استرداد مبلغ حجز
سلام لكل الأفاضل أعضاء المنتدي
كنت قمت بدفع مبلغ بسيط نظير حجز سيارة من وكيل و لكن ظروفي تغيرت فأبلغتهم بأني لن اكمل الشراء و المشكلة أنهم رفضوا اعطائي مبلغ الحجز ... سؤالي : هل هذا قانوني ؟ هل من حقهم أن يفرضوا غرامة مثلا علي المبلغ أم يضيع علي بالكامل ؟؟ |
رد: استرداد مبلغ حجز
لايمكن ان يكون قانونى وانا متاكد لانى عملت كدة حجزت رينو لوجان وبعد كام يوم روحت ولغيت الحجز لسوء الظروف (التوكيل مايخصهوش ظروفك )يعنى ما يسألكش اية سبب انك رجعت فى حجز العربية لانة شئ لا يخصة
فالتوكيل قالى انهم مش معاة المبلغ دلوقتى وانا اعطيتة فرصة كام يوم لحد ما يلم المبلغ او يرسل للادارة لارسال المبلغ كاملا غير مخصوم منة مليم تحت اى مسمى وقد كان ماذا والا عليك وعلى القسم لعمل محضر وارسال صورة من المحضر لشئون حماية المستهلك بس لازم يكون معاك صور الايصالات ولا تفرط فيهم لانهم اثبات حقك الموضوع بسيط ان شاء اللة تقبل تحياتى |
رد: استرداد مبلغ حجز
لا طبعا و اقصى حاجه ممكن يعملها انه يخصم منك جزء بس التوكيلات عموما مش بتخصم حاجه
|
رد: استرداد مبلغ حجز
انا كنت حاجز و لغيت الحجز و اخدت فلوسى و قهوه كمان
|
رد: استرداد مبلغ حجز
دة كلة صح مستحيل يخصم مليم هيخصم تحت اى مسمى
للاسف الواحد لازم يكون زوق ومؤدب ولكنننننننننننننننننننننن ننننننننننننننن لما الظروف تخلينى غيركدة بأكون على اتم استعداد والحلول كتير اوى من كلام هادى ولو مانفعش نبتدى نعلى صوتنا علشان البية اللى فى اخر الشارع يسمع وتكون فضيحة للمحل ولو ما نفعش الذهاب للقسم وعمل محضر للتوكيل وممكن اجيب لهم ظابط المباحث من القسم واقفل لة المعرض لانة نصاب بس لازم يكون معايا صور من الايصالات اللى خد بيهم الفلوس لان لو ما فيش ايصالات يبقى علية العوض تحياتى |
رد: استرداد مبلغ حجز
الرد القانوني :-
تنص المادة 103 من القانون المدني علي ((1) دفع العربون وقت ابرام العقد يفيد ان لكل من المتعاقدين الحق فى العدول عنه الا اذا قضى الأتفاق بغير ذلك . (2) فأذا عدل من دفع العربون فقده . واذا عدل من قبضه , رد ضعفه . هذا ولو لم يترتب على العدول اى ضرر .) الخلاصه : انه لا يحق لك إسترداد العربون إلا إذا تم الاتفاق علي غير ذلك بالتوفيق |
رد: استرداد مبلغ حجز
اقتباس:
وللسائل لك كامل الحق فى إسترداد مقدم الحجز كاملا بدون أن ينقص مليم واحد ولو المعرض طلع نصاب أطلع على القسم تبعه أعمله محضر وبعدين أكتب يافطة كبيرة تقول فيها ( لا أنصحكم بالتعامل مع هذا الوكيل لأنه نصاب ) وقف بها على باب المعرض ....بس متنساش تاخد كام واحد من حبيبك الشداد لأنه لما يشوفكم كتيير هيرد لك المبلغ وفوقه بوسه ومش هيفكر يتخانق معاك . |
الساعة الآن 02:21 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017