|
تم بيع سيارة بتوكيل رسمي عام ثم توفي الوكيل قبل التسجيل
السلام عليكم يا اساتذة
انا والدي كان عملي توكيل رسمي عام وقمت ببيع سيارته الخاصة به لي انا يعني بيع للنفس بموافقته وبموافقة الجميع وكان البيع بعقد ابتدائي ثم توفي الوالد رحمه الله وحتي الان لم اسجل العقد وذلك نظرا لظروف مرض والدي قبل وفاته دلوقتي انا عايز اعرف هل انا اعرف اسجل بالعقد الابتدائي اللي معايا ولا كدا العربية هتبقي ورث ولازم بقية الورثة يدخلو فيها لان كمان في قاصر من ضمن الورثة واللي عرفتو اننا ممكن كمان نحتاج اذن محكمة لبيع السيارة ؟ يعني كدا العقد الابتدائي اللي تاريخو سابق للوفاة ملوش لازمة ولا ايه ؟ ياريت ياجماعة حد يفيدني |
رد: تم بيع سيارة بتوكيل رسمي عام ثم توفي الوكيل قبل التسجيل
عملت صحة توقيع على العقد الابتدائى ده ؟؟
هل العربية فى حوزتك ولا لاء ؟ وفيه اتفاق مع باقى الورقة على وضع البيع ولا محل نزاع ؟ |
رد: تم بيع سيارة بتوكيل رسمي عام ثم توفي الوكيل قبل التسجيل
لا ياباشا معملتش صحة توقيع لسه
والعربية لسه في حوزتي بالفعل ولا يوجد اي خلاف بين الورثة كلو موافق ولايوجد اي حد معترض حلها ايه ياكبيررررررررررررررر انا ممكن اعمل صحة توقيع من بكرا |
رد: تم بيع سيارة بتوكيل رسمي عام ثم توفي الوكيل قبل التسجيل
بص هو التوكيل العام اللي معاك وعقد معمولة صحة توقيع والاتنين قبل الوفاه بفترة كان ممكن
لكن التوكيل دلوقتي ملوش قيمة كذلك عقد البيع الابتدائي بدون صحة توقيع او اثبات تاريخ بس هقولك الاحسن من كل دة تاخد التوكيل وعقد البيع وتروح علي اي مكتب شهر عقاري ومعاك رخصة العربية سارية او شهادة بيانات وقولهم عايز اعمل عقد مسجل وشوف هيمشوها ولا لاء |
رد: تم بيع سيارة بتوكيل رسمي عام ثم توفي الوكيل قبل التسجيل
شكرا ياباشا
طب لو انا اخدت صحة توقيع علي العقد دا دلوقتي مش يبقي كدا تمام ولا المشكلة هتبقي في ايه ؟ |
رد: تم بيع سيارة بتوكيل رسمي عام ثم توفي الوكيل قبل التسجيل
صحة التوقيع اتعملت فى الاساس علشان البايع ميجيش يطعن فى صحة توقيعة على العقد او حد تانى من الورثة يقولو لاء محصلش وده مش توقيعة فكانت هتبقى حجة فى الحالة ديه
فيه بقى حاجة اسمها صحة ونفاذ وديه بتحول العقد لصيغة تنفيذيه زى نقل الملكية والاثبات فى الشهر العقارى بالظبط بس بتاخد وقت واجراءات بس زى ماقولتلك ديه من الاخر المحاميين بيسموها دعوى ناقله للملكيه سواء عربية او عقار لو عملتها خلاص بقت بتاعتك مليون فى المية وزى ما قولتلك برضو ممكن تروح بموجب التوكيل العام تبيع لنفسك فى الشهر العقارى او للغير وممكن جدا يمشوها عادى فعلشان كدة بقولك ديه اول حاجة تحاول فيها |
رد: تم بيع سيارة بتوكيل رسمي عام ثم توفي الوكيل قبل التسجيل
تمام ياكبير
بالنسبة للشهر العقاري انا رحت بالفعل بس المشكلة اني لازم امضي ان الموكل علي قيد الحياة عشان استعمل التوكيل وقالولي العقد الابتدائي ملوش لازمة بعد ما عرفو ان الموكل مات كدا مفيش ادامي غير صحة ونفاذ العقد ممكن حضرتك تقولي الاوراق المطلوبة لرفع هذة القضية وهل لو اترفعت دلوقتي بعد الوفاة عادي ولا ايه والف شكر لتعبك |
| الساعة الآن 11:01 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017