Getz / Verna/ Lanos..? HELP!!
 

ارجو المساعدة لانى عاوزة عربية قوية متبهدلنيش فى الصيانة ولا الاعطال ولا المصاريف و معايا فى حدود 70000
انا شفت الجيتز وسامعة انها قوية لكن شكلها صغيرة وكمان محتارة لانى سامعة ان ال i 20 نازلة بش مش عارفة حتنزل امتى او بكام و انا مش عايزة استنى كتير.
ارجو المساعدة

رد: Getz / Verna/ Lanos..? HELP!!
 

المتوقع ان ال I 20 حتنزل بسعر ومواصفات اعلا من الجيتز ...
مش عارف كام بالظبط لكن غالبا اوفر البادجيت اللي حضرتك حطاها ..
موتور الجيتس هو موتور الفيرنا ... وشخصيا بفضلها عن الفيرنا او الانوس ... على الاقل مفيهاش عيوب التقفيل المحلي ...
لكن طبعا شنطتها صغيره جدا لأنها هاتشباك .. لكن صالونها مش صغير و قعدتها كويسه
لو حضرتك حجم الشنطه ميفرقش معاكي تبقى الاختيار الانسب ... خصوصا ان حجمها الصغير يخليها اسهل في المناوره و الركن ... والموتور ال 1600 على الحجم الصغير يخلي ادائها سلس و قوي

وحضرتك برضو شوفي رأي الزملا

واهلا بيكي معانا في مص موتورز

رد: Getz / Verna/ Lanos..? HELP!!
 

و الله مش عارف اقول ايه بعد كلام سامح باشا الله بنور عليك

بس ممكن اعرف الاول احتايجك للعربيه هايكون ازاى علشان نقدر نفيدك كتر

رد: Getz / Verna/ Lanos..? HELP!!
 

ما بين التلاته دول اختار الفيرنا موتور قوي ثبات معقول لحد120 قطع غيار رخيصة و متوفرة بكثره ناس كتير بتفهم فيها و واسعه الي حد ما

رد: Getz / Verna/ Lanos..? HELP!!
 

شكرا على المساعدة
ارجو الافادة عن افضل عربية فى حدود ال 70000 يعنى مش لازم هيونداى
انا ساكنة فى مصر الجديدة والتوكيل بعيد كما انى سامع عنة انة زحمة
انا شفت اللوجان مثلا لكن صرفت نظر لان قطع غيارها غالية والميكانيكى لا يفهم فيه
فية كمان الاسبرانزا لكنها صينى وفية عربية اسمها تيجو ..
انا مش غارفة زى ما قلت قبل كدة عايزة افضل الحلول

رد: Getz / Verna/ Lanos..? HELP!!
 

انا مثلك كنت محتار بينهم ولكني استقرت علي اللانوس ان شاء الله نظرا لعده مميزات اهمها ان العربية لها سمعتها منذ 12 سنة و ذلك باثبات كفائتها كسيارة عائلية محترمة كما ان معظم الميكانيكيه حفظوها خلاص بالاضافة الس قطع غيارها الممتازة ptmnlo123per1106

رد: Getz / Verna/ Lanos..? HELP!!
 

بصراحة الموضوع دا كان محيرنى لمدة شهرين لحد ما جبت الفيرنا
شكلها حلو , تقفيل كويس على عكس المتوقع عن التقفيل المصرى , خفيفة , سريعة , واسعة و شنطتها كبيرة
انا عملت الف كيلو بيها ومبسوط جدا منها وهى عائلية على فكرة
لكن بصراحةانا كنت بفضل عنها الجيتز بس مشكلتها فى الشنطة و شكلها حريمى شوية لكنها الأفضل بالنسبة لحضرتك بلا منازع ودا من وجهة نظرى