|
انا والاكسيل والمساعدين والتاكيهات
السلام عليكم ورحمة الله وبركاته اولا طبعا وقبل كل شىء كل سنه وانتم طيبين وكل عام وانتم بخير طبعا كله عارف انى كان عندى اكل بنزين وان فيه مساعد عندى ضرب زيت وكل الكلام ده طبعا نبداء الحكاية من الاول بسم الله جيت من كام يوم اشتكيت ان العربيه بتاكل بنزين كتير غير كدا كان فيه ترزيع ف العفشه جامد والعربيه كانت بتحك فى المطبات بطريقة فظيعه وكل الكلام ده المهم توكلت على الله وروحت عند الميكانيكى اللى بتعامل معاه قلتله عاوز اركب علايات ونظبط اكل البنزين والدخنه اللى بتحصل ديه وقلته بص من النحيه اللى قدام السوام هابطه جامد عن النحيه التانية ده ليه فجه بص على المساعد قالى تعالى بص وحط ايدك على المساعد حطيت ايدى عليه وطلعتها لقيتها فيها زيت قلتله ده ضرب زيت قالى مظبوط قلتهل خلاص هروح اشوف مساعد استيراد وفعلا فضلنا ندور لغاية اخر اليوم لغاية ما روحت عند واحد بتاع استيراد كورى ويبانى وفعلا جبت من عنده المساعد على التجربه وروحت البيت واتنى يوم صحيت روحت على الاسطى محمد الميكانيكى قلتله المساعد اهه وركبناه فعلا وقلتله على الدخنه قالى ديه بقى لازم تروح تظبط كربراتير (ظبط الكربراتير ده ليه موضوع لوحده) المهم ظبط الكربراتير وجت اغسل العربيه لقيت النحيه اللى قدام السواق هبطت تانى غير اصوات الترزيع والخبط زى ما هو جيت اشوف المساعد الاستيراد لقيته ضرب تانى طبعا روحت على البيت وانا زعلان شوية المهم طلع نهار اليوم التالت قمت رايح للميكانيكى فكيت المساعد الاستيراد وروحت للتاجر الاستيراد قالى وفيش والله مساعدين تانى قام واخد المساعد وادانى الفلوس تانى طبعا قولت خلاص مفيش قدامى غير الجديد قمت رايح سألأ لقيت فيه نوعين الاتنين ماركة ماندو نوع الجوز ب 375 و نوع الجوز ب 385 طبعا لقيت الفرق بسيط فجبت الغالى ابو 385 وجبت مسمارين فبرة ميزان اصلى ب 30 جنية ورحت على الاسطى محمد وهو الى عمل كل حاجه بنفسه وهو اللى شال السوست من هنا وحطها هنا والبطحات نفس الكلام وشيل وغير وشيل وغير والعفشه كانت سايبه خالص فى جميع النواحى ربطناها كلها وبعدين قمنا ظبطنا تاكيهات كانت التاكيهات مفتحه فكانت بتستهلك بنزين اكتر طبعا وغيرنا بلى عجل امامى اللى قدام الراكب اللى جنب السواق وبصراحه العربيه بسم الله ماشاء الله الله اكبر اختلفت اختلاف كلى تماما مبقاش فيه ترزيع ولا شخلله ولا حك فى المطبات ولا كل الكلام اللى كان بيحصل ده نهائى تماما والمصاريف كالاتى جوز مساعدين ماندو كورى = 380 جوز علايات امامى=30 بلى امامى لعجله واحده كورى = 65 جوز مسامير ميزان بالفبرة بالكاوتش (أصلى)=30 مصنعية تركيب و ظبط تاكيهات وكل الكلام ده =100 وبصراحه فرق شاسع عن الاول بسم الله ماشاء الله واستنوا التقرير عن تركيب اكس وباب للكربراتير مع فنان الكربراتير معتز المصرى بدار السلام |
رد: انا والاكسيل والمساعدين والتاكيهات
وحشتنا ياعم سيد كل سنه وانت طيب ومستنيين باقى التقرير :THE_PR~18:
|
رد: انا والاكسيل والمساعدين والتاكيهات
اقتباس:
الله يخليك يا حج اسامه وفعلا انا بقالى بتاع اسبوع مش بدخل المنتدى لانى كنت فى الدوامه اللى كاتبها فوق بس الحمد لله كل شىء بقى فى الكلتش ههههههههههههههه وتم عمل تقرير الكربراتير مع الفنان معتز المصرى |
رد: انا والاكسيل والمساعدين والتاكيهات
مطلوب شراء كبوت للاكسيل ويا حبذا لو لونه نبيتي ميتالك
ولكم جزيل الشكر |
رد: انا والاكسيل والمساعدين والتاكيهات
اقتباس:
|
رد: انا والاكسيل والمساعدين والتاكيهات
معروض عليا عربية هيونداى أكسيل 96 ياريت حضرتك تسعرهالى
مواصافتها كالأتى 1- 1500 سى سى 2- زجاج كهرباء الأربع أبواب 3- التكييف - الكمبروسور عايز يتصلح أو يتغير-وعايز شحن فريون 4- دواخل سليمة مش راشة 5- راشة برة 6- حالة الموتور كويسة -سحبها كويس 7- بطارية جديدة- أربع فرد كاوتش جديد 8-بالنسبة للعفشة قريبى ركبها وبيقول كويسة 9- الشنطة اللى ورا بتفتح من جوة وكذلك الكبوت الامامى 10- بالنسبة للصالون هوه كويس عيز فرش بس الى كان راكبها يعنى كان بيدور العربية ويمشى أهملها- يعنى عايزة حملة شياكة- وكذلك تغيير بعض الفوانيس(كانت متربة ومركونة بمعنى أصح صاحبها مكنش مهتم بيها 11- حصلت حاجة وأنا راكبها دواسة البنزين علقت معايا 12- فيها رخصة سنة وهنشتريها بتوكيل 13- فى صدا فى المكان اللى حولين الجنوط ياريت تفيدونى فى السعر بتاعها تعمل كام ياريت لو تقولى عشان أزبط التكييف وأعملها كسوة جلد وأغير بعض الفوانيس وأروق الصالون وعايز أدهن بعض الأماكن اللى شايلة المكنة وهنجيب سنتر وأنذار تحتاج مصاريف قد أيه عاجل اللى يباركلو |
رد: انا والاكسيل والمساعدين والتاكيهات
حوالى 35 وربنا يسترها معانا
|
| الساعة الآن 03:32 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017