الفرق بين سواقه ال 128 و الشاهين (بخصوص امتحان الرخصه)
السلام عليكم دلوقتي انا كنت رحت مركز تعليم واتدربت علي امتحان الاقماع حرف S علي عربيه 128 وكنت عايز اروح المرور علشان اطلع الرخصه :06A7D5~132: بس العربيه اللي همتحن عليها شاهين و انا عمري ما سقت شاهين قبل كده وخايف من طول العربيه بالنسبه لل 128 يعني ال 128 كنت ببقي شايف الشنطه والقمع لما يجي عند الكاوتش هل هشوفوا برضو في ال الشاهين ولا بالبركه ولا ايه :shyy: وكنت عايز اعرف المسافه بالتقريب اللي في المتحان بين كل قمع والتاني |
رد: الفرق بين سواقه ال 128 و الشاهين (بخصوص امتحان الرخصه)
السلام عليكم قواعد المرور واحده لكل العربيات خلي في ثقه في النفس و اتكل علي الله تعالى والله المستعان |
رد: الفرق بين سواقه ال 128 و الشاهين (بخصوص امتحان الرخصه)
اقتباس:
|
رد: الفرق بين سواقه ال 128 و الشاهين (بخصوص امتحان الرخصه)
خليك في ال128 حجمها اصغر
العربيتين ابعادهم سهلة لكن الشاهين كبيرة شوية فهضايقك في اخنبار الاس |
رد: الفرق بين سواقه ال 128 و الشاهين (بخصوص امتحان الرخصه)
ظبط المرايات علي الرفارف وانت تشوف القراطيس وربنا يسهلك
|
رد: الفرق بين سواقه ال 128 و الشاهين (بخصوص امتحان الرخصه)
أهم أهم حاجه أنك تكون متحكم فى العربية مش هيا إللى تتحكم فيك. و كلمتك لازم تمشى عليها و متنزلش الأرض أبداً :14FEAD~151:
قصدى إضبط مراياتك (الجانبية شمال و يمين بحيت تبقى شايف حرف العربية من ورا و لامح مكان الكاوتش الخلفى فى طرف المرايه) و رجلك تكون حساسة بنزين و دبرياج. بمعنى : متسيبش العربية تجرى و لا تفصل و لا تنط. ممكن (بما إنه أختبار فقط) أنك تفضل مزود بنزين على خفيف و تتحكم فى السرعة بقدر إفلات قدمك للدبرياج. (و على كل: السواقه تدرييييب,كل متتدرب أكتر يكون أحسن,علشان كده سواقين الميكروباص بيسوقو و هما مبرشمين و بيبصوا وراهم على إللى مدفعش الأجرة !!!!!!) |
رد: الفرق بين سواقه ال 128 و الشاهين (بخصوص امتحان الرخصه)
اقتباس:
اقتباس:
اقتباس:
ايه ده هو انا المفروض ابص علي المرايات ؟؟ :thnkr: اصل انا في 128 مكنتش ببص علي المرايات خالص لاني ببقي شايف طرف الشنطه والكاوتش لما يجي عند ال قمع |
الساعة الآن 05:28 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017