محتار بسبب زيت الفتيس الاتوماتيك... ياريت اللي يعرف يدلني؟؟؟؟
انا عربيتي اوبترا اوتوماتيك 2011 عامل 43600 موعد صيانة ال 45000 على وشك
المشكلة اللي انا فيها؟؟؟ منصور التجمع الخامس قالي زيت الفتيس يتغير مع صيانة ال 45000 و اوتو ماستر مدينة نصر مركز صيانة معتمد لمنصور قالي مش بيتغير نهائي هو بيتزود لو ناقص ،،، قولتلهم ازاي ده منصور التجمع الخامس قالي هيتغير بالكامل قالول زيت الفتيس عمره ما يتغيير لكن لو نقص يتزود حتى يديني معلومة عن تجربة عمليه و يقولي اغير و لا لأ و لو متغيرش ايه اللي ممكن يحصل كمان انا عرف ان زيت الفتيس اللي نازل في العربية بيكون ممتاز أرجو النصيحة |
رد: محتار بسبب زيت الفتيس الاتوماتيك... ياريت اللي يعرف يدلني؟؟؟؟
يا سيدي الفاضل كل حاجة وليها عمر افتراضي
اولا الزيت بعمل في وسط مجموعة تروس وبنتج عنة رايش +ان زيت الفتيس الاوتو هوا روح الحركة لانة بنقل الحركة الي العجل فلو الزيت كفأتة قليلة حيقلل من عزم المحرك اوعي تسمع كلامهم وغير الزيت بموبيل atf 320 |
رد: محتار بسبب زيت الفتيس الاتوماتيك... ياريت اللي يعرف يدلني؟؟؟؟
والله انا ليا راي مختلف تماما ارجو تقبله
لايمكن تغيير زيت الفتيس بالكامل ولو حضرتك عندك طبه وفكتها هتنزل من 35% - 40 % من الزيت - الحالة الوحيدة والمؤكده انك هتغير الزيت بالكامل لما يبقي فيه مشكلة وتفكة حته حته. وعشان كده المانيوال بيدي قيمتين عند التغيير الجاف والتغيير الرطب - التغيير الجاف بتغير الزيت كله والتغيير الرطب بتفتح الطبه والكميه اللي بتنزل هي اللي بحطها - في كل الاحوال مستحيل انزل الزيت كله الا لما افك بس التغيير الصح انه مش يفك الطبه لا لازم يفك البان (PAN) من تحت بالكامل وينظف البان من تحت ولو فيه رايش في المغناطيس يشيله وينظفه - وبعد كده يذود الكمية اللي نزلت ويظبت المقاس والله اعلي واعلم |
رد: محتار بسبب زيت الفتيس الاتوماتيك... ياريت اللي يعرف يدلني؟؟؟؟
ويفضل - عموما لو فيه فلتر يتغير |
رد: محتار بسبب زيت الفتيس الاتوماتيك... ياريت اللي يعرف يدلني؟؟؟؟
1 مرفق
والامانة تقضي ان اقول - خلط الزيوت المختلفة يسبب مشاكل كثيرة جدا والله اعلي واعلم |
رد: محتار بسبب زيت الفتيس الاتوماتيك... ياريت اللي يعرف يدلني؟؟؟؟
يا بشمهندس romeoalmansour
كلامك زين العقل بس انا حتي زيت الفرامل بغيرة الوسواس جالي نتيجة عملي كل فترات تشغيل في المعدات بارسل عينة زيت للتحليل وبنجد فيها فقد للخواص والشوائب فبنقوم بالتغييير خصوصا زيوت الاوت لان عليها عملية عصر شديد وبذلك تتفكك اجزائها |
رد: محتار بسبب زيت الفتيس الاتوماتيك... ياريت اللي يعرف يدلني؟؟؟؟
طيب الزيت اللى موجود فى الفيتيس معدنى ولا سنتيتيك؟ أو لونه ايه؟
|
الساعة الآن 05:44 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017