سخونية السيارة الدوجان
 

اشتريت سيارة دوجان وقالى الميكانيكى لازم تغير الزيت وسير التقسيمة والبوجيهات والفلتر
سمعت كلامه ووديتهاله المهم قالى طرمبة الميه عايزة تتغير قولتله غيرها
كانت العربية حرارتها مبتجيبش ال 90قبل ما اروح للميكانيكى والميكانيكى قعد ربع ساعة علشان يخليها تسخن ويجرب المروحة
بعد ما مشييت من عنده لقيت الحرارة بتعلى جامد
ةلت يمكن مملاش الرياديتير كويس مليته الصبح قبل ما امشى وبره لسه بتسخن
حد ممكن يفيدنى
هوممكن زود عيار الزيت ولا هبب ايه بالظبط
انا خايف العربية تجيب موتور او وش سلندر وخايف امشى بيها

رد: سخونية السيارة الدوجان
 

نتسخن بتوصل لل 90 ؟ ده طبيعى فى الدوجان .... لو عليت اكتر من كدة فيكون فيها مشكلة

رد: سخونية السيارة الدوجان
 

رد: سخونية السيارة الدوجان
 

حاسس كدة ان الكاتينة مش مظبوطة

رد: سخونية السيارة الدوجان
 

هى علت عن التسعين بشرطة بس المروحة اشتغلت ونزلت المؤشر بس اللى محسسنى ان فى حاجة مش مظبوطة انها بتسخن وانا ماشى على سرعة عالية واحنا فى الشتا المفروض لما امشى فى الطوالى المؤشر بينزل من غير المروحة ما تشتغل
طاب ولو الكاتينة اعرف ازاى
ولو طرمبة الميه الجديدة اعرف ازاى
شكرا لاهتمامكوا

رد: سخونية السيارة الدوجان
 

لو الطلمبة
تقليب المياة فى الردياتير هتلاقية ضعيف
ويمكن تجس الردياتير تلاقية بارد لكن الموتور سخن

اما التقسيمة لازم ميكانيكى هو اللى يتشك عليها بس العربية بتبقى ملخبطة شوية وتسخن وممكن تضرب مدافع

رد: سخونية السيارة الدوجان
 

بعد تشيك على طرمبة المياه و سير الكاتينة ... ممكن تبص على ثيرموستات المروحة

الموجود فى السوق عالى ..80-90 ... و واطى 60-80 ... و ده بيخلى المروحة تشتغل لما درجة الحرارة توصل 80 و تفصل لما توصل 60
خد بالك ان ساعات كتير تجيب الثيرموستات الاصلى التركى الغالى ... و يطلع بايظ من قبل ما تركبه
علشان كدة و انت بتركبه ... ركبه بايدك ( او بايد الصنايعى الى حيركبه ) متقفلش عليه جامد بالمفتاح
و جرب العربية ... لو طلع بايظ تروح تغيره .... بتاع قطع الغيار لو وجد اثار رباط المفتاح عليه ... مش حيرضى يرجعوا

و متابعين معاك