مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   تكييف السيارة (https://www.masrmotors.com/vb/forumdisplay.php?f=150)
-   -   فصل دائرة السخن و زيادة كفاءة التكيف (https://www.masrmotors.com/vb/showthread.php?t=111244)

Ahmed El Khawaga 02-04-2013 03:22 PM
فصل دائرة السخن و زيادة كفاءة التكيف
 
قرأت في بعض المنتديات عن تعديل يزيد من كفاءة تكيف اي سيارة و اي موديل
التعديل بسيط جدا و هو عباره عن فصل دائرة السخن من سربنتينة التكيف.
و التعديل ده من السهوله ان اي حد ممكن يعمله و المفروض انه بيزود الكفاءة بشكل كبير جدا لدرجة ان الناس اشتكت ان التكييف بارد و مش قادرين يستحملوه !!!
يا ترى في حد جربه او عمله؟ و ايه النتيجة و الاضرار؟

ahmed_eng2001 02-04-2013 05:29 PM
رد: فصل دائرة السخن و زيادة كفاءة التكيف
 
ازاى يفصل دائرة السخن من سربنتينة التكييف ؟؟

متابع

Ahmed El Khawaga 02-04-2013 06:18 PM
رد: فصل دائرة السخن و زيادة كفاءة التكيف
 
اقول لحضرتك ... السخن بيشتغل ازاي؟
في ماسوره بتدخل سربنتينة التكيف من صدر العربية فيها مياه سخنه (من دورة الريداتير العموميه او من دورة الميه داخل الموتور نفسه) و ماسورة اخري خارج منها المياه.
بنلغي الداخل و الخارج من صدر العربيه و بنقفل المصدر على نفسه.
اسهل اكتر على حضرتك ... يا ريت تراجع الرابط ده

**********.net/Nile/300035-a.html

Ahmed El Khawaga 02-04-2013 06:23 PM
رد: فصل دائرة السخن و زيادة كفاءة التكيف
 
للاسف الرابط مش عايز ينزل
بس ممكن تدخل على نايل موتورز و تعمل بحث عن الموضوع ده
التقرير المصور لتنظيف البوابة وفصل السخن عن التكييف

ahmed_eng2001 02-04-2013 06:37 PM
رد: فصل دائرة السخن و زيادة كفاءة التكيف
 
شكرا لاهتمامك و شرحك ... كدة انا فهمت
عربيتى كان فيها النظام ده ..... سربنتينة منفصلة ... بتاخد وصلة مياه من دورة تبريد الموتور و ترجع المياه تانى للدورة بعد ما تعدى فى السربنتينة ..... و يتم التحكم فى الموضوع ده عن طريق صمام ( ميكانيكى او كهربى ) بيفتح سكة لمياه الموتور الساخنة انها تعدى على السربنينة دى .....
فدى سربنينة منفصلة عن سربنينة التكييف البارد
و فى الغالب ..... وجود المياه فى السربنتينة دى بيخليها تصدى ... و احيانا من الصعب لحامها ... فالناس بتريح دماغها و بيلغوا الوصلة دى و بيشيلو السرنتينة دى
اتمنى اكون فهمت صح :w6w200504112257276b

Hisham.Elgazzar 04-04-2013 10:24 AM
رد: فصل دائرة السخن و زيادة كفاءة التكيف
 
اقتباس:
المشاركة الأصلية كتبت بواسطة ahmed_eng2001 (المشاركة 867043)
شكرا لاهتمامك و شرحك ... كدة انا فهمت
عربيتى كان فيها النظام ده ..... سربنتينة منفصلة ... بتاخد وصلة مياه من دورة تبريد الموتور و ترجع المياه تانى للدورة بعد ما تعدى فى السربنتينة ..... و يتم التحكم فى الموضوع ده عن طريق صمام ( ميكانيكى او كهربى ) بيفتح سكة لمياه الموتور الساخنة انها تعدى على السربنينة دى .....
فدى سربنينة منفصلة عن سربنينة التكييف البارد
و فى الغالب ..... وجود المياه فى السربنتينة دى بيخليها تصدى ... و احيانا من الصعب لحامها ... فالناس بتريح دماغها و بيلغوا الوصلة دى و بيشيلو السرنتينة دى
اتمنى اكون فهمت صح :w6w200504112257276b
السربنتينة دى ياباشمهندس بتكون نحاس ومش بتصدى
بس هما بيلغوا كده كده دايرة المية اللى داخلة عليها وممكن تتشال من التبلوة اساسا
وده بيوسع المجال لتلاجة التكييف تبرد أحسن لكن الثقافة العامة هنا فمصر كله بيعمل ترموستات التكييف على أعلى حاجة وبالتالى يقولك ده تكييف تلاجة لكن طبعا يبوظ بسرعة والمكنة تفرفر من كتر السخونية وبالتالى الميكانيكية يشتغلوا وبتوع التكييف يشتغلوا

الجديد بقى يا باشمهندس واللى ناس كتير مشعارفاه انه فيه فالف بيتركب على دايرة التكييف يقلبهالك سخن جوا العربية من غير ميه ولا اى حاجة الفالف ده بيعكس الدايرة أكيد انت فاهمنى :36_13_6[1]: وبيشتغل بالكهربا

ahmed_eng2001 22-04-2013 06:53 PM
رد: فصل دائرة السخن و زيادة كفاءة التكيف
 
شكرا يا هشام باشا على الشرح
موضوع عكس الدورة ده موجود فى التكييف العادى :01FDAB~189:
كويس انى عرفت الموضوع ده علشان انا بركب تكييف اليومين دول :funny25:


الساعة الآن 07:09 PM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017