استفسار م / يونس حسين و خبراء اللانسر
السلام عليكم ,,
اخواني الاعضاء انا بصدد شراء لانسر بومه 2009 زيرو 1600 ,, مش عارف ايه رايكم مبدأيا في الاختيار انا عاوز عربيه في حدود 110 - 120 الف جنيه سيدان و عمليه و اوتوماتيك ,, - بالنسبه للانسر تنصحوني بالوكيل و لا الخليجي ؟؟؟ - سؤالي المهم هو : هل الانسر الكلاسيك نفس عفشه الهاف سبورت و لا لا ؟؟ لاني سمعت ان المساعدين مختلفين او حاجه زي كده .. - هل الفرق بين الكلاسيك و الهاف سبورت هو الاربع كماليات ( فوج لايت - جنوط - ايرباج تانيه - كاسيت شرائط ) و لا في حاجه تانيه ؟؟؟ - هل الجنوط الاصليه بتتباع لوحدها جديده في الوكيل او في اي مكان مضمون ؟؟ و بكام ؟؟ - هل في طاره و فتيس جلد طبيعي و طاره و فتيس غير كده في الكلاسيك و والهاف و لا كله واحد ؟؟ - بجد عايز حد يجاوبني يكون فاهم لان اصحاب المعارض بيفتوا جامد و مش عارفين !!! - نفس حد يطمني على الوكيل بتاعها كويس و لا لا لاني مش عارف له لا مكان و لاسامع عليه اي حاجه يعني كله بيصلح بره و لا ايه ؟؟؟ - اقرب مركز خدمه ليا فين مع العلم اني ساكن في التجمع الخامس ؟؟؟ - اسف للاطاله بس متعشم ان الاقي الجواب الشافي عند المتخصصين و اللي مجربين .. - يا ريت المهندس يونس حسين يرد عليا بحك خبرته للضروره . |
رد: استفسار م / يونس حسين و خبراء اللانسر
اقتباس:
لانسر كلاسيك 110الف لانسر هاف سبورت 118 الف لانسر سبورت 123 الف لانسر سوبر أكشن 125 الف |
Re: استفسار م / يونس حسين و خبراء اللانسر
الف شكر يا باشمهندس على ذوقك و اهتمامك بالرد المفصل , و ربنا يكرمك يا رب ,,
لكن معلش حضرتك اكدت ان عفشه الهاف هي هي عفشه السبورت ,, معلش هل هي هي عفشه الكلاسيك اكيد ؟؟؟ هل حضرتك مش معايا ان انا لو جبت كلاسيك و ركبتلها جنوط اصليه و كاسيت سي دي محترم يكون اوفر من الهاف سبورت بكتير و لا حضرتك لك راي تاني ,, لو فيها بواخه معلش عاوز اسعار اللانسر الشارك بعد اذنك ,, و متشكر تاني على اهتمام سيادتك بالرد السريع ,, |
رد: استفسار م / يونس حسين و خبراء اللانسر
انا ليا سوأل يا بشمهندس محيرنى
ايه الفرق بين ال GL و ال GLX فى البومه 1600 انا عربيتى موديل 2007 1600 خليجى سعودى 2 ايرباج تابلوه ابانوس اوتوماتيك- عجل مقاس 15 و هيا GL و كل العربيات اللى بشوفها حتى لو مانوال و مقاس عجل 14 بتكون GLX و اسف على الاطاله |
رد: استفسار م / يونس حسين و خبراء اللانسر
اقتباس:
ال GLX بتكون 1600 سى سى فبصراحه مش عارف ازاى عربيتك جى ال و1600 سى سى انا معايا GLX خليجى موديل 2006 اتوماتيك 1600 سى سى ومواصفاتها جنوط وعتاب وطاره وفتيس جلد وكشافات ضباب |
رد: استفسار م / يونس حسين و خبراء اللانسر
اقتباس:
و الرخصه 1600 و الرخصة بتاعة صاحب العربيه اللى انا مشتريها منه برضه كان مكتوب عليها 1600 و لما رحت عشان تجديد الرخصه مهندس الفحص كتب 1600 فى الورق؟؟؟؟؟؟؟؟؟؟؟؟؟ ايه رأيك بقى يا بشمهندس |
رد: استفسار م / يونس حسين و خبراء اللانسر
عندي استفسارين صغننين
الأول ... انا عربيتي لانسر 1600 أوتوماتيك هالف سبورت خليجي موديل 2005 بيكون فيها جنط 14 كنت بغيرلها طنابير جبتها طنابير 1600 ولما جيت اركبها ملقتهاش مقاسها ... وجبت طنابير 1300 ركبت والراجل بتاع المركز قالي لما تيجي تشتري حاجه العفشه هاتها 1300 مش 1600 واتاكدت لقيت ان كل موديلات 2005 سواء سبورت او هاف سبورت عفشتها 1300 السؤال بقه : أنا سمعت ان مينفعش عربية 1600 تكون عفشتها 1300 لان ده بيبوظ العفشة لانه الموتور بيكون تقيل عليها ؟ ايه مدى صحة الكلام ده ؟ ثانيا : لما بدوس فرامل والعربية على D و واقفه خالص بحس بهزة خفيفة كده في العربية مكانتش موجوده قبل كده .. هل ده البنزين عايز يتعلى ولا كهرباء ولا ايه لاني قلقان من الموضوع ده علما بان الار بي ام بيكون اقل من 1 بحاجه بسيطة والموتور ماشي 45 الف كيلو بس وحالته زي الزيرو بالظبط الثالت بقه :D : هل ممكن اركب ABS وبيبقى بكام وفين وكفائته زي الأصلي ولا ملوش لازمة ؟ الرابع : العربية فيها كاسيت اصلي اللي بيكون فيه الزرار بتاع السي دي بس مفيش فيها سي دي ... ممكن اركبه ؟ وبكام ؟ |
الساعة الآن 01:52 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017