![]() |
موضوع الخوف والتوتر فى السواقة و خصوصا فى المطالع و الملفات
انا ياجماعه الحمدلله اشتريت عربية جديدة و اتدربت مع 2 مدربين دربونى عليها والحمدلله حاسة انى بسوق كويس جيت اطلع بالعربية لوحدى كنت متوترة جدا وخبط العربية خابطه جامدة شوية ومن يوميها وانا خايفة انزل بيها وركناها فى الجراج وبروح الشغل بالمواصلات وكل ماافكر انزل اسوقها اخاف واتوترو قلبى بيبقى هيقف من الرعب و مشكلتى بقى فى المطالع و الكبارى و خصوصا لو الطريق واقف اول ما بقف و اجى اطلع بالعربية تبطل منى و حكايتى تبقى حكايه و افضل اترعش و بحس ان هيغمى عليا مش عارفه اعمل ايه على الرغم انى بمشى بيبها عادى جدا لكن المشكله فى المطالع بس و حاجه تانيه طبعا موضوع الاماكن الضيقة و الدورانات و الله ما حاسه بفرحة العربية بالعكس مش عايزة اركبها و لاحتى اجى جنبها على الرغم انى دفعت فيها كل اللى معايا و بدفع فيها اقساط كمان ياريت اعرف منكم يا جماعة ايه الحل و جزاكم الله الف خير و ادعولى |
رد: موضوع الخوف والتوتر فى السواقة و خصوصا فى المطالع و الملفات
السلام عليكم ورحمه الله وبركاته
الحل بسيط جدا وهو الهدوء اهم حاجه تكونى هاديه علشان تعرفى تركزى شويه لان التوتر ممكن يخليكى مش عارفه تسوقى وبالنسبه للمطالع ممكن لما تقفى على مطلع او كوبرى هتدى الغيار الاولانى ورجليكى واحده على الفرامل والتانيه على الدبرياج وساعه لما تيجى تتحركى هتشيلى رجليكى بهدوء من على الدبرياج وتزودى بنزين بسيط حتى لو صوت الموتور على معاكى شويه مش مشكله لغايه لما تعرفى تظبطى رجليكى ولو العربيه بطلت منك وانتى على الكوبرى على طول شدى فرامل اليد علشان متتحركيش على العربيه اللى وراكى ودورى العربيه وادى الغيار الاولانى ونزلى فرامل اليد واهم حاجه تكونى جريئه شويه وممكن فى الاول تنزلى فى اوقات تكون فيها البلد فاضيه علشان تتشجعى ويكون جنبك حد بيعرف يسوق ويارب يعطيكى خيرها ويكفيكى شرها |
رد: موضوع الخوف والتوتر فى السواقة و خصوصا فى المطالع و الملفات
اقتباس:
ربنا يسترها و ادعيلى |
رد: موضوع الخوف والتوتر فى السواقة و خصوصا فى المطالع و الملفات
:01FDAB~189::01FDAB~189:ر بنا معاكى ان شاء الله وابقى طمنينى عملتى ايه
بس كويس انك جربتى قبل كده لان انا مراتى بتحايل عليها تسوق بس خايفه جدا مع ان الموضوع سهل للغايه |
رد: موضوع الخوف والتوتر فى السواقة و خصوصا فى المطالع و الملفات
اقتباس:
و الله بمشى كتيربيها و روحت شغلى كذا مرة و بمشى فى مدينه نصر و صلاح سالم بس المشكله فعلا فى المطالع ربنا يستر و يعدىها على خير الف شكر ليك |
رد: موضوع الخوف والتوتر فى السواقة و خصوصا فى المطالع و الملفات
السلام عليكم ورحمة الله وبركاته
يارب تكونى اتعودتى شوية على السيارة والسواقة عموما طمنينا عليكى عامله ايه ربنا يعطيكى خيرها ويكفيكى شرها |
رد: موضوع الخوف والتوتر فى السواقة و خصوصا فى المطالع و الملفات
السلام عليكم ممكن تدوري على مكان يكون فيه مرتفع ويكون مش زحمه وتدربي علي الوقوف والطلوع مره اخري بالعربيه وبالتعود ستجدي القياده سهله بأذن الله والله المستعان |
الساعة الآن 12:42 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017