مشكلة رجرجة فى العربية برايد سيدان 98
السلام عليكم ورحمة الله وبركاته
عندى مشكلة فى العربية برايد سيدان 98 العربية فيها رجرجة بتبدأ من سرعة 70 كيلو تقريبا ... الرجرجة تحت رجلى بحس ان العربية بتتهز وفى الفتيس واقل فى الدريكسيون طبعا روحت ارصص والراجل قالى الجنوط وحشة ... روحت مغير الجنوط وطبعا رصصتها ولكن للاسف ما زالت المشكلة موجودة .... يا ريت لو حد عنده خبرة او حصلت معاه نفس المشكلة يفدنى شكرا :fun_36_3_16[1]: |
رد: مشكلة رجرجة فى العربية برايد سيدان 98
طب حالة الكاوتش اية ؟؟؟
يا اما الكاوتش تالف او ان فى قاعدة فتيس مقطوعة |
رد: مشكلة رجرجة فى العربية برايد سيدان 98
الفردتين الاماميين ممتازين جدا مكملوش 4 شهور
والفردتين الخلفيين معقولين والراجل اللى ركبلى الجنوط قالى ان الكاوتش كويس حتى بعضم لما اتحطوا على الترصيص طلعوا تمام من غير ولا قطعه رصاص انا هكشف على قواعد الفتييس بس فى سؤال موضوع الزرجينة يوئر على رجه العربية عشان اخر مرة وانا بضبط زوايا الراجل قالى العجلة اليمين فيها زرجينة ؟؟؟؟؟؟ |
رد: مشكلة رجرجة فى العربية برايد سيدان 98
اين اهل الخبرات ............. ده انا قولت ان مصر موتورز هيجيب من الاخر :01964E~163:
|
رد: مشكلة رجرجة فى العربية برايد سيدان 98
لو مورت الرجة موجودة برضه ؟
و اخبار المساعدين ايه حكاية العربية فيها زرجينة ............ ديى تاثر على الزوايا .......... هل عمل الزرجينة ؟ ! و كانت كبيرة و لا صغيرة ؟ |
رد: مشكلة رجرجة فى العربية برايد سيدان 98
*** هجرب امور وانا بجرى دى مجربتهاش
*** الاربعة مساعدين محتاجين يتغيروا *** الراجل بتاع الزوايا قالى العجلة اليمين فيها 3 زراجين لسه متعملوش بس الزراجين متعلقة بالزوايا بس وليس لها علاقة بالرجرجة بس هعملها ان شاء الله |
رد: مشكلة رجرجة فى العربية برايد سيدان 98
ما تعملش زراجين غير للضرورة القصوى عشان تأثيرها سلبى على كباس المساعد من جوه و القنرة اللى شايله الموتور و المقصات
بص على قاعدة الفتيس من الشمال و من فضلك ابعد عن بتاع الزوايا ده و شوف واحد غيره و قارن كلامهم بتاع الزوايا رحتله كان عاوز يغير القنطرة عشان حوار فاكس ملهوش تأثير على اتزان العربية لكن ليه تأثير على فيبرة الكارتيرة تخيل واحد يلبسك فى 3000 ج عشان فيبرة ؟!! يا اما الكبالن بص على الكاوتشات بتاعتهم |
الساعة الآن 09:16 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017