|
ibiza 2001
أولاً السلام عليكم جميعاً أنا عضو جديد في المنتدى الجميل دة أنا أول مرة اكتشفه إنهردة الصراحة بس مشاء الله جميل وكل اللي فيه ناس محترمين ومنهم محمد ابيزا ودا شاب رجولة الصراحة
أنا كنت عايز استفسر عن حاجة في الابيزا ال-٢٠٠٠-٢٠٠١ إيه أخبار الموتور ال-1000cc معاكوا كويس وبيجري ولا كتيان ؟يعني مثلاً يطلع من 1300cc كوري (اكسنت مثلاً) ولا لأ وتكييف العربية إيه أخباره حلو وبيسقع ولا مش أوي والكنبة الخلفية واسعة ولا مش أوي؟ واستهلاكها في البنزين إد إيه في الصفيحة؟ و أي ملاحظات ليكوا طبعا على العربية يا رت تقولوها و أخيراً تنصحوني بيها ولا أجيب بتمنها نوبيرا أو سيفيا؟ وأنا أسف أوي على الاسئلة الكتيرة دي بس انتوا عارفين أن قرار شراء عربية دة برضو محير أوي وشكراً ليكوا مقدماً ptmnlo123per159ptmnlo123p er1110 |
رد: ibiza 2001
اهلا وسهلا بيك
وعقبال مامحمد ابيزا يشوف السؤال ححاول اساعدك:) اقتباس:
اقتباس:
فيه معادله الوزن و القوه هيا اللي بتتحكم في النقطه دي وعموما سحبها حلو مش حتخذلك اقتباس:
اقتباس:
اقتباس:
اقتباس:
من خلال تجربتي لعربيه ما كملتش 80 الف كيلو يعني لسه جديده يعني كل ما تستنضف كل ما يبقي اريحلك و حاول بقدر الامكان تكون فابريكه بره و جوه اقتباس:
عاوز عربيه عائليه هات سيفيا عاوز عربيه شبابيه و قويه هات ابيزا ماينفعش نقارنهم ببعض واي خدمه:) |
رد: ibiza 2001
ألف شكر ليك يا باشا أنت بجد ردك كان وافي وممتاز بس ممكن أنت تقولي رأيك اجبها هي ولا أجيب سيفيا أو نوبيرا
|
رد: ibiza 2001
العفو:)
ماهو انا قولتلك علي حسب استعمالك للعربيه يعني مثلا الابيزا تناسب شاب او عائله حديثه التكوين لكن لا تناسب عائله كبيره زي السيفيا او النوبيرا فهمت قصدي؟ |
رد: ibiza 2001
محمد حبيبي ازيك يا مان:D
حازم رده وافي جدا و النوبيرا و السيفيا كأعتمادية انتوا عارفين رأيي في الكوري و عندك احمد عشماوي كان معاه معاه نوبيرا و غيرها و جاب باسات 99 و النوبيرا عيوبها معروفة مقصات رشاشات و طنابير السيفيا مش هكلم فيها لاني مبحبهاش ولا اعرف حاجة عنها بصراحة بس العربيات فئات يا محمد يعني الابيزا هاتش باك شبابيه فاهمني الشباب حتي لما بيتلموا في عربية صغيرة برضه بيبقوا اعدين مكبرين دماغهم و الحياه بيس انما الناس الكبيرة هي اللي عايزه نوبيرا او سيفيا عشان واسعين و النوبيرا و السيفيا فئة السيدان فئة عائلية مش زي الابيزا نهائيا و بعدين قلتلك لو عرفت تخلص واحدة بسعر حنين حتي لو موتورها تعبان 5 الاف جنيه تسقط مكنة 1400 بتاعتها علي نفس الضفاير و الفتيس و احتمال بسيط تغير مساعدين بس معتقدش انهم هيتغيروا برضه و ال 1400 مقولكش مكنة جميلة جدا و سحبها رائع جدا جدا جدا و ربنا يوفقك في الاختيار:) |
رد: ibiza 2001
ابيزا حبيب قلبي أنت عارف اللي فيها بقى أنا معرفش أقفش فلوس أسقط بيها مواتير والكلام دة أنا أخري حجيب العربية بس يا مانptmnlo123per1127 بس الفكرة أني عايز حد يشجعني أو يرشحالي ١٠٠٪ كل الناس بتقولي أنت إيه اللي يخليك تجيب عربية 1000cc
|
رد: ibiza 2001
اقتباس:
1-الضريبة غالية في الترخيص و ال 1000 سي سي مش هيبقي غالي 2-البنزين غالي و كده اقدر احط 92 براحتي و لو عزت احط 95 كمان هحط لاني مش بصرف عليها بنزين كتير 3-عربية الماني و معمرة و شيك جدا 4-هقدر اساعدك في قطع غيارها لما تحتاج حاجة 5-ناس كتير بتشتغل فيها مش هتغلب يعني 6-طرق مصر اللي اغلب مشينا فيها مش عايزه اكتر من كده و حتي علي الطريق السريع ادائها هيبقي مقبول حتي لو عقلك قالك شد و احرق هتلاقي العربية بتستجيب و معفرته معاك:) محتاج ايه اكتر من كده..؟؟ |
| الساعة الآن 05:51 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017