سبب رجة فى السيارة على السلانسيه
 

برجاء من اخواننا الكرام من له تجربة او علم:
سيارة بى ام 520 مو92 اوتوماتيك: توجد رجة او رعشة خفيفة فى الموتور عندما تكون السيارة واقفة على الوضع "N" او لما تكون دايس على الفرامل والسيارة واقفة على الوضع "D" مع "ارتعاش" او "اهتزاز" مؤشر عداد الآر بى ام , ويزيد الامر عند تشغيل التكييف مع العلم ان البنزين المستخدم هو 92 وتم تغيير البوجيهات بجديدة اصلية ولم يتحسن الوضع
تم وضع السيارة على جهاز الكمبيوتر ولم يعطى اى عطل
ماهو السبب الممكن؟
شكرا لاصحاب الخبرة

إضافة قد تكون مفيدة:
 

لمبة البطارية بتنور على السلانسيه (نور خفيف) وتطفى لما ادوس بنزين

رد: سبب رجة فى السيارة على السلانسيه
 

متابع سوقسوق

رد: إضافة قد تكون مفيدة:
 

بسم الله الرحمن الرحيم
مبدئيا كدا لمبه البطاريه اللى بتنور خفيف دى معناها ان سير الدينامو محتاج يتشد شويه او ان قواشيط البطاريه مش ماسكه كويس ولو كانت بتنور خفيف مع الفرامل بس يبقا نور الاستوب هوا السبب قفله بقا لمض زياده حاجه كدا
لو شديت سير الدينامو وراح عيب الرعشه دا يبقا خير وبركه
لو لسه؟
يبقا ممكن يكون فى مشكله فالجير بوكس نفسه انه مبيفصلش للاخر لان العربيات المانيوال لو حصل فيها كدا بيشد كابل الدبرياش
اووووو
طقم سيلك البوجيهات بيلمس لو جيت فتحت الكبوت فالضلمه حتلاقى سبارك بسيط فسلك البوجيهات
اووووو
الرشاشات تكون محتاجه تنضيف
واخيرا بقا ممكن يكون الكويل شغال 3 او ضعيف
ملحوظه كل الاسباب اللى انا قولتها دى بتسبب نفس العيب فعربيات تانيه كتير يعنى اساسيات مش للبى ام دبليو بالذات والله اعلم ويارب اكون قربتك من الحل:CONGRA~238:

رد: سبب رجة فى السيارة على السلانسيه
 

و برضه ممكن الجزء المسئول عن ظبط هواء السالانسيه سواء كان صمام ايدل او اتوماتيك شوك
مجرد نظافة ممكن تجيب نتيجة ملحوظة
لان من وصفك كدا هواء الايدل لا يتجاوب مع الاحمال

رد: سبب رجة فى السيارة على السلانسيه
 

اتوجه بالشكر لكل اساتذتى الذين شاركونى باجاباتهم القيمة
مما سبق ممكن حصر المشكلة فى الكويل او سير الدينامو مش مشدود او صمام الآيدل

طيب لاحظت ايضا ان الرجة تزيد عند تشغيل التكييف كما ان اداء الباور غير جيد عندما اقوم بكسر الدركسيون لاقصى اليمين او الشمال اثناء الوقوف , هل يعضد ذلك من احتمال عدم شد سير الدينامو , مع العلم ان سير الدينامو هو على شكل حرف V وهو يحرك التكييف والدينامو والباور حسب علمى

مرة اخرى اشكر كل اساتذتى الذين شاركونى وسيشاركونى بالنصيحة

رد: سبب رجة فى السيارة على السلانسيه
 

هل بتسمع صوت صفير زحلقة السير ؟