هل ممكن تركب عربية صيني
 

ده استفتاء من غير زعل و نرجو من اكبر شريحه من اعضلء النتدلا المشاركه و ابداء السبب ان امكن و بالتالي هيدينا فكره الصيني كويس ولا .......

رد: هل ممكن تركب عربية صيني
 

ايه يا جماعه 22 مشاهدة و 4 بس اللي ردو على الاستقتاء وولا واحد قال سبب اختياره ايه

رد: هل ممكن تركب عربية صيني
 

الصينى كويس و ماشى زى الفل و أنا ركبت صينى كتير و أعرف ناس ركباه ... و أنا عن نفسى بميل أحيانا للصينى عشان بيبقى منفوخ أوبشنز وبيبقى شكله جامد .....

بس لو أنا هشترى ماظنش أنى هشترى صينى ......... مش ذم فى الصينى و لا حاجة .... بس أنا ممكن يبقى عندى وسواس الصينى .... يعنى أبقى ألمس على العربية عشان خاطر أنها صينى .... :crazyW14::crazyW14:

رد: هل ممكن تركب عربية صيني
 

اةةةةةةةةةةةة
بس مين يلايمني علي صيني ولا حتي تشيكي


كلها عربيات وزي ما قولت اي عربية شغالة وقايمة بالواجب احبها

رد: هل ممكن تركب عربية صيني
 

علي ايه يا عم سعيد القلق اروح اجيب عربية صيني ويبقي مصيري زي مصير الاستاذ عماد وغيرهم كتير ونادرا لو نصيبي طلع زي ابو الاسعاد

اللي شوفته انا ما بين كل 100 عربية صيني ممكن تلاقي بتاع 10 كويسين والباقي غرقان في المشاكل

لكن بالنسبة لبقية العربيات ما بين كل 100 عربية ممكن تلاقي عربيتين تلاته فيهم مشاكل والباقي زي الفل والمشاكل كمان سهل حلها مش يبقي فيها مشاكل ومش عارف احلها وملهاش قطع غيار موجودة والاستاذ عماد يشهد علي كدا


من الاخر مش هشتري صيني ولو فكرت في بيع الفيرنا هجيب لوجن

رد: هل ممكن تركب عربية صيني
 

للاسف جميع رجال الاعمال الذين يقومون بالاستيراد من الصين دائما يقومون بتحديد سعر متدنى جدا للسيارة وبالتالى نجد ان السيارة المستورده من الخارج خاماتها رديئة وممكن نلاحظ ده من فيديوهات الاعلانات لتلك السيارات فى الصين وقارن بينها وبين الموجود فى مصر
ناهيك عن موضوع تجميع السيارة من فيلم اغنيه يعنى ممكن تلاقى راكب موتور تويوتا مع عفشة لانسر مع فتيس صينى يعنى حاجة كده ملخبطة
اخر حاجة واهمها الثقة فى الصناعة الصينى يعنى ممكن تكون السيارة ممتازة ومحترمة ولكن عدم وجود الثقة فى كل ما هو صينى يخليك دائما قلقان وغير مرتاح بالمرة للسيارة

رد: هل ممكن تركب عربية صيني
 

انا مع العربيات الصيني بفتكر حنه من فيلم جائنا البيان التالي مع محمد هنيدي
لما كان بيقول العلبة بتاعت اللبن 1/4 لتر كانت ب 5 جنيه
و بقدرة قادر العلبه اصبحت 1 لتر و برده ب 5 جنيه اكيد العلبه دي فيها فيل و في الاخر طلع الفيل هرمون يسبب السرطان
نطبق المثل على العربيات الصيني
لمل تبقى اللانسر ب 105 الف و فيها نص الاوبشنز اللي في اسبرانزا
و نلاقي الاسبرانزا ب 65 الف و فيها كل الابشن يبقى اكيد العربية فيها فيل
و الفيل هنا خامات رديئة توكيل تعبان قطع عمرها الافتراضي متدني
عوامل الامان صفر
و في مثال اخر
تيريوس 1 مستعمله موديل 2000 ب 45 الف
اكس بلوجن زيرو بكماليات و موتور 1500 سي سي وكاسيت و تكييف مش عارف ايه و دي فيدي و حوارات و ب 59 الف على ما اعتقد يبقى اكيد فيها فيل
و معلش محدش يقنعني ان شركة زي متسوبيشي هبله علشان تدي مواتيرها لمنافس يركبه عنده في عربياته و يوقف حاله اكيد لو عملت كده تبقى في حاجه غلط
وعلشان كده انا لم و لن افكر في الصيني