مصر موتورز مجتمع السيارات - مفتاح عربيتي ضاع

مصر موتورز مجتمع السيارات (https://www.masrmotors.com/vb/index.php)

- سيات SEAT (https://www.masrmotors.com/vb/forumdisplay.php?f=20)

- - مفتاح عربيتي ضاع (https://www.masrmotors.com/vb/showthread.php?t=104453)

مفتاح عربيتي ضاع

السلام عليكم و رحمه الله و بركاته
مفتاح عربيتي اللي فيه مفتاح ضاع من ١٠ ايام تقرييا ده المفتاح اللي في ريموت انا معايا ابيزا ٢٠٠١ لو حد يعرف يساعدني و يقوللي ممكن اشتريه منين يبقي كتر خيركو انا في الاسكندريه لو بيتباع في القاهره مش مشكله انا بعرف ابرمج الريموت انه يشتغل علي السنتر

رد: مفتاح عربيتي ضاع

المفتاح تشتريه من الحرافيين بالكنتكت بتاعه

بس رجاء تقلى على طريقة وخطوات برمجة المفتاح على السنتر عشان محتجها لى ضرورى .

رد: مفتاح عربيتي ضاع

بص يا باشا تجيب المفتاح اللس عايز تبرمجه تحطه في الكونتاكت تلفه اول لفه نور العداد ينور بس الموتور مش شغال
تدوس علي الزرار اللي بيقفل و تفضل دايس عليه و تدوس علي الزرار اللي بيفتح 3 مرات و تسيب كل الزراير بعدها

رد: مفتاح عربيتي ضاع

ان شاء الله حد يفيدك

رد: مفتاح عربيتي ضاع

اقتباس:

المشاركة الأصلية كتبت بواسطة mahmoudayman (المشاركة 821614)

الزراير الى ادوس عليها زراير تقصد زراير المفتاح ولا زرار قفل وفتح الى باب السواق
وشكرا ليك

رد: مفتاح عربيتي ضاع

فى زهران ماركت فى سموحه واحد بتاع مفاتيح عملى نسخة مفتاح مشفر وظبط كل مفاتيح العربية على هذه الشفرة وإتكلف المفتاح ده 125 جنيه
أما لو عايز مفتاح ريموت كنترول زى الأصلى بتاع العربية برضه بيعمله بس بيتكلف أكثر من 600 جنيه ولازم يكون معاك رخصة العربية بإسمك ومعاك بطاقة الرقم القومى كمانوبتكتب عنده إقرار بتمضى عليه ، وده نوع من الأمان

رد: مفتاح عربيتي ضاع

اقتباس:

المشاركة الأصلية كتبت بواسطة نبيل عبدالرحمن (المشاركة 822098)

فى زهران ماركت فى سموحه واحد بتاع مفاتيح عملى نسخة مفتاح مشفر وظبط كل مفاتيح العربية على هذه الشفرة وإتكلف المفتاح ده 125 جنيه

أما لو عايز مفتاح ريموت كنترول زى الأصلى بتاع العربية برضه بيعمله بس بيتكلف أكثر من 600 جنيه ولازم يكون معاك رخصة العربية بإسمك ومعاك بطاقة الرقم القومى كمانوبتكتب عنده إقرار بتمضى عليه ، وده نوع من الأمان

بلاش الكتابه باللون الأحمر عشان الإداره هنا بتزعل ..
هوا 125ج كويس لنسخة المفتاح المشفر هنا 175ج الى 200ج بس المفتاح بالريموت اكتر من 600 كتير واحد فى القاهرة المهندسين ش مصر والسودان أسمه عصام كاى تقريبا مش فاكر قالى 550 ج والتوكيل قال 1050ج .

بس بما أنه فى أسكندرية يبقى مفيد للأخ mahmoudayman بدل ماتجيب مفتاح من الحرافيين ويبرمجه ... عمتا ده رقم 01221261260محل فى الحرافيين شوف المفتاح بكام عنده بالتليفون و أحسبها وشوف انه الأفضل تكلفة .