سيراتو اتسرقت و صاحبها راح سرقها من الحرامي !!!-واقعة حقيقية
 

السلام عليكم

طبعا العنوان تقريبا شرح اللي حصل بس شوية تفاصيل

واحد صاحبي معاه سيراتو و النترا المهم راح محافظة مش هينفع اقول اسمها حفاظا علي صاحبي مش اكتر بالسيراتو ركن العربية الساعة 6 الصبح و طلع نزل علي صلاة الجمعة مش لاقي العربية !!! :sd:

المهم راح القسم يعمل محضر :070104~242: رفضوا و قالولوا احنا مالنا روح دور علي عربيتك !!!! :01964E~163:

كلم محامي من هناك معرفه المحامي جه طلع يعرف امين الشرطة فأمين الشرطة قاله ياعم انزل المنطقة الفلانية و شوف فلان و فلان و فلان هتلاقي العربية عند واحد منهم !!!!!!!!!!!!!!!!!!!!!!!

المحامي طلع عارف واحد من الحرامية دول فكلمة قاله العربية مش عندي بس هشوف

كلمة بعديها بكام ساعة قاله اه لقيتها و عايزين 40 الف !!!!!!!!! :09C207~188:

المهم قال مبدهاش بقي نزل الفجر تاني يوم فضل يلف علي العربية و مش لاقيها في الاخر روح لقي واحد بيكلمة بيقولة شوفت عربيتك في شارع (...........) !!! الشارع ده اللي المنطقة علي اسمة و كله حرامية

نزل تاني و فضل يلف بالريموت و يجرب يجرب لقاها متغطية في شارع سد :joy23:

شال الغطاء لقي العربية ولا ازاز مكسور بقي ولا اي حاجة فتح العربية لقي الكونتاكت مكسور و مدلدل و الفبرة اللي تحته مكسورة فمعرفشي يدور العربية !!!!!!!!!!!!!!!

راح جاب عربيته التانية و جاب حبل و شدها (كل ده تحت بيت الحرامي الساعة 6 الصبح ) المهم شدها لحد البيت و فضل يدور فيها و يجرب السلوك لحد ما دارت و جري علي القاهرة :ff5a34af6efef0e643e

الحرامية بقي بيسرقوا العربية ازاي ؟

ببساطة ولا كسروا ازاز ولا اي حاجة فكوا الكرتيرة الشمال --> جابوا السلوك بتاعة السنتر اللي في الخرطوم البلاستيك اللي واصل بين الباب و الضفيرة الامامية و لمسوهم بطريقة معينه و فتحوا العربية !!!!!!!!!!!!!!!!!!!!!!!!! !!!!!!!!!!!!!!!!!!!!!!!!! !!!!!!!!!!!!!!!!!!!!!!!!! !

الكارتيرة صاحب لاقاها في الشنطة و لقي السلوك متقشرة ناحية الباب الشمال

الحرامي بقي ميعرفشي ان صاحبي سرقها فبيكلمة لحد دلوقتي يساوم علي الفلوس عشان يتأكد هل صاحبي اللي اخدها ولا صبي من عنده :ROFL_C~118:

الطريقة اللي العربية اتسرقت بيها بالظبط :

فتح العربية من سلوك السنتر اللي تحت الرفرف الشمال --> كسر لوك الدركسيون اللي في الكونتاكت --> قطع الحزام الشمال --> جر العربية بعيد عن البيت --> كسر الكونتاكت و لمس السلوك و العربية متغطية --> و سرق العربية بمنتهي البساطة

العربية فيها مفتاح فصل و عرفوا يوصلوا له لانهم شغالين علي رواقة بقي ما العربية متغطية و بعيد عن البيت !!!!!!!!!!!!!!!!

حسبي الله و نعم الوكيل في كل ظابط مقصر في عمله

الاغرب ان رئيس المباحث بعت صاحبي ل الظابط اللي ماسك مكافحة سرقة السيارات ولا عمل حاجة و هو عارفهم بالأسم

التكلفة :

كونتاكت جديد بكوالين الابواب و الشنطة --> 1300
دراع مساحات --> 350 (لقاه عند سوسو ب 450) من التوكيل
فبرة اسفل الكونتاكت --> 200 من التوكيل
حزام امان --> 1300 من التوكيل و 950 من سوسو لسه مشتراهوش

خلوا بالكم بقي

الموضوع منقول و أسف للأطالة و دمتم سالمين أن شاء الله :01FDAB~189:

رد: سيراتو اتسرقت و صاحبها راح سرقها من الحرامي !!!-واقعة حقيقية
 

الحمد لله انها رجعت تاني
وبصراحة شعور سئ جدا لما تعرف ان عربيتك اتسرقت
ربنا يكفينا شر سرقة السيارات (وخاصة السيراتو اللي دوخت المصريين) :shyy:

رد: سيراتو اتسرقت و صاحبها راح سرقها من الحرامي !!!-واقعة حقيقية
 

رد: سيراتو اتسرقت و صاحبها راح سرقها من الحرامي !!!-واقعة حقيقية
 

الحمد الله انه خدها تانى وموضوع الشرطه ده من زمان وهى منفضه وده من عيوب الثوره ال لسه مشفتش ليها اى مميزات لغايه دلوقتى

رد: سيراتو اتسرقت و صاحبها راح سرقها من الحرامي !!!-واقعة حقيقية
 

فعلا و ده لأن الناس مبقاش عندها زمة و لا ضمير فى شغلها

قال تعالى (بسم الله) ((وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ) (التوبة:105)

قال رسول الله (ص) (إن الله يحب إذا عمل أحدكم عملاً أن يتقنه)

نفسى أشوف فيوم المنظر ده POLICEE
شكرا ع المشاركة :01FDAB~189:

رد: سيراتو اتسرقت و صاحبها راح سرقها من الحرامي !!!-واقعة حقيقية
 

رد: سيراتو اتسرقت و صاحبها راح سرقها من الحرامي !!!-واقعة حقيقية
 

مع حضرتك فموضوع قطع اليد مع أنى مش عاوز مصر تطبق كل تعاليم الشريعة الأسلامية لأننا مسلمين و مسيحيين فحيبقى صعب .

شكرا ع المشاركة :01FDAB~189: