فوبيا شراء السيارات المستعملة
انا حاليا عندي مرسيدس 78 تمساحة كل ما ادفع عربون لشراء سيارة اخرى يروح عليا لاني باختصار بارجع في البيعة :121155~191:وبيحصلي حالة من الحنين غريبة تجاة المرسيدس ومش عارف اعمل ايه انا خسران 500 ج وزيهم لسة من كام يوم وربنا يعوض عليا
|
رد: فوبيا شراء السيارات المستعملة
فيه حل جميل. انت تشتري عربية من غير ما تبيع المرسيدس و تجربها و تستعملها كام شهر. عجبتك بيع المرسيدس. ما كانش بيعها و المرسيدس موجودة.
|
رد: فوبيا شراء السيارات المستعملة
مش حتعرف تركب غير المرسيدس فاما تتمسك بها او تحدثها بمرسيدس اخري
|
رد: فوبيا شراء السيارات المستعملة
اقتباس:
و بعدين بيكون فيه علاقة تعود بينك و بين عربيتك الى بينك و بينها عشرة ... و طالما مش مطلعة عينك و مغلباك ... بتحلى فى عينك لما تيجى تبيعها ده امر طبيعى جدا ربنا يوفقك للى فيه الخير |
رد: فوبيا شراء السيارات المستعملة
نسيبى ركب 128 و مازدا و بيجو 504 و بيتلز و مرسيدس
من كل دول مفيش حاجه عجباه غير المرسيدس و الفولكس - الألمانى يعنى و فعلاً بقاله فوق الـ20 سنه يغير موديلات مرسيدس بس قديم و يحاول يعلى الموديل فقط, انما تقولى سيراتو و لا النترا و لا غيرة, سيبك الألمانى لو حالته حلوه يبقى تنسى. و هأقولك على حاجه مش موجوده فى أى عربية تانيه الألمانى عموماً و المرسيدس بالأخص متروحش بيها للصنايعى غير بمزاجك الكربراتير مش مضبوط و البوجيهات مهببة و المكنه بيتغيرلها زيت مرة كل 20/25 ألف كيلو و مرة أكتشف انها بتسخن طلع مفيهاش مياه خالص (الخراطيم كلها فاضية), و ماشى بيها و العفشة مخلعة , فى الآخر طلع فيه جزء مكسور و عادى. صحيح أسعار قطع الغيار نار يا حبيبى نار و إلى حد ما نادرة (ناس متخصصه فيها مش أى محل قطع غيار) بس فعلاً الغالى ثمنه فيه ربنا يباركله و يباركلك و يباركلنا كلنا قصدى أقول: لا مقارنه بين المرسيدس و أى عربية تانية بشرط الحاله |
رد: فوبيا شراء السيارات المستعملة
شكرا لجميع الردود .. ..انا بعت ولسة ما اشترتش وبدور بقالي كتير
|
الساعة الآن 03:53 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017