|
عايز عربية في حدود 25000
السلام عليكم ورحمة الله وبركاته
قريباً جداً إن شاء الله سيتوفر لدي مبلغ 25000 جنيه اللي حيلتي والله أعلم جمعتهم إزاي أنا متزوج وعندي ولد واحد ومن البيت للشغل ومن الشغل للبيت و خمس أو ست مشاويير صغيريين كمان وخلاص على كده ومشاويري كلها داخل الإسكندرية يعني مش حبهدلها ومش محتاج عربية تستحمل البهدلة الجامده والكلام ده لأني مشحبهدلها إن شاء الله. أنا عايز عربية فقط أحفظ بها كرامتي وكرامة أسرتي وتوفرلي الوقت الضائع في المواصلات والبهدلة. عايزها متكنش ضيقة, قطع غيارها سعرها معقول, مشاكلها قليلة علشان أنا مشبحب وجع الدماغ وتضييع الوقت, شبابية إلي حد ما, موفرة في البنزين, لا يهمني أي كماليات, ياريت يكون فيه باور إن أمكن. فما هي أكثر سيارة تناسبني ؟؟ جزاكم الله عني خيراً |
رد: عايز عربية في حدود 25000
انا متخصص الرانج دة
لو عاوز فوق الـ 2005 هايكون الاختيار صينى وعندك مثلا هافى لوبو موديل 2005 كاملة مانيوال (هاتش باك) جيلى سباركى كاملة مانيوال ودى بجد فول اوبشن سيدان جيلى فروتة كاملة مانيوال بس دى تعمل 20 الف كمان (هاتش باك) اما لو بنتكلم فى انواع اقدم شوية سيتروين ZX موديل 97 رينو رينبو موديل 97 رينو اوبتيما موديل 97 فليشيا موديل 94 ماذدا 323 موديل 82 بالتوفيق |
رد: عايز عربية في حدود 25000
لادا 2105 2000 حالة جيدة
شاهين 95-99 حالة جيدة سوزوكى سويفت بحالة تعبانة هينوداى اكسيل 1300 بحالة تعبانة |
رد: عايز عربية في حدود 25000
ارشح لك فليشيا
سويفت لادا فورد فيستا او ستورين زى اكس اهم حاجه انك تكشف على العربيه كويس قوى قوى قوى و تروح بالعربيه لحد متخصص و امين عن نفسى ارجح لك كافه فورد فيستا او فليشيا عربيات كويسه جدا لو حالتها محترمه و ربنا يوفقك |
رد: عايز عربية في حدود 25000
جزاكم الله خيراً وأشكركم على سرعة الرد واقتراحاتكم المتعددة
عموماً أنا كنت بفاضل بين لادا و أونو ومردتش أقول علشان محجمش تفكيركم وبعد إقتراحاتكم زودت عليهم الفليشيا و الفيستا و الشاهين بس يا جماعة في مشكلة فظيعة وخلاص بشد في شعري منها, أي عربية من دول تلاقي ناس طلعين بيها سابع سماء وناس تانية نازلين بنفس العربية سابع أرض مشعارف ليه ممكن تفيدوني في الخيارات المتاحة الآن ؟؟ ولكم جزيل الشكر |
رد: عايز عربية في حدود 25000
اقتباس:
ناس كانت التجربة موفقة وناجحة ونفس العربية مع ناس تانية كانت تجربة وفاشلة وخد بالك ما فيش عربية ما بتعطلش وتروح لميكانيكى مهما كان نوعها بس الفكرة هل العربية دى حبيبة الميكانيكى ولا لا هل لما تبوظ هاعرف المها ولا لا؟ وما فيش عربية فيها كل ما تتمناه لو تلاحظ انى رشحتلك عربيات موديلات حديثة وفيها اوبشن كتير ودى عربيات بدون هوية ملهاش اصل وفى عربيات تانية معلومة المصدر وليها اب وام زى السيتروين والفليشيا فرنساوى وتشيكى لكن الحيرة هنا فى حاجة هل اشترى عربية موديل حديث بس مش ماركة ولا اشترى عربية موديل قديم بس ماركة عتيقة تعالى مثلا لو بنشترى بـ 40 الف جنية ممكن تجيب فيرنا او صينى موديل 2010 وممكن تجيب بى ام دبليو موديل 82 لو معانا 60 الف جنية ممكن نجيب اوبل فيكترا 2001 او حتى 2003 عربية عتيقة ورمز الامان وما يختلفش عليها اتنين وممكن نجيب صينى بى واى دى مصلا هنا الموضوع مختلف الا وهو قطعة الغيار اللى كتير جدا بتحدد مدى نجاح العربية لو هتختار انت هتختار اية |
رد: عايز عربية في حدود 25000
اقتباس:
أنا عن نفسي أحب أكون في الأمان ومجازفش فأفضل إنها تكون ماركة حتى لو قديمة شوية متكونش لقيته يعني. اقتباس:
|
| الساعة الآن 08:18 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017