ناوى اشترى رينو داستر ومقلق منها ومحتاج مساعدتكم
 

أنا بجد محتار و محتاج مساعدتكم

أنا كنت ناوي اشتري رينو داستر ال4x4 بس بصراحة أنا مقلق منها جداً
أنا بدور علي عربية تتحمل الي أبعد مدي و دورت في حاجات كتير و قلت أجيب عربية ألماني أحسن و لقيت الفورد فوكس او الفيستا بس اكتشفت انهم حيغيروا شكل اخر السنة فقلت بلاش منها و أنا محتاج عربية و بسرعة و لازم أقرر في اسرع وقت و مش لاقي حاجة تخلليني اتطمن لان أنا بصراحة مهلك للعربيات و بقضي معظم يومي في العربية فياريت و ابقي شاكر ليكوا لو ساعدتوني في اختياري اي عربية ذات التحمل ( يعني مفكرش اغيرها قبل 5 سنين ) من وجهت نظركم.
و شكرًا لكل اللي حساعدني.

رد: أنا فعلا محتاج مساعدتكم
 

إيه يا جماعة مفيش حد قادر يريحني من حيرتي دي؟

رد: أنا فعلا محتاج مساعدتكم
 

يا باشا معلش بس واحدة احدة
انت داخل فى قسم الرينو ومش عاجباك وعايز نقترح عليك غيرها
ماشى برضو طيب ممكن تحكيلنا كنت راكب ايه قبل كده وازاى بالظبط بتهلك العربيات ومشاكلك كانت بتبقى مع العفشه مثلا ولا الموتور ولا ايه

رد: أنا فعلا محتاج مساعدتكم
 

رد: أنا فعلا محتاج مساعدتكم
 

صعب تلاقى الناس تدلك على نوع واحد بس.كل عربية ليها اللى بيحبوها و اللى بيكرهوها . حضرتك تحدد طلباتك الاول و الاخوة فى المنتدى ممكن يساعدوك. :010104~171:

رد: أنا فعلا محتاج مساعدتكم
 

انت عاوز عربية 4*4؟
لو عايز عربية 4*4 مش هتلاقى المانى 4*4 فى سعر الداستر, و أعتقد الخيارات تنحصر بين الداستر و التيجو و الدستر أفضل الخيارات فى هذه الفئة.
حدد أولا ما تحتاجه من السيارة, سيارات ال4*4 فى العادة قوية التحمل لكنها غير ممتعة فى القيادة.
حدد أولا المبلغ اللى تقدر عليه, و بعد كده الفئة التى تحتاجها (عائلية, 4*4, سيارة صغيرة) و نقدر نقولك الخيارات التى أمامك.

رد: أنا فعلا محتاج مساعدتكم
 

الف شكر علي الاستجابة . أنا شاب من سكان الإسكندرية و ساكن في برج العرب و الجامعة بتاعتي في ابو قير ( يعني باخدها من شرقها لغربها ) و كان معايا هيونداي نيو اكسنت 2009 بس بعد سنتين العربية بقت بتعاني من كل حاجة ( موتور و عفشة و كل حاجة ) و سخنت بيا و انا علي الطريق الصحراوي ايام حظر التجول و للأسف عقدني من كل العربيات و محتاج عربية تستحمل المشوار ده كل يوم، امما موضوع مانيوال وللا لا مايفرقش معاية و أنا فكرت في الداستر عشان عالية و 4x4 بس بصراحة قلقت من موتورها خصوصا انه نفس موتور اللوجان و اكبر دليل ان اقصي سرعة الداستر 160 كم/س ده غير انني حسيت العربية فيها فيبر كتير، وكان نفسي حد كان يطمنني منها بس مالاقتش و استغربت و أنا عند الطارق بتفرج علي العربية البائع قاللي ( إبعد عن الرينو دلوقتي ) معرفش هو قال كده ليه بس قالها، و أنا قلت آخد برأي حضراتكم لان أنا فعلن تعبت من كتر ما دورت،معلش أنا آسف انني طولت عليكوا بس من حيرتي و شكرًا للإفادة .