سؤال الى مالكى الماروتى
 

انا كنت عايز اجيب عربية على قد حالى كدة كبداية و استقريت على الماروتى بس فى نقطة مهمة جدا بالنسبالى و هى هل ممكن انها تتحمل السفر لظروف شغلى يعنى ممكن نقول مصر اسكندرية مرة او مرتين فى الاسبوع هل ممكن تتحمل كدة و لا لأ ؟
شكرا ليكم

رد: سؤال الى مالكى الماروتى
 

اسلام باشا مافيش حاجة اسمها عربية نابتسافرش كله ممكن يسافر وخصوصا لوجديد بس المشكلة ان العربيات الصغيرة فى المطبات بتبقى ضعيفة لصغر حجم الياى والمساعدين والمقصات فحتتبهدل بسرعة فنصيحة حاول تجيب عربية كبيرة عشان تكون اريح ليك

رد: سؤال الى مالكى الماروتى
 

شكرا ردك استاذ بدر و مستنى اراء مالكى الماروتى اللى اكيد هتفيدنى و هتفيد كل اللى عايز يسأل نفس السؤال
شكرا

رد: سؤال الى مالكى الماروتى
 

رد: سؤال الى مالكى الماروتى
 

زي ما قال أ. بدر كله إن أي عربية ممكن تسافر. بس العربيات الصغيرة متعبة في المسافات الطويلة و أكيد أقل أمان من العربيات الأكبر.
و بعدين المواتيير الصغيرة عل السرعات العالية بتتهلك.
فهي استخدامها الأمثل داخل المدن (توفير بنزين، سهولة الباركينج، إقتصادية.....)

رد: سؤال الى مالكى الماروتى
 

ببالظبط زي ما كل الاخوه الاعضاء افادوك
من ناحية السفر الماروتي تسافر واي عربيه في السفر بتكون مرتاحه عن داخل المدينه لكن هنا نقطه مهه اوي ان الماروتي وسائل الامان فيها ضعيفه جدا وكمان ماتورها صغير جدا 800 سي سي و3 سلندر متقلقش هيا هتسافر بس هتروح اسندريه في 3,5 ساعه او 4 ساعات ده لو عاوز تحافظ علي العربيه انا شخصيا بسافر بيها ومعايا بقالها سنتين زبروح اسكندريه والعين السخنه والعريش ما شاء الله جميه بس مش عاوزه جري هتجري بيها هتهلكها وغير كده لصغر حجمها مع المطبات علي سرعه عاليه مش مريحه فلازم تهدي في المطباط هيا داخل المدينه ممتازه وممكن تسافر مره مرتين في الشهر طبعا من غير جري اخرك 90 او 100 وومكن تزود عن كده بس متستمرش في الجري بيها

العربيه ده تحفه انا عن نفسي روحت ركبتلها تكييف ساندن واتكلف 2700 جنيه وعملتلها فاميه حراري والحمد لله مستغني عن التاكسي والماصلات واستغلالها وزحمتها
ده رأئيي عن الماروتي بعد تجربتها سنتين

رد: سؤال الى مالكى الماروتى
 

انا بسافر بالماروتى اسكندرية و طنطا وكفرالشيخ و مفيش مشكلة لها فى السفر بس تخلى باللك من مواعيد تغيير الزيت و ضغط الهواء فى الكاوتش و باقى تظبيطات السفر عشان الطرريق
و لو الكاوتش محتاج يتغير لازم تغيرة طالما هتسافر بيها و ما تقرصش عليها فى السرعة اكثر من 120 و حهدى لما تلاقى اللى فى الاتجاه الثانى بيقلب لك نور و متمشيش وراء عربيات نقل كبيرة و بالاخص اللى شايلة زلط عشان ساعات بيقع منهم و ممكن يجيلك فى الزجاج الامامى زى ما عمل معايا و كلفتنى النقرة 30 جنية