرياتير قالي الخراطيم مسدوده ومبتوصلش الميه !!!



السؤال الاول:: هل فعلا تشخيصهم صح للمشكله ؟؟
السؤال الثاني:: هل في حل تاني غير اني اغير الرادرياتير ولا مفيش مفر ؟؟؟؟



شكرا لكل اللي دخلو الموضوع وشكر خاص لكل من تفاعل معه :)

رد: سخونة العربيه... مشكلة تتطلب اهل الخبره
 

طالما كدا كدا بايظة
طيب ما تجرب تروح لحد بتاع رادياتير كويس يكشف عليه و لو مسدود حيعرفوا يسلكوه
لعل و عسى
بدل ال 4000 ج ممكن تبقى 40 ج

رد: سخونة العربيه... مشكلة تتطلب اهل الخبره
 

مادام الخرطيم مسدودة طب ميغير الخراطيم ولا لازم الرداتير - انا شاكك في التشخيص - لان تذويد الميه كل 4 ايام مش طبيعي.

رد: سخونة العربيه... مشكلة تتطلب اهل الخبره
 

رد: سخونة العربيه... مشكلة تتطلب اهل الخبره
 

العربيه رينو داستر 2012 4×4

رد: سخونة العربيه... مشكلة تتطلب اهل الخبره
 

ممكن تكشف على الخراطيم ممكن تكون سخنت و نشفت و الكوليهات إللى بتربطها مبقتش ماسكه كويس فبتسرب
حاول تزود مياه زياده عن الماكس شويه و تطلع مشوار طويل شويه (يعنى العربيه تأخد حرارتها الطبيعيه - 90 درجه مثلاً) و بعدين تركن و تنزل تبص على وصلات الريداتير كلها و تبص على بلوكه الموتور من تحت (عند طبب المياه) لو فيه حاجه بتسرب مع ضغط المشوار على دورة المياه هتلاقيها ناشعه مياه و لو المياه ملونه يبقى هتلاقى البقع ملونه و هتظهر بسهوله إن شاء الله.
و برضه تبص على غطا قربة المياه و لو الريداتير عندك ليه غطا برضه بص عليه.

لو موصلتش لحاجه يبقى زى ما الأخوه هنا قالوا:
واحد متخصص ريداتيرات و يعمله تسليك و يكشف عليه و لو محتاج لحام (ده لو طلع بيسرب) هو هيعمله.
و لو باظت خالص يبقى كده كده هتشترى واحد جديد زى ما التوكيل قال, يعنى دى محاولات غالباً هتحل المشكله لأن التوكيلات بتستسهل و تغير و كله على حساب الزبون.

رد: سخونة العربيه... مشكلة تتطلب اهل الخبره
 

باشا بص ما دام قال لحضرتك مقاومة مراوح يبقي اتاكد ان المراوح شغالة كويس والمفروض انها سرعتين منخفضة وعالية وبالتالي ممكن اغير مقاومة المراوح الاول - ممكن تلاقيها استيراد او جديدة