التفكير في إعادة إنتاج بيجو 504 مرة أخرى بواسطة أباظة بعد مرور 35 سنة على مولدها!!!
سمعتم عن خبر التفكير في إعادة إنتاج بيجو 504 مرة أخرى بواسطة أباظة !!!
في تصريح صحفي صرح أحد أبناء أباظة المحتكرين لتوكيل بيجو في مصر قال إنه ليحصل على نصيب من كعكة إحلال التاكسي تجري بينه وبين بيجو فرنسا الآن مفاوضات لإعادة إنتاج بيجو 504 السبعة راكب بمصنع الهيئة aav وذلك لأنه لا يوجد بديل محلي لإحلال سيارت الأجرة ذات السبع ركاب طبعاً فكر تجاري لكن أنا إشمأزيت من الخبر وانزعجت بشدة لماذا؟؟ لماذا لم يفكر في موديل حديث!!! لماذا يفكر في سيارة أبتكرت من أكثر من 30 سنة ولم تتطور في كل موديلاتها حتى وقفوا إنتاجها على الأقل لماذا لم يفكر في بيجو 505 مثلاً فهي أكثر تطوراً المشكلة أن البيجو 504 بها عيب تصميمي خطير يجعلها عرضة للإنقلاب بسهولة في السرعات العالية بسبب تصميم جسمها وتوزيع الأوزان والأبعاد ... لماذا الإصرار على تجديد القديم بجموده والتنازل عن الجديد المتطور والأكثر أماناً للراكب وللمركبة وللمركوب (المركوب هو الطريق) ولا المصريين ملهمش في الجديد ومن فات قديمه لاص ؟؟ زي الخطأ الكبير الذي اللي حصل بالسماح بدخول اللادا بمصايبها وتخلفها التطوري لمشروع إحلال التاكسي كان ناقص يدخلوا ال 128 كمان أنا رأيي كفاية عليها خلاص راح زمنها المهم إنتم رأيكم إيه ؟؟؟ الأول إنتم فاكرين البيجو 504 ؟؟؟؟؟؟؟؟؟؟؟؟؟؟؟ http://www.clubpeugeotuk.org/wallpap.../88c4f_002.jpg http://www.motorsnippets.com/cars/gr...Break%20SL.jpg طيب ليه مفكرش في حاجة أحدث زي: بيجو 505: http://upload.wikimedia.org/wikipedi...liale_1991.jpg أو بيجو 806 : http://images04.olx.org.uk/ui/1/99/94/1999594_1.jpeg أو حتة 5008 : http://pictures.topspeed.com/cars/pe...-3_1600x0w.jpg http://www.dieselstation.com/pics/20...wallpapers.jpg في إنتظار آرائكم |
رد: التفكير في إعادة إنتاج بيجو 504 مرة أخرى بواسطة أباظة بعد مرور 35 سنة على مولدها!!!
شكرا لطرح الموضوع يا باشمهندس احمد بالصوره الشيقه دي.
مما لاشك فيه ان ال504 اشهر عربيه عرفتها مصر و مافيش مصري الا لما امتلكها او كانت مع قريب ليه او اتزف بيها في فرحه:) او حتي ركبها تاكسي !!!!!!!! بس انا معاك ان علي الاقل كان فكر في انتاج موديل اخر زي ال 505 لكن اعتقد هو فكر في ال 504 لانها مازالت تنتج في افريقيا بينما توقفت ال 505 تعالي نفكر في باقي الموديلات ال 806 عربيه محترمه و جميله و انا ركبتها و بصراحه عربيه ظريفه جدا و مريحه اكتر من ال504 بمراحل و ماعنديش اسباب منطقيه لعدم انتاجها . ال5008 هيا البديل الشرعي لل504 فعلا(لو اخذنا ترتيب الفئات بالنسبه لبيجو فرقم 5 يرمز اليها) لكن تكنولوجيا معقده و قطع غيار غاليه لا يستطيع سائق التاكسي تحملها. دي كانت وجهه نظري و انا غير مؤيد او معارض لانتاج ال504 بالعكس انا حبقي مبسوط لما اشوفها جديده :) |
رد: التفكير في إعادة إنتاج بيجو 504 مرة أخرى بواسطة أباظة بعد مرور 35 سنة على مولدها!!!
بصراحة شخصيا و أخلاقيا لا أوافق
لكنه الضعف ، مصر دولة فقيرة و السعر أهم شئ انتاج بيجو 504 حيكون بكام و أي موديل آخر حيكون بكام و بالتالي أيهم سيحصد أعلي الآرباح بالاضافة ان مجتمع السيارات في مصر ظل منغلق سنين طويلة جدا و الـ 504 من الكلاسيكيات اللي اتربينا عليها و بالتالي مش حيبقي في مشكلة في التسويق الموضوع تجاري بحت و الدول الفقيرة فقط و التي فيها المواطن أرخص من التراب هي التي توافق علي هذا الاسلوب و الدليل نقارن أي الدول التي تسمح بانتاج سيارات قديمة كالـ 504 ثم ننظر لقيمة المواطن فيها لله الأمر من قبل و من بعد |
رد: التفكير في إعادة إنتاج بيجو 504 مرة أخرى بواسطة أباظة بعد مرور 35 سنة على مولدها!!!
مهما كانت العيوب التصميمية و غياب وسائل الأمان,
سوف تكون أفضل و أكثر أمانا من السيارات الصينية و الكورية الحديثة موديل 2009. |
رد: التفكير في إعادة إنتاج بيجو 504 مرة أخرى بواسطة أباظة بعد مرور 35 سنة على مولدها!!!
أعتقد انه صعبان شركه كبيرة زي بيجو توافق تصنع عربيه موديل 77 من جديد
حتي يكون عيب عليها |
رد: التفكير في إعادة إنتاج بيجو 504 مرة أخرى بواسطة أباظة بعد مرور 35 سنة على مولدها!!!
:HAPPY_~211:انا اوافق بشدة علي انتاج العربية 504 بس مع بعض التحفظات
اولا يجب علي المصنع ان بغير في شكل السيارة العام حتي يواكب التطور و ايضا يضفي لمسة جمالية و مقاومة احتكاك الهواء ثانيا يجب ان يهتم المصنع باضافة وسائل الأمان و الرفاهية حتي و لو محدودة ثالثا يجب ان يتم تحديث الموتور ب واحد اخر 2 كامة و 16 صباب يجب ان يتم تصنيع السيارة علي شاسيه و ليس علي سلاحان بمعني يفهمه السمكرية ان السيارة البيجو القديمة يخرج منها سلاحان يوضع عليهما الموتور و متصلين بالكارتيراو دا انا باعتبره عيب يعني من الأخر تنزل موديل يتماشي مع الزمن الحالي و بنفس قوة تحمل البيجو القديمة علي فكرة انا كان عندي واحدة 504 مو 1977 و افهم فيها كويس :wavingptmnlo123per122ptm nlo123per1147:260309~146: |
رد: التفكير في إعادة إنتاج بيجو 504 مرة أخرى بواسطة أباظة بعد مرور 35 سنة على مولدها!!!
هى العربية بالفعل عملية جدا و ثابتة وجودها حتى الان و هى السيارة الوحيدة الى شغالة أجرة بين المحافظات لقوتها و تحملها و هى أعتقد 2000 سى سى يعنى قوية كموتور أيضا فا ممكن يكون فية حل وسط و علمى بمعنى أعادة تصنيعها أوكى مع بعض الأضافات الحديثة كفرامل ال ABS و عدد 2 AirBag و تطور العداد الى نظام ال RBM وهى بطبيعة الحال سهلة جدأ تكيبفها و ذلك لقوة الموتور أيضا أعتقد لو عملو كدة هتلاقى نجاح أوسع و أشمل بجد موضوع ممتاز شكرا يا بشمهندس احمد |
الساعة الآن 02:19 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017