فتة الجمبرى الشيف ابو نورا
اسرع طريقة لعمل فتة الجمبرى الشيف ابو نورا
http://3.bp.blogspot.com/_759OXw7rNM...mp-creole1.jpg بامانة والله قبل ما اعمل الاكلة ديه مكنتش اعرف ان فيه حاجة اسمها فتة جمبرى اصلاً هى جت كدة وطعلت جامدة وتختلف تماماً عن اى طريقة تانية شوفتها بعد كدة فدية طريقة حصرية وقولت تبقى اول مساهمة لى فى القسم الحكاية وما فيها انى كنت قاعد لوحدى وعايز اعمل اكلة سريعة ومفيش غير شوية رز بايت (وانا مبحبوش بايت) وشوية جمبرى فى التلاجة فعملت الاكلة ديه فى نص ساعة ولا اجدع شيف واحسن من ميت ديلفيرى وباقل نسبة دمار للمطبخ واليكم الطريقة حلة صغيرة يتحط فيها كوبايتين تلاتة مية يضاف ليها فصين تلاتة توم توابل سمك كمون شوية ملح معلقتين زيت لمونة او اتنين لو فيه اى حاجة من دول مش موجودة شغال برضو لو فيه شوية فلفل او شطة زى مانت عايز بس المهم قولونك يكون سليم ومعدتك تمام :) http://4.bp.blogspot.com/_F7g04NDlh1...600/shrimp.jpg وتسيب الشوربة ديه على النار وتجيب الجمبرى تقشرة وتنظفة عقبال ما المية تغلى هتكون خلصت تقوم حاطط الجمبرى على الشوربة وياخود غلوة فى دقيقتين كده انت عندك جمبرى مسلوق مع شربة لذيذة ممكن تاكل على كده وتسكت لكن لو عايز تبقى اكله جامدة كمل باقى الوصفة http://3.bp.blogspot.com/_UIXOn06Pz7...hrimp)+500.jpg طلع الجمبرى من الشوربة وجيب طاسة حط فيها شوية زبدة صفرا لو مفيش ممكن زيت وطماطمياتين وفلفلتين اخضر او رومى وشوية ملح واى بهارات حسب ذوقك خمس دقائق بالكتير هيكون كله استوى مع بعضه والجمبرى عمل صوص مع الطماطم والفلفل جاااااااامد http://3.bp.blogspot.com/-eO_vUoM3mx...0/DSC06265.JPG طلع الجمبرى بالصوص على جمب وفى نفس الطاسة حط الرز وحط عليه شوية شوربة من بتاعة الجمبرى اللى فى الحلة وسخنة فى نفس الطاسة علشان ياخد نكهه الجمبرى بس يا سيدى جيب بقى طبق وحط فيه الرز وفوقيه الجمبرى بالصوص وبالهناء والشفاء وادعيلى http://forum.makkawi.com/imgcache/28508.imgcache.jpg |
رد: فتة الجمبرى الشيف ابو نورا
يعنى حضرتك جاى تجيب لنا الأكله دى بعد ما الريس مرسى رفع الجمارك على الجمبرى من 5% الى 20% طب قلنا هانعملها إزاى بقه ؟ |
رد: فتة الجمبرى الشيف ابو نورا
اقتباس:
|
رد: فتة الجمبرى الشيف ابو نورا
طب مش كنت تكتشفها قبل
الجمبرى مايغلى ؟؟؟؟؟؟؟؟؟؟؟؟؟؟؟ ههههههههه:waving:هههههههه شكرا للوصفة |
رد: فتة الجمبرى الشيف ابو نورا
:Wkiss5::Wkiss5::Wkiss5:: Wkiss5::Wkiss5::Wkiss5::W kiss5::Wkiss5::Wkiss5::Wk iss5::Wkiss5::Wkiss5::Wki ss5::Wkiss5::Wkiss5::Wkis s5::Wkiss5::Wkiss5:
تسلم ايدك يا شيف اللهم يسر لنا بفلوس من اجل فتة الشيف ابو نورا الجميل |
رد: فتة الجمبرى الشيف ابو نورا
تسلم يا محمد وخد بالك الطريقة ديه مش لازم جامبرى كبير اى جمبرى صغير يمشى برضو
|
رد: فتة الجمبرى الشيف ابو نورا
السلام عليكم
و بهذا أكون عرفت طبق العشاء إن شاء الله . مشكور على المجهود الجبار .:018A1D~146: |
الساعة الآن 04:52 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017