اسأل و استشير (السيارات الكوريه واليبانيه) , م . محمد عبد الجواد
الساده المحترمين أعضاء مصر موتورز المحترمين,,,,
السلام عليكم ورحمة الله وبركاته, والسلام على من اتبع الهدى وأمن بالله, فى البدايه اتشرف بأن اقدم نفسى لسيادتكم, أنا المهندس محمد عبد الجواد, من مواليد 20-4-1977 مهندس ميكانيكا, خبرتى 12 عام بتوكيلات خارج مصر, والان انا موجود داخل مصر و بمركز ملكاً لى, خبرتى كلها بالسيارات الكوريه واليبانيه, وموضوع اسأل استشير ده بصراحه, وشهاده اتحاسب عليها يوم القيامه مش فكرتى, ده فكرة مهندس محترم بعيد عن مجال السيارات , اسمه المهندس عاصم, هو هاوى فقط لعربيتو الفيرنا, وهو اللى عرفنى على المنتدى ده, و اقترح عليا فكرة اسال استشير , و انا وافقت عليها بعد استخارتى للمولى عز وجل, وبدأت الفكره من فتره بأحد المنتديات الاخرى, والفكره الحمد لله ناجحه تماما, واقسم بالله ماقصدى منها لدعايه لنفسى ولا اى حاجه, انا بعد مااستخرت حلمت بهاتف يقول لى (خيركم من تعلم العلم وعلمه) فقررت التنفي< اى حد عنده سؤال يخص العربيات الكوريه واليبانيه , انا هنا فقط لمساعدته, و محاولة حل المشكله له, ادعولى بس اقدر اوفى معاكم. و كمان طلب ادعولنا فى المركز , والله على ما اقوله شهيد, ولكم فائق الأحترام والتقدير والشكر, وكل الاحترام والتقدير للساده الكرام مشرفين و مديرين المنتدى, وياريت لو فيه اى ملاحظات من جانبهم على الموضوع مراسلتى على الخاص , ولكم جزيل الشكر,,,, |
رد: اسأل و استشير (السيارات الكوريه واليبانيه) , م . محمد عبد الجواد
اهلاً بيك يا باشمهندس محمد نورت مصر موتورز :CONGRA~238:
ايه اخبار التريوس بتشتغلو فيها ؟ |
رد: اسأل و استشير (السيارات الكوريه واليبانيه) , م . محمد عبد الجواد
انشاء الله يا فندم
|
رد: اسأل و استشير (السيارات الكوريه واليبانيه) , م . محمد عبد الجواد
اقتباس:
اسف لتدخلي في الموضوع بس يمكن اقدر اساعد |
رد: اسأل و استشير (السيارات الكوريه واليبانيه) , م . محمد عبد الجواد
كان نفسى تكون شغال فى الفيات تمبرا .. كنت هابقى زبون عندك لأنى حاسس من كلامك انك محترم جدا و بتحب تفيد غيرك .. ربنا يوفقك و تكون دايما عند حسن ظن الجميع .
|
رد: اسأل و استشير (السيارات الكوريه واليبانيه) , م . محمد عبد الجواد
انا معايا لانوس 2011
العربية عكس كل الكلام اللى بيتقال عليها بنسبة كبيرة كويسة جدا معايا مشاكلها معايا هى كالاتى : الفرامل مهما عملت ضعيفة صوت المحرك عالى وكمان استفسار بسيط بخصوص الابرو وازاى استعملة والطريقة كمان |
رد: اسأل و استشير (السيارات الكوريه واليبانيه) , م . محمد عبد الجواد
اقتباس:
حضرتك اللى انسان محترم جداً وانا بوجه لحضرتك خالص احترامى وتقديرى وشخصى, والمشكله اللى عند حضرتك طلمبة بنزين مافيش كلام , وبخصوص اى استفسار تانى انا فى خدمتك انشاء الله بأى وقت, اتصل بيا على طول وانا معاك |
الساعة الآن 12:49 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017