ارجو المساعده من اهل الخبره في ابيزا 2000
 

انا عايز عربيه كويسه و لما شوفت الفلوس لقيت اني ممكن اجيب ابيزا 2000 بس ناس كتير اوى خوفتني من قطع الغيار انها غاليه اوى و ان الموتور 1000 سي سي بس بس انا بحب العربيه ديه من و انا صغير بس لقيت برده انى ممكن اجيب فيات بونتو 2000او هونداى اكسنت 2000 او شفروليه سبارك 2008 و الهونداى كل الناس بتشكر فيها و في توفر قطع الغيار و ان اي ميكانيكي يقدر يصلحها وبس انا مش حابب غير الابيزا و بعدها البونتو عشان كده محتاج رأى اصحاب الخبره في الموضوع ياريت حد يفدنى من اصحاب العربيه قطع الغيار غاليه
الموتور 1000 سي سي كويس و السحب مع التكييف ايه الاخبار
العفشه
اي مكانيكي ممكن يشتغل فيها ولا ليها متخصص
و ارجو الرد نظرا لحاجتي النصيحه

رد: ارجو المساعده من اهل الخبره في ابيزا 2000
 

انشالله اخوانا فى المنتدى يفيدوك على الصالح
متابع......
ROSE4UROSE4UROSE4U

رد: ارجو المساعده من اهل الخبره في ابيزا 2000
 

شوف ياباشا أنا هاقولك حصل إيه معايا و في النهاية القرار بتاعك إنت.. أنا كنت في نفس حيرتك من 4 سنين :k_crying77[1]: أيوه من 4 سنين.. الأول إشتريت دايو ماتيز و كانت حالتها زيرو و مع ذلك لبست عربية ضعيفة و بتكحكح مع التكييف.. و بعدين حصلي نقلة حضارية و ركبت إسبيرانزا a113 و عانيت مع العفشة القاسية لغاية ما ضهري إتقطم.. و بعدين ركبت ستروين C3 و لبست تالت خازوق الصيانة الغالية و قطع الغيار المولعة و الصنايعية النصابين.. و بعدين كيا سيفيا و كانت الحقيقة أفضلهم بس كانت موديل 2000 و حالتها مش قد كدة.. و أخيراً ركبت أحد إختياراتك اللي هي الأكسنت موديل 2006 بعد ما فهمت السوق عايز إيه لأن المهم في ركوب العربية في مصر هو السوق عايز إيه مش إنت نفسك تركب عربية إيه MADDRIVE

رد: ارجو المساعده من اهل الخبره في ابيزا 2000
 

افهم منك ان الاكسنت كويسه طيب لو كده ممكن تكلمني عنها مميزات و عيوب و تكييف وباور و فرامل و صيانه و استهلاك بنزين و كل حاجه

رد: ارجو المساعده من اهل الخبره في ابيزا 2000
 

أنا هاقولك رأيي الشخصي من خلال تجربتي مع عربيتي

مميزات:
- حجمها مثالي للشوارع لا هي هاتشباك و لا في حجم السيدان
- شكلها ظريف و المصاريف بتبان عليها
- جراية و ثابتة إلى حد ما
- ما بتحكش في المطبات

عيوب: ماحدش في مصر بيتكلم عن عيب في حاجة هو إشتراها :F_14WA~16[1]:

تكييف: ثلاجة

باور: ممتاز

فرامل: جيدة جداً

صيانه: عند البقال

استهلاك بنزين: رائع

و كل حاجه: إسأل و أنا أجاوبك :CONGRA~238:

رد: ارجو المساعده من اهل الخبره في ابيزا 2000
 

انا معايا ابيزا 2000 العربيه معايا كويسه
- قطع غيارها موجوده جديد وأستيراد والحرافيين مليانه
- أسعار قطع الغيار فى العادى مثال
سير كاتينه 80ج - فلتر زيت 35ج وركبته زى الفل والأصلى ألمانى علامات 55ج - فلتر بنزين 45ج وممكن يركب بتاع الدايو25ج - دراع باب داخلى 40ج وملحوظه قطع الغيار معمره جدا خاصة لو ألمانى ولما تاضيها أستيراد سعر قطع الغيار هيكون رخيص وكمان معمر لأنه أصلى
- موفره جدااا فى استهلاك البنزين
- قويه أعتماديه شكلها وده ازواق بالنسبه لى شيك جدا التكييف انا معنديش بس الى عنده شغال زى الفل على الماتور 1000سى سى ويتسقطلها مواتير كتيير لو حبيت عزم اكبر
- السحب معايا تمام
- الصيانه فى ميكانيكية متخصصة فى الألمانى مثال سيد بالحرافيين وفى هناك كتير غيره وفى ورشة الزعيم بصقر قريش وفى كتير متخصصين فى صيانة الفلكس فاجن هى عاوززه صنيعى نضيف ومتورها زى اى ماتور مش عاوز فتى من صنايعى كفتجى بس كده
- الثبات على السرعات العالية ممتاز وهى مشهوره بكده

رد: ارجو المساعده من اهل الخبره في ابيزا 2000
 

طيب انا عايز استفيد من خبرتك مع العربيه
هي الاداء العام ليها كويس و حدود السعر طبعاااا هي شلها في منتهي الشياكه سواء من الخارج او الداخل
يعني انت بتسافر بيها مثلا مسافات بعيده
طيب الاداء كويس و هي فيها 4 افراد عشان الموتور 1000سي سي
انا بجد بحب العربيه ديه جدااااا بس انا نفسي في غربيه مريحه من حيث الاعطال و قوه التحمل
وهي واسعه من الداخل وهي فيها فرامل abs ebd
انا اسف للاطاله عليك بس انا نفسي استفاد من خبرتك مع العربيه
لانها اول عربيه فكرت فيها بس كل الناس قالتلي لالالالا وانا حاسس انها ممتازه