نصيحة اغير ماتور ولا اعمل عمرة
 

رد: نصيحة اغير ماتور ولا اعمل عمرة
 

رد: نصيحة اغير ماتور ولا اعمل عمرة
 

ربنا يكرمك و يقدرك عليها ولو ماتورك مش سليم هات ماتور استيراد ويفضل زى ما قال الاستاذ حسن انه يكون بتاعها عشان ماتغيرش فى القواعد والكلام ده

اما لو ماتورك سليم يبقى انصحك بالعمرة وده افضل من انك تجيب ماتور استيراد لأن المواتير دى عامله زى البطيخة المقفوله

يا حلوة اوى يا لا قدر الله سيئة

وربنا يوفقك ان شاء الله

رد: نصيحة اغير ماتور ولا اعمل عمرة
 

هات ما تور استيراد احسن واريح ليك...
http://www.fcom.bu.edu.eg/

رد: نصيحة اغير ماتور ولا اعمل عمرة
 

هات موتور استيراد اكسيل 1500 كربراتير وركبه على طول واشترى دماغك .. موضوع تعديل موتور انجيكشن ممكن بس هيبقى حوار كبير ومكلف جدا لان هتحتاج موتور بضفيرته وكنتروله وكهربائى ممتاز يشغلهولك ويقفلك الضفيرة فانسى الحوار ده .. موتور الاكسيل مش غالى ممكن يعمل 2000 جنية وهنا فى بورسعيد مرطرط ورخيص .. على فكرة هو موتور الانسر بطه برضو .. بس ابقى خد الميكانيكى معاك وانت بتجيبه وخليه ينقيه ويشوف كبسه مبدئيا كده قبل ما يركب وتتفق مع التاجر على اسبوع للتجربة ...

بالنسبة للسمكرة متلقلش .. صاج الاكسل مش غالى انا هقولك اسعار تقريبيه كده .. يعنى الرفرف حوالى 150 الكبوت حوالى 500 الاكصدام اللى ممكن يبقى غالى شوية ..

ورشه نضيفه ممكن تكلفك 1500 جنية ..

بالنسبة للعفشة اللى يحكم هو العفشجى بس يكون حد معروف وبيفهم وتقوله يشوف العربية محتاجه ايه وتعمله ..

اما الكهربا فموضوع الضفيره ده محتاج كهربائى "نضيف" يلمهالك ويعالجها او يعمل ضفيره كاملة جديدة ..

عموما انا عاوز اقولك ان العربية دى هتصرف كده معاك جامد يعنى اللى فيها ده هيكلفك مش اقل من 6000 جنية فلو عرفت تبيعها على كده بسعر معقول فخسارة قريبة ولا مكسب بعيد لانك هتخسر فلوس كتير ووقت ومجهود لو شديتها .. وعموما ربنا يعينك ولو احتجت اى مساعدة تحت امرك ...

رد: نصيحة اغير ماتور ولا اعمل عمرة
 

بصراحة الناس الى ردوا عليك قالوا كلام ذى الفل ولكن إنت لازم تقول انت شارى العربية دى بكام علشان نقدر نفيدك تبعها احسن ولا تخليها لانها هتاخد حوالى 3000 ميكانيكا + 1000 عفشا + 500 ضفيرة + 1000 سمكرة + 1500 دوكو يعنى فعلا ذى ماقلولك حوالى 6 الاف جنيه بس هيبقى معاك بس هبقى معاك عربية جميله جدا بس طبعا إكسيل مش مرسيدس فالموضوع كله راجع الى إمكانياتك وطبعا متعملش عمره لمتور إكسيل لانك ايوه العيب مش ظاهر قدامك ولكن السحب هيكون ضعيف و مش هتعجبك ابدا وحرام تصرف على العفشه جنيه واحد ود ه عن خبره مع العربية دى وسمعت إن متور الالنترا 94 بيركب عليها وده هيكون كويس جدا جدا لو بدون تعديل فى القواعد حتى لو سنتيمتر واحد
اما بالنسبة للكهرباء
مفيش حاجه إسمها ضفيرة جديدة لكن فى حاجة إسمها اشوف الاعطال فين واصلحها صح وفى كهربائى كويس عند نزلة كوبرى الدقى بجوار مكتبة سمير وعلى
اما بالنسبة للتكييف
اصحك إنك متفتحش فى تصليحه دلوقتى لانه اولا اوبشا وثانيا بيحمل على الموتور وبيقلل عزم العربية وبيخليها تاكل نزين
اما بالنسبة للعفشه
قول للعفشجى انا عايز اعمل إللى فيها وبس علشان هم بكتروا الشغل بحجة بالمرة عشان يخدوا مصنعية كبيره وبينسوا إنهم بيكلفوك قطع غيار واكيد مش اصلية فعمرها مش كبير

رد: نصيحة اغير ماتور ولا اعمل عمرة
 

خى حسام بعد مساء او صباح الخير
انا اشتريت اكسيل 1500 خليجى دواخلها ممتازة ومفيهاش مشاكل غير برومة فى العتب وقعر الأبواب وأنا بفكر اشترى طقم صاج كامل محتاج اعرف سعرة ولو مفيش نفس اللون ( بيستاج- اخضر زرعى متالك) حضرتك عارفة طبعاً يبقى مش هينفع علشان مايبقاش + دوكو تبقى تكلفة نار
فلو سمحت يا حسام تشوفلى القصة دى رفرفين واربع ابواب وباب شنطة وطبعا الابواب كاملة بالفرش والمكن الكهربا وكل حاجة والأبواب الامامية بالمرايات وكدة --حضرتك فاهم طبعاًودة تليفونى لو وصلت لحاجة ارجوك تكلمنى 01002421493